Nayanthara Vignesh Shivan: பாலிவுட் பாட்ஷா முதல் மாணிக் பாட்ஷா வரை... விக்கி - நயன் திருமண ஆல்பம் ரிலீஸ்!
நயன்தாரா விக்னேஷ் சிவன் திருமணத்தில் பிரபல நடிகரான ரஜினிகாந்த் கலந்து கொண்டார். அது தொடர்பான புகைப்படங்களை இயக்குநர் விக்னேஷ்சிவன் வெளியிட்டு இருக்கிறார்.
நயன்தாரா விக்னேஷ் சிவன் திருமணத்தில் பிரபல நடிகரான ரஜினிகாந்த், ஷாருக்கான் உள்ளிட்ட பல நட்சத்திரங்கள் கலந்து கொண்டனர். அது தொடர்பான புகைப்படங்களை இயக்குநர் விக்னேஷ்சிவன் தனது இன்ஸ்டாகிராம் பக்கத்தில் வெளியிட்டு இருக்கிறார்.
View this post on Instagram
மேலும் அந்தப்புகைப்படபதிவில், “ திருமணத்தில் ரஜினிகாந்த் கலந்து கொண்டு எங்களை ஆசீர்வதித்தது, நிறைய பாசிட்டிவிட்டியையும், நல்ல உணர்வையும் கொடுத்தது. திருமணம் நடந்து ஒரு மாதம் முடிந்திருக்கும் நிலையில், எங்களின் அழகான தருணங்களில் ஒன்றை உங்களுடன் பகிர்ந்து கொள்வதில் மகிழ்ச்சி” என்று பதிவிட்டு இருக்கிறார்
View this post on Instagram
இது மட்டுமல்லாது பாலிவுட் முன்னணி நடிகரான ஷாருக்கான், இயக்குநர்கள் மணிரத்னம், அட்லீ உள்ளிட்டோர் கலந்து கொண்ட புகைப்படங்களையும் அவர் பகிர்ந்து இருக்கிறார். இந்தப்புகைப்படங்கள் தற்போது சமூக வலைதளங்களில் வைரலாகி வருகிறது.
முன்னதாக, தமிழ் சினிமாவில் நட்சத்திர காதல் ஜோடிகளாக வலம் வந்த நடிகை நயன்தாரா - இயக்குநர் விக்னேஷ்சிவன் திருமணம் கடந்த மாதம் மாமல்லபுரத்தில் வெகுவிமரிசையாக நடைபெற்றது. இந்த திருமணத்தில் குடும்பத்தினர்கள், நெருங்கிய நண்பர்கள், முக்கிய பிரபலங்கள் மட்டுமே பங்கேற்றனர். முதலில் இந்த திருமணம் திருப்பதியில் நடைபெறும் என கூறப்பட்ட நிலையில் பயண தூரம், விஐபி பாதுகாப்பு போன்ற காரணங்களால் தேவஸ்தானம் அனுமதி மறுப்பு உள்ளிட்ட காரணங்களால் பின் மாமல்லபுரத்துக்கு மாற்றப்பட்டது.
View this post on Instagram
திருமணம் முடிந்த கையோடு இந்த ஜோடி திருப்பதி சென்று நேற்று சாமி தரிசனம் செய்தனர். தொடர்ந்து இருவரும் ஹனிமூனுக்காக தாய்லாந்திற்கு சென்றனர். அங்கு அவர்கள் எடுத்துக்கொண்ட புகைப்படங்களை விக்னேஷ் சிவன் தொடர்ந்து வெளியிட்டு வந்தார். அப்படியே தாய்லாந்தில் இருந்து கிளம்பிவிட்டோம் எனவும் வீடியோ வெளியிட்டு இருந்தார்.
தலைப்பு செய்திகள்
ட்ரெண்டிங் செய்திகள்
