Mansoor Ali Khan Trisha Video: ”அரசியல் ரீதியாக பழிவாங்கவே என்மீது அவதூறு” - மன்சூர் அலிகான் விளக்கம்

Mansoor Ali Khan Trisha Video: “என் மீது அரசியல் ரீதியாக பழிவாங்க நினைக்கிறார்கள்" என்று மன்சூர் அலிகான் திரிஷா வீடியோ பற்றி விளக்கம் அளித்துள்ளார்.

மன்சூர் அலிகான்

Mansoor Ali Khan Trisha Video: அரசியல் ரீதியாக பழிவாங்கவே தன்னை பற்றி அவதூறு பரப்புவதாக நடிகர் மன்சூர் அளிகான் விளக்கம் அளித்துள்ளார். 

மன்சூர் அலிகான் பேச்சு:

 

விஜய் நடிப்பில் வெளிவந்த லியோ படத்தில் மன்சூர் அலிகான் நடித்திருந்தார். அண்மையில் பேட்டியளித்த அவர், லியோ படத்தில் ஹீரோயினாக நடித்த த்ரிஷாவுக்கு நெருக்கமாக நடிக்க தனக்கு வாய்ப்பு வழங்கவில்லை என்று பேசினார். மேலும், அந்த காலத்தில் நடிகைகளுடன் நெருக்கமாக இருந்த காட்சிகள் போல் தற்போது தனக்கு கிடைப்பதில்லை என்றதுடன், வில்லனாக பெண்களுக்கு எதிராக நடிப்பதை விரும்புவதை போல் பேசி இருந்தார். 

 

மன்சூர் அலிகானின் வெறுப்பு மிகுந்த பேச்சுக்கு நடிகை திரிஷா கடும் கண்டனத்தை பதிவு செய்தார். இது தொடர்பாக, அவர் வெளியிட்ட டிவிட்டர் பதிவில் மன்சூர் அலிகான் பேச்சு அருவருக்கத்தக்க விதமாக இருப்பதாகவும், இதுபோன்ற கீழ்த்தரமான நபருடன் இனிமே நடிக்க மாட்டேன் என த்ரிஷா கூறி இருந்தார். த்ரிஷாவை குறிப்பிட்ட மன்சூர் அலிகான் பேசியதற்கு இயக்குநர் லோகேஷ் கனகராஜ், கார்த்திக் சுப்புராஜ் மற்றும் நடிகை மாளவிகா மோகனன் உள்ளிட்டோர் கண்டனம் தெரிவித்தனர். 

 

அரசியலுக்கு வர்ற நேரம்:

 

இந்த நிலையில், அரசியல் ரீதியாக பழிவாங்கவே தன்மீது அவதூறு பரப்புவதாக நடிகர் மன்சூர் அளிகான் கூறியுள்ளார். இது தொடர்பாக அவர் வெளியிட்ட பதிவில், “என் மீது அரசியல் ரீதியாக பழிவாங்க நினைக்கிறார்கள்! என் மீது அவதூறு பரப்பும் நண்பர்கள் முதலில் 10 நாள் முன்பு நான் அளித்த அரசியல் சந்திப்பு முழு வீடியோவை பார்த்துவிட்டு விமர்சிக்கவும். தனிநபர் மீது எந்தப் பேச்சும் இல்லை. சினிமா நடிப்பு பற்றி தான். "வாய்மை வெல்லும்" என கூறியுள்ளார். 

 

முன்னதாக, 'அய்யா' பெரியோர்களே. திடிர்னு திரிஷாவை நான் தப்பா பேசிட்டேன்னு என் பொண்ணு பசங்க, வந்த செய்திகள அனுப்பிச்சாங்க. அடப்பாவிகளா, என் படம் ரிலீஸ் ஆகுற நேரத்துல. நான் வர்ர தேர்தல்ல ஒரு பிரபல கட்சி சார்பா போட்டியிடறேன்னு சொன்ன வேளையில வேண்டும்னே நல்லா எவனோ கொம்பு சீவிவிட்டுருக்கானுக. உண்மையில அந்த பொண்ண உயர்வாத்தான் சொல்லிருப்பேன். அனுமாரு சிரஜ்சீவி மலைய கையிலேயே தாங்கிட்டு போன மாதிரி காஷ்மீர் கூட்டிட்டு போயிட்டு வானத்துலேயே திருப்பி கொண்டு வந்துட்டாங்க. பழைய படங்கள் மாதிரி கதாநாயகிகள் கூட நடிக்க வாய்ப்பு இதுல இல்ல. ஆதங்கத்த காமெடியா சொல்லிருப்பேன். 

 

மரியாதை கொடுக்குறவன்:

 

அத கட் பண்ணி போட்டு கலகம் பண்ண நெனச்சா நான் என்ன இந்த சலசலப்புகளுக்கு என்ன அஞ்சரவனா. திரிஷாட்ட தப்பா வீடியோவ காட்டிருக்காங்க. அய்யா என்கூட நடிச்சவங்கள்ளாம் MLA. M.P. மந்திரின்னு ஆயிட்டாங்க பல கதாநாயகிகள். பெரிய தொழில் அதிபர்கள கட்டிட்டு செட்டில் ஆகிட்டாங்க. மேலும். லியோ பூஜையிலேயே என் பொண்ணு தில் ரூபா உங்களோட பெரிய FAN ணுன்னு சொன்னேன். இன்னும் 2 பொண்ணுகளுக்கு கல்யாணம் பண்ணனும் 360 படங்கள்ல நடிச்சிட்டேன். நான் எப்பவும் சக நடிகைகளுக்கு ரொம்ப மரியாத குடுக்கறவன் எல்லாருக்கும் தெரியும் சில சொம்பு தூக்கிகளோட பருப்பெல்லாம் என்ட்ட வேகாது. திரிஷாட்ட தப்பா கட் பண்ணி காமிச்சு கோபப்பட வச்சுருக்காங்கண்ணு தெரியுது உலகத்துல எத்தனயோ பிரச்சின இருக்கு... பொழப்ப பாருங்கப்பா” என இன்ஸ்டகிராமில் பகிர்ந்து இருந்தார். 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Mansoor Ali Khan (@mansoor_alikhan_offl)