Singam Puli : நமக்கு நாமதான் விளம்பரம் பண்ணிக்கணும்.. மேடையில் மாஸ் காட்டிய சிங்கம் புலி
மகாராஜா படத்தின் மூலம் மீண்டும் வெளிச்சத்திற்கு வந்திருக்கும் நடிகர் சிங்கம் புலியின் வீடியோ ஒன்று சமூக வலைதளத்தில் வைரலாகி வருகிறது
மகாராஜா
விஜய் சேதுபதி நடித்துள்ள மகாராஜா திரைப்படம் மிகப்பெரிய ப்ளாக்பஸ்டர் வெற்றி பெற்றுள்ளது. நிதிலன் ஸ்வாமிநாதன் இயக்கியுள்ள இப்படத்தில் அனுராக் கஷ்யப் , மம்தா மோகன் தாஸ் , அபிராமி , நட்டி , சிங்கம் புலி , பாய்ஸ் மணிகண்டன் உள்ளிட்டவர்கள் நடித்துள்ளார்கள். அஜ்னீஷ் லோக்நாத் இப்படத்திற்கு இசையமைத்துள்ளார். மகாராஜா படத்தில் நடிகர் சிங்கம் புலி வில்லன் கதாபாத்திரத்தில் நடித்துள்ளார்.
பல்வேறு படங்களில் காமெடி நடிகராக நடித்த சிங்கம் புலி இந்தப் படத்தில் ரசிகர்களிடம் புது வெளிச்சத்திற்கு வந்திருக்கிறார். இப்படத்தில் சிங்கம் புலியை நடிக்க வைத்ததற்கான காரணத்தை இயக்குநர் நிதிலன் ஸ்வாமிநாதன் வெற்றி விழாவில் தெரிவித்திருந்தார்.
மேடையில் மாஸ் காட்டிய சிங்கம் புலி
Video Link : https://t.co/ZgnYIhKNsg
— Friday Facts (@fridayfacts_) June 19, 2024
மனுஷன் Phenomenal🥵Nithilan about Singam Puli casting | Maharaja Success Meet #shorts #maharaja #vijaysethupathi #nithilan #singampuli pic.twitter.com/wGqiZwyFI4
“மகாராஜா படத்தில் சிங்கம் புலி அண்ணனை நடிக்க வைக்க ஒரு முக்கிய காரணம் இருக்கிறது. ஒருமுறை ஒரு திரைப்பட நிகழ்ச்சியில் நிகழ்ச்சித் தொகுப்பாளர் சிங்கம் புலியை எந்த வித அறிமுகமும் இல்லாமல் வரவேற்பார். அப்போது மேடைக்கு வந்த சிங்கம் புலி . என் பெயர் சிங்கம் புலி. தல அஜித் நடித்த ரெட் படத்தை இயக்கியிருக்கிறேன். சூர்யா நடித்த மாயாவி படத்தை இயக்கியிருக்கிறேன். ஏ.வி.எம் தயாரித்த பேரழகி என்கிற படத்திற்கு வசனம் எழுதியிருக்கிறேன்.
சுந்தர் சி இயக்கிய 8 படங்களுக்கு கதை ஆசிரியராக பணியாற்றி இருக்கிறேன். சுந்தர்சியிடம் 14 படங்களில் உதவி இயக்குநராக பணியாற்றி இருக்கிறேன். பிதாமகன் படத்தின் துணை இயக்குநராக வேலை செய்திருக்கிறேன். இதுதான் என்னுடைய அறிமுகம். நம்மைப் பற்றி நாம் பேசவில்லை என்றால் வேறு யாரும் பேச மாட்டார்கள்” என்று சிங்கம் புலி பேசியிருப்பார்.
இந்த வீடியோவை பார்த்து தான் இந்தப் படத்தில் சிங்கம் புலி இந்த படத்தில் நடிக்க வேண்டும் என்று முடிவு செய்தேன்” என்று இயக்குநர் நிதிலன் ஸ்வாமிநாதன் தெரிவித்துள்ளார்.
When Men gets Disrespected, He Become A Great Villain 😈 #Singampuli pic.twitter.com/a1ZC83mEiF
— TamilaninCinema (@TamilaninCinema) June 23, 2024
நிதிலன் சிங்கம் புலி பற்றி இந்த தகவல் பகிர்ந்ததைத் தொடர்ந்து சிங்கம் புலியின் இந்த வீடியோ சமூக வலைதளங்களில் வைரலாகி வருகிறது.
தலைப்பு செய்திகள்
ட்ரெண்டிங் செய்திகள்
