Kayal Serial : கயலிடம் உண்மையை உடைக்கப்போகும் கபிலன்...! எழிலுக்கு என்ன நடக்கப்போகுது தெரியுமா..?
சன் தொலைக்காட்சியில் ஒளிபரப்பாகும் கயல் சீரியலில் விறுவிறுவிப்பான எபிசோட்கள் அடுத்த வாரம் ஒளிபரப்பாக உள்ளது.
தமிழில் ஒளிபரப்பாகும் தொடர்களில் மிகவம் பிரபலமான தொடர் கயல். சன் தொலைக்காட்சியில் ஒளிபரப்பாகும் இந்த தொடர்தான் தற்போது டி.ஆர்.பி. ரேட்டிங்கில் நம்பர் ஒன் இடத்தில் இருந்து வருகிறது. இந்த சீரியலில் நாயகியாக சைத்ரா ரெட்டியும், நாயகனாக ராஜா ராணி புகழ் சஞ்சீவ்வும் நடித்து வருகின்றனர்.
நாயகி கயல் கதாபாத்திரத்தில் நடிக்கும் சைத்ரா ரெட்டியிடம், எழில் கதாபாத்திரத்தில் நடித்த சஞ்சீவ் தனது காதலை சொல்லியிருப்பார். ஆனால், அவர் காதலை ஏற்க மறுத்தததால் அவர்களிடையே பிரிவு ஏற்பட்டிருக்கும். ஆனாலும், அதே சமயத்தில் கயலை விட்டுப்பிரிய மனம் இல்லாத எழில், கயலிடம் கபிலன் என்ற பெயரில் முகம் காட்டாத நண்பராக தொடர்ந்து பழகி வருகிறார்.
முகத்தை காட்டாமலே கபிலனாக இருந்து கயலின் தங்கை தேவியின் திருமண பிரச்சினை முடிவ உதவி புரிகிறார். இதனால், கபிலன் மீது கயலுக்கு மிகுந்த மரியாதை வருகிறது. இந்த நிலையில் கயலுடன் கபிலனாக தொடர்ந்து தொலைபேசியில் பேசி வரும் எழில் தான் யார் என்ற உண்மையை கூற முயற்சிக்கிறார்.
இந்த நிலையில், வரும் வார்த்தில் கயல் சீரியலில் கூடுதல் சுவாரசியத்தை ஏற்படுத்தும் நோக்கத்தில் கபிலன் வேடத்தை கலைத்து எழிலாகவே கயல் முன்பு சஞ்சீவ் காட்சி தருவது போல காட்சிகள் ஒளிபரப்பாக உள்ளதாக தகவல்கள் வெளியாகியுள்ளது. இதனால், அடுத்த வார எபிசோட்களுக்காக கயல் தொடரின் ரசிகர்கள் மிகுந்த எதிர்பார்ப்பில் உள்ளனர்.
சன் தொலைக்காட்சியில் தினமும் இரவு ஒளிபரப்பாகி வரும் இந்த தொடருக்கு ரசிகர்கள் மத்தியில் ஏகோபித்த வரவேற்பு உள்ளது. ஒளிபரப்பாகிய முதல் வாரம் முதலே மற்ற முன்னணி சீரியல்களை கயல் சீரியல் கீழிறக்கியது. குறிப்பாக, டி.ஆர்.பி. ரேட்டிங்கில் நம்பர் 1 இடங்களை ஆக்கிரமித்து வந்த விஜய் தொலைக்காட்சியின் பாரதி கண்ணம்மா, பாண்டியன் ஸ்டோர்ஸ், பாக்கியலட்சுமி சீரியல்களை பின்னுக்குத் தள்ளியது.
போதாக்குறைக்கு சன் தொலைக்காட்சியில் ஒளிபரப்பாகும் சுந்தரி தொடரும், கயல் சீரியலுடன் இணைந்து போட்டி அளித்ததால் விஜய் டி.வி. சீரியல்கள் கடும் பின்னடைவைச் சந்தித்தது குறிப்பிடத்தக்கது.
மேலும் படிக்க : Dhanush: The Gray Man, ரெட் கார்ப்பரேட்டுக்கு மகன்களை அழைத்து சென்றது ஏன்..? - தனுஷ் எமோஷ்னல் பேட்டி..
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
