GV Prakash Kumar: விஜய் மீது கடுப்பான ஜி.வி.பிரகாஷ்.. நடிக்க வரும்போன் முன் நடந்த ஷாக் சம்பவம்!

விஜயுடன் இருக்கும்போது ஜாலியாக இருக்கும். நாங்கள் நிறைய நேரம் செலவிட்டுள்ளோம். நான் மீண்டும் விஜயுடன் தெறி படத்தில் வேலைப் பார்த்தேன் என ஜி.வி.பிரகாஷ் தெரிவித்துள்ளார்.

ஜி.வி.பிரகாஷ்குமார், முதலமைச்சர் விஜய்

Source : ABP

தமிழக முதலமைச்சர் விஜயுடன், தான் பணியாற்ற நினைத்த நிலையில், மிஸ்ஸான படங்கள் குறித்து இசையமைப்பாளர் ஜி.வி.பிரகாஷ்குமார் தெரிவித்துள்ளார். 

வெயில் படம் தமிழ் சினிமாவில் இசையமைப்பாளராக அறிமுகமானவர் ஜி.வி.பிரகாஷ்குமார். அஜித், ரஜினி, விஜய், சூர்யா, தனுஷ் என தமிழ் சினிமாவின் பல முன்னணி ஹீரோக்களின் படங்களுக்கும் இசையமைத்து உச்சத்தில் இருந்தார். அப்படியாக 2015ம் ஆண்டு நடிகராக மாறிய ஜி.வி.பிரகாஷ், மறுபக்கம் இசையையும் திறம்பட கையாண்டு வருகிறார். இப்படியாக அவர் நடிப்பில் அடுத்ததாக கயாடு லோஹருடன் நடித்துள்ள இம்மோர்டல் படம் விரைவில் வெளியாகவுள்ளது. 

இந்த நிலையில் நேர்காணல் ஒன்றில் பேசிய ஜி.வி.பிரகாஷ்குமார், தலைவா படத்தில் விஜயுடன் டான்ஸ் ஆடியது பற்றி பேசியுள்ளார். அதாவது, “நான் அந்த பாடலில் விஜயுடன் ஆடுவதற்கு அவரைப் போலவே ஜீன்ஸ் மற்றும் சட்டை கேட்டேன். ஆனால் எனக்கு விஜய் தான் அந்த குர்தாவை கொடுத்தார். எனக்கு ரொம்ப கடுப்பாக இருந்தது. அந்த நடன அசைவும் கடினமாக இருந்தது. அதையே நான் தனியாக பயிற்சி எடுத்துக் கொண்டிருந்ததை சேர் போட்டு விஜய் பார்த்துக் கொண்டிருந்தார். 

பின்னர் என்னிடம் நீ நல்லா பிராக்டிஸ் பண்ற என சொல்லி பாராட்டினார். விஜயுடன் இருக்கும்போது ஜாலியாக இருக்கும். நாங்கள் நிறைய நேரம் செலவிட்டுள்ளோம். நான் மீண்டும் விஜயுடன் தெறி படத்தில் வேலைப் பார்த்தேன். 

இயக்குநர் அட்லீயை ஷங்கரின் உதவியாளராக இருக்கும்போதே எனக்கு பழக்கம். என்னுடைய மயக்கம் என்ன படத்தின் இசையைக் கேட்டு விட்டு ராஜா ராணி படத்தில் மியூசிக் போட வேண்டும் என கேட்டு வந்தார். அந்த படம் சிறப்பாக வந்தது. இன்று வரை ராஜா ராணி படம் இசை பேசப்பட்டு வருகிறது. அதன்பின் என்னுடைய 50வது படமாக தெறி அமைந்தது. அட்லியுடன் வேலை செய்யவே சூப்பரா இருக்கும். தெறி படத்தின் பாடல்கள், பின்னணி இசை எல்லாமே சிறப்பாக இருந்தது. என்னுடைய மிகப்பெரிய கமர்ஷியல் படமாக தெறி அமைந்தது என கூறினார். 

இதன்பின் எனக்கு விஜயுடன் பணியாற்ற சரியான நேரம் அமையவில்லை. சுதா கொங்காரா அல்லது வெற்றிமாறன் இயக்கத்தில் விஜய் ஒரு படம் நடிக்க, அதற்கு நான் இசையமைப்பதாக இருந்தது. ஆனால் இருவரும் படத்தின் திரைக்கதையை ஒரு வருடம் தேவை என்ற சூழலில் தான் விஜய் பீஸ்ட் படத்தில் நடிக்க சென்றார்.

சுதா கொங்கரா விஜய்க்கு சொன்ன கதை உண்மையிலேயே சிறந்தது. ஆனால் அதை தொடர முடியாதது துரதிஷ்டவசமானது. அதே கதையில் மகேஷ்பாபு நடிப்பதாக இருந்தது. ஆனால் அதுவும் கைவிடப்பட்டது எனவும் ஜி.வி.பிரகாஷ்குமார் தெரிவித்துள்ளார்.