![metaverse](https://cdn.abplive.com/imagebank/metaverse-top.png)
Annapoorani OTT Release: நெட்ஃப்ளிக்ஸூக்கு வரும் நயன்தாராவின் "அன்னபூரணி".. ஓடிடி ரிலீஸ் தேதி இதுதான்!
நயன்தாரா நடித்து கடந்த டிசம்பர் மாதம் 1ஆம் தேதி திரையரங்கில் வெளியான அன்னப்பூரணி படத்தின் ஓடிடி ரிலீஸ் தேதி வெளியாகி இருக்கிறது.
![Annapoorani OTT Release: நெட்ஃப்ளிக்ஸூக்கு வரும் நயன்தாராவின் nayanthara annapoorani movie to release on netflix on 29 december Annapoorani OTT Release: நெட்ஃப்ளிக்ஸூக்கு வரும் நயன்தாராவின்](https://feeds.abplive.com/onecms/images/uploaded-images/2023/12/24/6ccfe5efa6c6f8935c0d36b46e78d2b41703413092375572_original.jpg?impolicy=abp_cdn&imwidth=1200&height=675)
அன்னப்பூரணி
நடிகை நயன்தாராவின் 75ஆவது திரைப்படமாக உருவான ‘அன்னபூரணி கடந்த டிசம்பர் 1 ஆம் தேதி வெளியானது. அறிமுக இயக்குநர் நிலேஷ் கிருஷ்ணா இப்படத்தை இயக்கியுள்ளார். நடிகர்கள் ஜெய், சத்யராஜ், இயக்குநர் கே.எஸ்.ரவிக்குமார், கார்த்திக் குமார், அச்யுத் குமார், ரெடின் கிங்ஸ்லி உள்ளிட்ட பலர் இப்படத்தில் நடித்துள்ளனர். தமன் இசையமைத்துள்ளார்.
கதை
தனது சிறிய வயது முதலே ருசியை நுணுக்கமான கண்டறியும் தனித்துவமான திறமையைக் கொண்டிருக்கிறார் அன்னப்பூரணி. உலகளவில் புகழ்பெற்ற செஃப் ஆவதே இவரது கனவு. பாரம்பரியமான பிராமண குடும்பத்தில் பிறக்கும் அன்னப்பூரணிக்கு மிகப்பெரிய தடையாக இருப்பது அவரது வளர்ந்த கலாச்சாரம். தன்னுடைய குடும்பச் சூழலில் இருக்கும் கட்டுப்பாடுகளை கடந்து வெளி உலகின் தான் சந்திக்கும் சவால்களை எதிர்கொண்டு தனது லட்சியத்தை அன்னப்பூரணி அடைந்தாரா என்பதே இந்தப் படத்தின் கதை.
குடும்ப ஆடியன்ஸ் மத்தியில் நல்ல விமர்சனங்களைப் பெற்று திரையரங்கில் ஓடிய இப்படம் அன்னப்பூரணி. தற்போது இந்தப் படத்தின் ஓடிடி ரிலீஸ் தேதி வெளியாகி ரசிகர்களை மகிழ்ச்சியில் ஆழ்த்தியுள்ளது.
ஓடிடி ரிலீஸ்
அன்னபூரணி படத்தின் ஓடிடி உரிமத்தை நெட்ஃப்ளிக்ஸ் தளம் பெற்றுள்ளது. வரும் டிசம்பர் 29 ஆம் தேதி இந்தப் படம் இந்தத் தளத்தில் வெளியாக இருக்கிறது.
Unga vayirum manasum neraika oru delicious movie oda varanga namma Lady Superstar😍#Annapoorani is coming to Netflix on 29 Dec in Tamil, Telugu, Malayalam, Kannada and Hindi.#AnnapooraniOnNetflix pic.twitter.com/py82y1imn4
— Netflix India South (@Netflix_INSouth) December 24, 2023
அன்னப்பூரணி படம் குறித்து நயன்தாரா
முன்னதாக இப்படம் குறித்து பகிர்ந்து கொண்ட நயன்தாரா பேசியதாவது: “அன்னபூரணி படத்தில் என்னை நானே 95 சதவீதம் பார்த்துள்ளேன். அன்னபூரணி என்னை தான் பிரதிபலிக்கிறது. விக்கிக்கு கேக் ரொம்ப பிடிக்கும். அவருக்கு பிடித்த கேக் செய்ய கத்துக்கிட்டு அதை செய்தேன். ராஜா ராணியில் ஜெய் கூட நடித்த ஃபீலிங் அன்னப்பூரணி படத்திலும் இருந்தது.
ராஜா ராணி படத்துக்குப் பிறகு 10 ஆண்டுகளாக ஜெய் கூட பேசவில்லை. இந்த படத்துக்காகத்தான் இப்போது பேசியுள்ளேன். ஆனால், நாங்கள் ஷூட்டிங்கில் நன்றாக பேசி வேலை பார்த்தோம். எனக்கும் ஜெய்க்கும் அழகான பிரண்ட்ஷிப் உள்ளது. அதிகமாக மெசேஜ் பண்ணிக்க மாட்டோம். செல்போனில் பேசிக்க மாட்டோம். ஆனால், எங்களுக்கு நல்ல நட்பு உள்ளது.
“சத்யராஜ் சார் கூட நடிக்கும்போது, எப்படி அவர் இப்படி நடிக்கிறார் என்று தோணும். நான் நடிக்கும் படத்தில் சத்யராஜ் சார் எப்பொழுதும் ஓகே சொல்லி இருக்கிறார். சினிமாவில் எப்பொழுதும் எனக்கு அப்பா என்று கூற நினைத்தால் அது சத்யராஜ் சார்தான்” என்றார்
தலைப்பு செய்திகள்
ட்ரெண்டிங் செய்திகள்
![metaverse](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)