Manjima Mohan: ரோப் யோகா, நீச்சல், தீவிர உடற்பயிற்சி... உடல் எடையைக் குறைத்து கெத்து காட்டும் மஞ்சிமா மோகன்!
கேரள சினிமாக்களில் குழந்தை நட்சத்திரமாக தன் பயணத்தைத் தொடங்கி மஞ்சிமா மோகன் தமிழில் கௌதம் மேனனின் ‘அச்சம் என்பது மடமையடா’ படத்தில் சிம்பு ஜோடியாக அறிமுகமானார்.
தென்னிந்திய சினிமாவில் குழந்தை நட்சத்திரமாக அறிமுகமாகி தற்போது பிரபல நடிகைகளுள் ஒருவராக வலம் வருபவர் நடிகை மஞ்சிமா மோகன்.
கேரள சினிமாக்களில் குழந்தை நட்சத்திரமாக தன் பயணத்தைத் தொடங்கி மஞ்சிமா மோகன் தமிழில் கௌதம் மேனனின் ‘அச்சம் என்பது மடமையடா’ படத்தில் சிம்பு ஜோடியாக அறிமுகமானார். இந்தப் படத்தின் மூலம் பெரும் ரசிகர் பட்டாளத்தை மஞ்சிமா பெற்ற நிலையில், தொடர்ந்து தேவராட்டம் படத்தில் நடித்தபோது நடிகர் கௌதம் கார்த்திக் உடன் இவருக்கு நல்ல நட்புறவு ஏற்பட்டது.
தொடர்ந்து விபத்து ஒன்றில் ஏற்பட்ட எலும்பு முறிவு காரணமாக மஞ்சிமா சினிமாவில் இருந்து ஒதுங்கி இருந்த நிலையில், இந்தக் காலக்கட்டத்தில் தனக்கு உறுதுணையாக இருந்த நடிகர் கௌதம் கார்த்திக் உடன் மஞ்சிமா காதலில் விழுந்தார்.
இந்நிலையில் சில ஆண்டு கால காதலுக்குப் பிறகு மஞ்சிமாவும் கௌதம் கார்த்திக்கும் கடநத ஆண்டு நவம்பர் மாதம் திருமணம் செய்து கொண்டனர். தொடர்ந்து தங்கள் காதல் மற்றும் திருமண வாழ்க்கையில் பக்கங்களைப் பகிர்ந்து மஞ்சிமா -கௌதம் கார்த்திக் ஜோடி இணையத்தில் லைக்ஸ் அள்ளி வருகின்றனர்.
மற்றொருபுறம் கடந்த சில ஆண்டுகளாகவே சினிமாவில் இருந்து விலகி இருந்துவரும் மஞ்சிமா, உடல் எடை கூடிய நிலையில், அவரை பாடிஷேம் செய்து இணையத்தில் தொடர்ந்து கருத்துகள் பகிரப்பட்டு வருகின்றன.
இவற்றை பெரிதும் கண்டுகொள்ளாமல் இருந்து வந்த மஞ்சிமா, “என்னுடைய எடை எனக்கு பிரச்சனை இல்லை. தேவைப்பட்டால் அதை என்னால் குறைக்க முடியும்.
இந்த ட்ரோல்களை எல்லாம் நான் பெரிதாக எடுத்து கொள்வது கிடையாது. உண்மையை சொல்ல வேண்டும் என்றால் ஒரு சில ட்ரோல்கள் உண்மையிலேயே மிகக் காமெடியாக இருக்கும். அதை பார்த்து சிரித்துவிட்டு அடுத்த வேலையை பார்க்க தொடங்கிவிடுவேன்” என பதிலளித்திருந்தார்.
இந்நிலையில், தற்போது தான் கூறியபடி மஞ்சிமா தன் உடல் எடையைக் குறைக்கும் பணியில் முழுவீச்சில் ஈடுபட்டுள்ளார்.
View this post on Instagram
அதன்படி, ரோப் யோகா, நீச்சல் என கடும் உடற்பயிற்சிகளை மேற்கொண்டு வரும் மஞ்சிமா இந்தப் புகைப்படங்களையும் தன் இணையப் பக்கத்தில் பதிவிட்டு வருகிறார்.
View this post on Instagram
மேலும், தான் உடல் எடை குறைந்து ஸ்லிம்மாக இருக்கும் புகைப்படங்களையும் இணையத்தில் தற்போது பதிவிட்டுள்ளார்.
Before You Go
Parthiban Apology | ”நான் சாதி பார்க்குறவனா? வாய் தவறி பேசிட்டேன்” பார்த்திபன் அந்தர்பல்டி
தலைப்பு செய்திகள்
ட்ரெண்டிங் செய்திகள்
