KGF 2 director Comment on Beast: என்னய்யா மிரட்டி விட்டுடிங்க.. பீஸ்ட் ட்ரெய்லர் குறித்து கே.ஜி.எஃப் இயக்குநர் சொன்ன கமெண்ட்.. வைரலாகும் போஸ்ட்..!
பீஸ்ட் ட்ரெய்லர் குறித்து கே.ஜி.எஃப் இயக்குநர் சொன்ன கமெண்ட் என்ன என்பதை இந்தக்கட்டுரையில் பார்க்கலாம்.
விஜய் நடிப்பில் இயக்குநர் நெல்சன் திலீப் குமார் இயக்கத்தில் உருவாகியுள்ள ‘பீஸ்ட்’ திரைப்படத்தின் ட்ரெய்லர் நேற்று வெளியானது. ட்ரெய்லருக்கு வரவேற்பும், விமர்சனங்களும் ஒன்றாக வந்து கொண்டிருக்கும் நிலையில், யூடியூப்பில் இதுவரை 29 லட்சம் பார்வையாளர்களை கடந்து சென்று கொண்டிருக்கிறது. பீஸ்ட் படமும், கன்னட யாஷ் நடிப்பில் உருவாகியுள்ள கே.ஜி.எஃப் 2 திரைப்படம் அடுத்தடுத்த நாள்களில் வெளியாக இருப்பதால் இந்தப்படங்களுக்கு இடையே போட்டி நிலவிவருகிறது. இந்த நிலையில் பீஸ்ட் ட்ரெய்லரை பார்த்த கே.ஜி.எஃப் இயக்குநர் பிரசாந்த் நீல் தனது ட்விட்டர் பக்கத்தில் பீஸ்ட் ட்ரெய்லர் குறித்து ஒரு பதிவை பதிவிட்டு இருக்கிறார். அந்தப்பதிவில், “ வாவ்.. முன்னெப்போதும் இல்லாத அளவிற்கு இருக்கிறது.. ட்ரெய்லர் சூப்பராக இருக்கிறது.” என்று பதிவிட்டு இருக்கிறார்.
Wow !
— Prashanth Neel (@prashanth_neel) April 3, 2022
Looks better than ever 👏🏻
Trailer looks amazing @Nelsondilpkumar@actorvijay sir just 💥💥💥#Beast https://t.co/1vBgmuiffB
நடிகர் விஜய் நடிப்பில் நெல்சன் திலீப்குமார் இயக்கத்தில் வரும் ஏப்ரல் 13 ஆம் தேதி வெளியாக உள்ள பீஸ்ட் படத்தின் ட்ரெய்லர் வெளியாகியது. தமிழ் திரையுலகின் முன்னணி நடிகர் விஜய். ‘மாஸ்டர்’ படத்தின் வெற்றிக்கு பிறகு நடிகர் விஜய், இயக்குனர் நெல்சன் இயக்கத்தில் பீஸ்ட் (Beast) படத்தில் நடித்திருக்கிறார். இந்தப்படம் வருகிற ஏப்ரல் மாதம் 13-ம் தேதி வெளியாக உள்ளது.
View this post on Instagram
படத்தின் ப்ரொமோஷன் வேலைகளில் ஒரு பகுதியாக, முதல் பாடல் கடந்த மாதம் 14-ம் தேதி காதலர் தினத்தை முன்னிட்டு வெளியிடப்பட்டது. சிவகார்த்திகேயன் பாடல் வரிகள் எழுதி அனிருத் இசையமைத்துள்ள அரபிக்குத்து பாடல் பல மில்லியன் பார்வையாளர்களை கடந்து ஹிட் அடித்து இருக்கிறது. அதனைத்தொடர்ந்து வெளியான போஸ்டரும் வைரலான நிலையில், விஜய் குரலில் ‘ஜாலிலோ ஜிம்கானா’ பாடலும் சமூகவலைதளங்களில் வெளியாகி வைரலானது.
தலைப்பு செய்திகள்
ட்ரெண்டிங் செய்திகள்
