Karthigai Deepam July 3rd Episode: அபிராமியால் பதற்றம்... மறுவீட்டுக்கு கிளம்பிய தீபா - கார்த்தி...கார்த்திகை தீபம் இன்றைய எபிசோட் அப்டேட்!

சனிக்கிழமை எபிசோடில் ஜமீன் தாத்தா தர்மலிங்கத்தை நாதஸ்வரம் வாசிக்கச் சொல்லி இருந்தார். இந்நிலையில் இன்றைய எபிசோடில் நடக்கப்போவது என்ன என்பது பற்றி பார்க்கலாம்! 

கார்த்திகை தீபம் சீரியல்

ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும்  கார்த்திகை தீபம்  சீரியலில் சனிக்கிழமை எபிசோடில் ஜமீன் தாத்தா தர்மலிங்கத்தை நாதஸ்வரம் வாசிக்கச் சொல்லி இருந்தார். இந்நிலையில் இன்றைய எபிசோடில் நடக்கப்போவது என்ன என்பது பற்றி பார்க்கலாம்! 

தர்மலிங்கம் சிறப்பாக வாசித்து முடிக்க ஜமீன் தாத்தா பாராட்டுகிறார். பின் ஒரு முருகன் பாடலை வாசிக்கச் சொல்ல தர்மலிங்கம் அதையும் சிறப்பாக செய்து முடிக்க, “தாத்தா சூப்பர், பிரமாதம் நான் உங்க நாதஸ்வர இசைக்கு ரசிகனாகி விட்டேன்” எனப் பாராட்டுகிறார். 

அதோடு நிறுத்தாமல், ஒரு தட்டில் பூ, பழம், தாம்பூலத்துடன் பணத்தையும் வைத்துக் கொடுக்க, தர்மலிங்கம் “எனக்கு இதெல்லாம் வேண்டாம், நீங்க பொண்ணையும் மாப்பிள்ளையும் மறுவீட்டிற்கு அனுப்பினால் போதும்” என்று சொல்ல, அதற்கு ஜமீன் தாத்தா, “கண்டிப்பா அனுப்பறேன்” என்று சொல்கிறார். 

இதனைத் தொடர்ந்து தீபாவும் கார்த்தியும் மறுவீட்டுக்கு கிளம்பத் தயாராக, இங்கே ஐஸ்வர்யா “என்ன அத்தை... தாத்தா தீபாவுக்கு சப்போர்ட் பண்ற மாதிரியே நடக்குறாரு” என்று ஏத்தி விடுகிறார்.  “அவள் அப்பாவை மீறி எதுவும் பண்ண முடியாது, நடக்கறது நடக்கட்டும்” என சொல்கிறாள். மீனாட்சி தீபா கிளம்ப உதவி செய்ய, கார்த்தி விருப்பமில்லாமல் துணிமணிகளை எடுத்து வைத்துக் கொண்டிருக்கிறான். 

இதைப் பார்த்து மீனாட்சி ஏனென்று விசாரிக்க, அம்மாவுக்கு இதில் விருப்பம் இல்லை, தாத்தா சொன்னதால் தான் போகிறேன் என்று சொல்லி கிளம்பி வெளியே வந்து இருவரும் அபிராமி காலில் விழுந்து ஆசிர்வாதம் வாங்குகிறார்கள். அபிராமி கார்த்தியை மட்டும் ஆசிர்வாதம் செய்கிறாள்.

பிறகு இருவரும் கிளம்பி வெளியே செல்ல, அபிராமி நடந்த விஷயங்களை நினைத்து மயங்கி விழுகிறாள்.  இதனால் எல்லாரும் பதறி டாக்டரை வரச் சொல்ல, கார்த்தி தீபாவிடம் “நீங்க அப்பா அம்மாவோட போங்க, நான் பின்னாடி வரேன்” எனச் சொல்கிறான். தர்மலிங்கமும் ஜானகியும் வெளியில் காத்திருக்க, தீபா தனியாகக் கிளம்பி வருகிறாள். இப்படியான நிலையில் இன்றைய எபிசோட் நிறைவடைகிறது.