"யாதும் ஊரே யாவரும் கேளிர்" - சிலம்பரசன் குரலில் வெளியாகும் முதல் சிங்கள்.!
இந்த 2021ம் ஆண்டு மட்டும் மாஸ்டர் உள்பட 11 படங்கள் இவருடைய நடிப்பில் உருவாகி உள்ளது
மக்கள் செல்வன் விஜய்சேதுபதி நடிப்பில் உருவாகியுள்ள படம் தான் "யாதும் ஊரே யாவரும் கேளிர்". இந்த 2021ம் ஆண்டு மட்டும் மாஸ்டர் உள்பட 11 படங்கள் இவருடைய நடிப்பில் உருவாகி உள்ளது என்பது குறிப்பிடத்தக்கது. "யாதும் ஊரே யாவரும் கேளிர்" என்ற படத்தை புதுமுக இயக்குனர் வெங்கட கிருஷ்ணா இயக்க சந்திரா ஆர்ட்ஸ் சார்பில் இசக்கி துரை தயாரித்து வருகின்றார்.
வித்யாசமான கதைக்களத்துடன் ஆக்சன் திரில்லர் படமாக "யாதும் ஊரே யாவரும் கேளிர்" உருவாகி வருகின்றது. இந்நிலையில் இந்த படத்தில் இருந்து "முருகா" என்ற முதல் சிங்கள் நாளை மாலை 6 மணிக்கு வெளியாக உள்ளது. இதற்கான அதிகாரப்பூர்வ தகவல் தற்போது வெளியாகி உள்ளது.
மேலும் இந்த படத்திற்கு நிவாஸ் கே பிரசன்னா இசையமைக்க முருகா என்ற இந்த முதல் சிங்கள் பாடலை சிலம்பரசன் பாடியுள்ளார் என்பது கூடுதல் சிறப்பு. சிறுவயது முதலே சிறந்த குரல்வளம்மிக்கவர் சிலம்பரசன் என்பது உலகமறிந்தது. தற்போது விஜய்சேதுபதி படத்தில் சிலம்பரசன் ஒரு பாடல் பாடியிருப்பது பெரும் எதிர்பார்ப்பை ஏற்படுத்தியுள்ளது.
தலைப்பு செய்திகள்
ட்ரெண்டிங் செய்திகள்
