Lover OTT Release: மணிகண்டன் - ஸ்ரீ கௌரிப் பிரியாவின் அசத்தல் நடிப்பு: லவ்வர் திரைப்படத்தின் ஓடிடி ரிலீஸ் தேதி இதுதான்!

கடந்த பிப்ரவரி 9ஆம் தேதி வெளியான லவ்வர் திரைப்படம் எப்போது ஓடிடியில் ரிலீசாகும் என ரசிகர்கள் கேள்வி எழுப்பி வந்தனர்.

லவ்வர் OTT வெளியீடு

பிரபுராம் வியாஸ் இயக்கத்தில் நடிகர் மணிகண்டன் நடித்த லவ்வர் திரைப்படம் கடந்த பிப்ரவரி 9ஆம் தேதி திரையரங்குகளில் வெளியாகி ரசிகர்கள் மத்தியில் நல்ல வரவேற்பைப் பெற்றது. இந்தப் படத்தில் நடிகர் மணிகண்டனின் லவ்வராக ஸ்ரீ கெளரி பிரியா நடித்து தனி கவனம் ஈர்த்தார்.  மேலும், கண்ணா ரவி முக்கியக் கதாபாத்திரத்தில் கலக்க, ஷான் ரோல்டன் இப்படத்திற்கு இசையமைத்திருந்தார். 

இந்தநிலையில்,  கடந்த பிப்ரவரி 9ஆம் தேதி வெளியான இந்த லவ்வர் திரைப்படம் எப்போது ஓடிடியில் ரிலீசாகும் என ரசிகர்கள் கேள்வி எழுப்பி வந்தனர். அந்த காத்திருப்புக்கு தற்போது முற்றுப்புள்ளி கிடைத்துள்ளது. 

. @Manikabali87 & @srigouripriya 's #Lover Streaming From March 27 Only At @disneyplusHSTam ♥️ pic.twitter.com/FWqqQXweIE

— Arun Vijay (@AVinthehousee) March 13, 2024

அதன்படி, லவ்வர் திரைப்படம் வருகின்ற மார்ச் 27ம் தேதி அன்று டிஸ்னி ப்ளஸ் ஹாட்ஸ்டார் மற்றும் சிம்பிளி சவுத் ஆகிய ஓடிடி தளங்களில் ரீலிசாகிறது என படக்குழு தெரிவித்துள்ளது. நடிகர் மணிகண்டன், ஸ்ரீ கௌரி பிரியா மற்றும் பல நட்சத்திரங்கள் நடிப்பில் வெளியான இந்த திரைப்படம் ஓடிடி வெளியீட்டிற்கான எதிர்பார்ப்பு எக்கச்சக்கமாக உள்ளது. இந்தநிலையில், வருகின்ற 27ம் தேதி உங்களது மொபைல் அல்லது டிவியில் லவ்வர் படத்தை கண்டுகளிக்கலாம். 

கதை சுருக்கம்: 

லவ்வர் திரைப்படம் முழுக்க முழுக்க காதலை சுற்றியே நகருகிறது. இது பிப்ரவரி மாதம் திரையரங்குகளில் வெளியாகி நல்ல விமர்சனங்களை பெற்றது. பிரபுராம் வியாஸ் எழுதி இயக்கியுள்ள இப்படத்தில் மணிகண்டன், ஸ்ரீ கௌரி பிரியா, நிகிலா சங்கர் மற்றும் பலர் முக்கியக் கதாபாத்திரங்களில் நடித்துள்ளனர். 6 ஆண்டுகளுக்கும் மேலாக காதல் வயப்பட்ட அருண் மற்றும் திவ்யா ஆகிய இரு கதாபாத்திரங்களை சுற்றி படம் சுழல்கிறது. இந்தக் காதலர்களுக்கு எப்படி கருத்து வேறுபாடு ஏற்படுகிறது? எதனால் சண்டையிடுகிறார்கள்? ஏன் பிரிவை சந்திக்கிறார்கள் என்பதை படம் காட்டுகிறது. படத்தின் இறுதியில் பிரிந்த 2 வருடத்திற்கு பிறகு இருவரும் ஒருவரை ஒருவர் சந்திக்கின்றனர். அப்போது அவர்கள் மீண்டும் சேர்ந்தார்களா என்பதே கதை. 

#Lover, streaming on Simply South from March 27 worldwide, excluding India pic.twitter.com/JqWq5k8XZ3

— OTTGURU (@OTTGURU1) March 12, 2024

ஹாட்ஸ்டாரில் படம் பார்ப்பது எப்படி..? 

டிஸ்னி ப்ளஸ் ஹாட்ஸ்டாரில் லவ்வரை ஆன்லைனில் ஸ்ட்ரீம் செய்ய, மாதாந்திர அல்லது 3 மாத சந்தா திட்டத்தை தேர்வு செய்ய வேண்டும். டிவியில் பார்க்க 3 மாத சந்தா வெறும் ரூ.299 முதல் தொடங்குகிறது. நீங்கள் மொபைல் ஆப்பில் மூன்று மாத சந்தாவை பெற ரூ. 149 போதுமானது.