காத்துவாங்கிய திரெளபதி 2 காட்சிகள்...காசு கொடுத்து படையை இறக்கிய மோகன் ஜி

திரெளபதி 2 திரைப்படத்திற்கு மக்களிடம் சுத்தமாக வரவேற்பு கிடைக்காத காரணத்தினால் பணம் கொடுத்து படத்திற்கான ப்ரோமோஷன் வேலைகளில் இறங்கியுள்ளார் மோகன் ஜி

மோகன் ஜி , திரெளபதி 2

Source : X

கடந்த ஜனவரி 23 ஆம் தேதி திரையரங்கில் வெளியான மோகன் ஜி இயக்கியுள்ள திரெளபதி 2 திரைப்படத்திற்கு மக்களிடம் சுத்தமாக வரவேற்பு கிடைக்கவில்லை. இதனால் வருத்தம் தெரிவித்து மோகன் ஜி வீடியோ வெளியிட்டிருந்தார். இந்த வீடியோவை அவர் வெளியிட்ட அடுத்த சில நாட்களில் படத்திற்கு தீவிரமாக பெயிட் ப்ரோமோஷன் செய்தும் வருகிறார். இதனை ரசிகர்கள் சுட்டிகாட்டியுள்ளார்கள்.

கடந்த ஜனவரி 23 ஆம் தேதி திரெளபதி 2 , மங்காத்தா (ரீரிலீஸ்) , ஹாட்ஸ்பாட் 2 மச் , ஜாக்கி ஆகிய படங்கள் திரையரங்கில் வெளியாகின. இதில் அஜித்தின் மங்காத்தா திரைப்படத்திற்கு ரசிகர்கள் மிகப்பெரியவில் வரவேற்பு கொடுத்து கொண்டாடி வருகிறார்கள். இதனால் மற்ற படங்கள் வசூல் ரீதியாக பெரியளவில் பாதிப்பை சந்தித்துள்ளன. ஜாக்கி திரைப்படம் சென்னையில் உள்ள அனைத்து திரையரங்குகளில் இருந்தும் நீக்கப்பட்டுள்ளது. அதே போல் ஹாட்ஸ்பாட் 2 மச் படத்திற்கு குறைவான கூட்டமே காணப்படுகிறது. மோகன் ஜி இயக்கத்தில் உருவாகியுள்ள திரெளபதி 2 திரைப்படமும் பெரியளவில் பாதிக்கப்பட்டுள்ளது. 

சரித்திர படமாக உருவாகியிருந்தாலும் திரெளபதி 2 படத்திற்கு ஆரம்பம் முதலே ரசிகர்களிடம் எந்த வரவேற்பும் இருக்கவில்லை. மேலும் படம் பார்த்தவர்களும் நெகட்டிவ் விமர்சனங்களையே வழங்கியுள்ளார்கள். சுய சாதிப் பெருமை , வழக்கொழிந்து போன காட்சியமைப்புகள் , சுமாரான வி.எஃப்.எக்ஸ் என படத்தின் குறைபாடுகளை விமர்சகர்கள் சுட்டிகாட்டியுள்ளார்கள். 

மோகன் ஜி ஆதங்கம்

திரெளபதி 2 படத்திற்கு வரவேற்பு கிடைக்காதது குறித்து படத்தின் இயக்குநர் மோகன் ஜி தனது ஆதங்கத்தை தொடர்ச்சியாக சமூக வலைதளத்தில் வெளிப்படுத்தி வருகிறார். தான் உலகத்தரம் வாய்ந்த ஒரு படத்தை வெறும் 30 நாட்களில் எடுத்துள்ளதாகவும் மற்றவர்களைப் போல் 150 நாட்கள் படமெடுத்து ஏமாற்றவில்லை என்றும் பேட்டி ஒன்றில் அவர் கூறியுள்ளார். இந்த படத்திற்கு தனக்கு போதுமான பட்ஜெட் இல்லையென்றும் 100 கோடி பட்ஜெட் கொடுத்திருந்தால் பாகுபலி மாதிரியான ஒரு படத்தை தன்னால் கொடுத்திருக்க முடியும் என்று மற்றொரு பேட்டியில் அவர் கூறியுள்ளார். 

பணம் கொடுத்து கூட்டம் கூட்டிய மோகன் ஜி 

மேலும் கடந்த சில  நாட்களாக திரெளபதி 2 படத்திற்கு தீவிரமாக பெயிட் ப்ரோமோஷன்களும் நடந்து வருகின்றன. ஐ.எம்.டி.பியில் படத்திற்கு 9 புள்ளிகள் ரேட்டிங் கொடுக்கப்பட்டுள்ளதாக தனது எக்ஸ் பக்கத்தில் மோகன் ஜி பகிர்ந்துள்ளார். இயக்குநருக்கு ஆதரவானவர்கள் மூலமாக மொத்தமாக பணத்தை கொடுத்து மக்களை கூட்டம் கூட்டி படம் ஹவுஸ்ஃபுல்லாக ஓடிக்கொண்டிருப்பதாக பல வீடியோக்களும் பகிரப்பட்டு வருகின்றன. இதனால் சமூக வலைதளங்களில் மோகன் ஜியை நெட்டிசன்கள் கடுமையாக ட்ரோல் செய்து வருகிறார்கள்.