ஒரே செட்டில் இரண்டு படங்களை எடுக்கும் வெற்றிமாறன்..இளம் ராஜனாக நடிக்கும் கென் ?

வடசென்னை படத்தில் அமீர் நடித்த ராஜனின் இளம் வயது கதாபாத்திரத்தில் கென் கருணாஸ் அரசன் படத்தில் நடிக்க இருப்பதாக தகவல்கள் வெளியாகியுள்ளன

கென் , அமீர்

Source : X

சிம்பு நடித்து வெற்றிமாறன் இயக்கிவரும் அரசன் படத்தின் இரண்டாம் கட்ட படப்பிடிப்பு சென்னையில் நடந்து வருகிறது. வடசென்னை படத்தின் ஒரு பாகமாக உருவாக இருந்த ராஜன் வகையறா திரைப்படத்தின் சில காட்சிகளையும் வெற்றிமாறன் சேர்த்து படமாக்கி வருவதாக தகவல்கள் வெளியாகி வருகின்றன. வடசென்னை படத்தில் அமீர் நடித்த ராஜனின் இளம் தோற்றத்தின் கென் இப்படத்தில் நடிக்க இருப்பதாக தகவல்கள் வெளியாகியுள்ளன. 

விடுதலை 2 திரைப்படத்தைத் தொடர்ந்து வெற்றிமாறன் இயக்கத்தில் வடசென்னையை மையப்படுத்திய படமான அரசன் படத்தை இயக்கி வருகிறார் வெற்றிமாறன். சிம்பு இப்படத்தில் நாயகனாக நடிக்கிறார். விஜய் சேதுபதி முக்கிய கதாபாத்திரத்தில் நடிக்க இருக்கிறார். சமுத்திரகனி , ஆன்ட்ரியா, சைத்ரா , யோகல்க்‌ஷ்மி , கிஷோர் மற்றும் பலர் படத்தில் நடித்துள்ளார்கள். அனிருத் முதல்முறையாக வெற்றிமாறன் படத்திற்கு இசையமைக்கிறார். கலைப்புலி தானுவில் வி கிரியேஷன்ஸ் இந்த படத்தை தயாரித்து வருகிறது 

அரசன் படப்பிடிப்பு நிலவரம்

அரசன் படத்தின் படப்பிடிப்பு தொடங்கியதில் இருந்து படத்தைச் சுற்றி பல்வேறு சர்ச்சைகள் உருவாகி வருகின்றன. இந்த சர்ச்சைகள் அனைத்தும் சிம்புவை மையமாக வைத்து பேசப்படுபவை. வெற்றிமாறனின் வடசென்னை திரைப்படத்திற்கு பெரியளவில் ரசிகர்கள் இருந்தாலும் மற்றொரு தரப்பினர் இப்படத்தின் மீது தொடர்ச்சியாக விமர்சனங்களை வைத்து வருகிறார்கள். அந்த வகையில் அரசன் திரைப்படம் வடசென்னையை சேர்ந்த பிரபல ரவுடி ஒருவரின் வாழ்க்கையைத் தழுவி உருவாகி வருகிறது. இப்படத்தின் டைட்டில் டீசர் வெளியானபோதே படத்திற்கு கடும் எதிர்ப்பு கிளம்பியது. அரசன்  முதற்கட்ட படப்பிடிப்பு முடிந்து படக்குழு ஒரு சிறிய இடைவெளி விட்டனர். இதனை , சிம்பு படப்பிடிப்பிற்கு வராததால் அரசன் படப்பிடிப்பு நின்றுவிட்டதாக பலர் தகவல் பரப்பி வந்தனர். தற்போது அரசன் இரண்டாம் கட்ட படப்பிடிப்பு தீவிரமாக நடைபெற்று வருகிறது

அரசன் படத்தின் இணைந்த கென்

அரசன் படத்தில் தற்போது கென் இணைந்துள்ளார். முன்னதாக வெற்றிமாறன் இயக்கிய அசுரன் மற்றும் விடுதலை ஆகிய திரைப்படங்களில் கென் நடித்திருந்தார். அண்மையில் கென் இயக்கி நடித்த யூத் திரைப்படம் உலகளவில் ரூ62கோடி வரை வசூல் செய்து ப்ளாக்பஸ்டர் வெற்றிபெற்றது. அரசன் படத்திற்காக வடசென்னை திரைப்படத்தைத் தொடர்ந்து வெற்றிமாறன் ராஜன் வகையறா என்கிற படத்தை இயக்கவிருந்தார். தற்போது அரசன் படத்திற்காக அமைக்கப்பட்ட செட்டில் வெற்றிமாறன் ராஜன் வகையறா படத்திற்கான காட்சிகளை எடுத்து வருவதாக தகவல்கள் வெளியாகியுள்ளன. இந்த காட்சிகளில் வடசென்னை படத்தில் அமீர் நடித்த ராஜனின் இளம் கதாபாத்திரத்தில் கென் நடிக்க இருப்பதாக கூறப்படுகிறது.