Legend Saravanan Movie: கார்த்தியின் சர்தார் 2 படத்துக்கு போட்டியாக தீபாவளி ரேஸில் களமிறங்கும் லெஜெண்ட் சரவணன்!
லெஜெண்ட் சரவணன் தற்போது நடித்து வரும், இன்னும் பெயரிடாத திரைப்படம் தீபாவளியை முன்னிட்டு ரிலீஸ் ஆக உள்ளதாக அவரே தெரிவித்துள்ளார்.
லெஜெண்ட் சரவணனின் புதிய திரைப்படத்தின் படப்பிடிப்பு பரபரப்பாக நடந்து வரும் நிலையில், இந்த படம் குறித்த லேட்டஸ்ட் தகவல் தற்போது வெளியாகி உள்ளது.
தனது உறவினரின் திருமணத்தில் கலந்து கொண்ட லெஜெண்ட் சரவணன் தன்னுடைய 2-ஆவது திரைப்படம் குறித்து பேசியுள்ளார். அப்போது பேசிய அவர், "என்னுடைய அடுத்த படத்தின் படப்பிடிப்பு விறுவிறுப்பாக நடைபெற்று இறுதி கட்டத்தை எட்டியுள்ளது. விரைவில் படப்பிடிப்பும், போஸ்ட் ப்ரொடக்ஷன் பணிகளும் நிறைவடையும். படத்தை தீபாவளிக்கு உலகெங்கும் உள்ள திரையரங்குகளில் வெளியிட திட்டமிட்டுள்ளோம்.
மாஸ், ஆக்ஷன், சஸ்பென்ஸ், திரில்லர் என அனைத்து சுவாரசிய அம்சங்களும் நிறைந்து இப்படம். இன்றைய டிரெண்ட்டுக்கு ஏற்ற வகையில் திரைப்படம் இருக்கும், டைட்டிலும் மாஸாக இருக்கும். ஒரு புதிய ஜானரில் இப்படம் அனைவரையும் கவரும் வகையில் உருவாகியுள்ளதாக கூறியுள்ளார்.
படம் குறித்த மற்ற தகவல்கள் விரைவில் வெளியாகும் என கூறிய சரவணன், யாரும் எதிர்பாராத விதமாக, இந்த படத்தின் ரிலீஸ் குறித்தும் கூறி இன்ப அதிர்ச்சி கொடுத்தார். அதாவது இந்த ஆண்டு தீபாவளிக்கு இப்படம் ரிலீஸ் ஆக உள்ளதாம்.
தி லெஜெண்ட் தயாரிப்பில் உருவாகும் இந்த படம், ‘கருடன்’ திரைப்படத்தை இயக்குநர் ஆர்.எஸ் துரை செந்தில்குமார் இயக்குகிறார். 'காக்கி சட்டை', 'கொடி', உள்ளிட்ட சூப்பர் ஹிட் படங்களையும் இவர் இயக்கியுள்ளது குறிப்பிடத்தக்கது.
புதுமையான கதைக் களத்தில் அனைத்து தரப்பு ரசிகர்களையும் கவரும் வகையில் விறுவிறுப்பான திரைக்கதையோடு உருவாகும் இந்த படத்தில் பிரபல பாலிவுட் நடிகையான பாயல் ராஜ்புத் நாயகியாக நடிக்கிறார். ஷாம், ஆண்ட்ரியா, பாகுபலி பிரபாகர், சந்தோஷ் பிரதாப், பேபி இயல் உள்ளிட்டோர் முக்கிய வேடங்களில் நடிக்கின்றனர், ஜிப்ரான் இசையமைக்கிறார் என்பது குறிப்பிடத்தக்கது.
மேலும் இந்த ஆண்டு தீபாவளிக்கு, கார்த்தி நடிப்பில் உருவாகியுள்ள சர்தார் 2, பிரதீப் ரங்கநாதன் நடிப்பில் உருவாகி வரும் டியூட் ஆகி படங்கள் வெளியாகி உள்ளது குறிப்பிடத்தக்து.
தலைப்பு செய்திகள்
ட்ரெண்டிங் செய்திகள்
