Kangana Ranaut: ஆசிட் வீச்சால் வெந்து போன முகம்; 52 அறுவை சிகிச்சை.. கசப்பான அனுபவத்தை பகிர்ந்த கங்கனா!
நடிகை கங்கனா ரனாவத் தனது சகோதரிக்கு நடந்த பயங்கரமான ஆசிட் வீச்சு குறித்து பகிர்ந்து இருக்கிறார்.
'தாம் தூம்' திரைப்படம் மூலம் தமிழ் சினிமாவில் அறிமுகமான மாடல் அழகி கங்கனா ரனாவத் அதற்கு பிறகு பாலிவுட்டில் மிகவும் பிஸியாக நடித்து வருகிறார். இந்த நடிகை தற்போது தனது சோசியல் மீடியா பக்கத்தில் தனது சகோதரிக்கு நடந்த ஆசிட் வீச்சு குறித்த கசப்பான அனுபவத்தை பகிர்ந்துள்ளார்.
2008ம் ஆண்டு மறைந்த இயக்குனர் ஜீவா இயக்கத்தில் நடிகர் ஜெயம் ரவி நடிப்பில் வெளியான திரைப்படம் தாம் தூம். இதில் ஜெயம் ரவி ஜோடியாக கங்கனா ரனாவத் தமிழ் சினிமாவில் அறிமுகமானார். மேலும் ராய் லட்சுமி, ஜெயராம், ஸ்ரீநாத் மற்றும் பலர் நடித்த இப்படத்திற்கு இசைமைத்து இருந்தார் ஹாரிஸ் ஜெயராஜ். இப்படத்தை தொடர்ந்து கங்கனா ரனாவத் பாலிவுட் பக்கம் செல்ல அங்கு மிகவும் பிஸியான ஒரு நடிகையாக உள்ளார்.
ஆசிட் வீச்சின் எதிரொலி :
டெல்லியில் கடந்த புதன்கிழமை அன்று 17 வயது சிறுமி ஆசிட் வீசப்பட்டதன் எதிரொலியாக பாலிவுட் நடிகை கங்கனா ரனாவத் தனது சகோதரிக்கு நேர்ந்த கசப்பான அனுபவம் குறித்த உருக்கமான பதிவை பகிர்ந்துள்ளார்.
Kangana Ranaut via her Insta story #AcidAttack #KanganaRanaut #KanganaRanaut𓃵 #GautamGambhir pic.twitter.com/PbW8nPaMqf
— KRInstaupdate (@KR_Insta) December 15, 2022
மனநிலையை பாதித்த பயங்கரவாதம் :
எனது சகோதரி ரங்கோலி சாண்டல் 21 வயது இருக்கும் போது எவனோ ஒரு ரோடு சைடு ரோமியோ ஆசிட் வீசி சென்றுவிட்டான். அவன் செய்த அந்த பயங்கரமான காரியத்தால் கிட்டத்தட்ட என் சகோதரிக்கு 52 அறுவை சிகிச்சை செய்ய வேண்டிய நிலைமை ஏற்பட்டது.
எங்கள் குடும்பத்தால் அந்த துயரத்தை நினைத்து கூட பார்க்க முடியவில்லை. அதனால் எங்களின் ஒட்டுமொத்த குடும்பமே மிகுந்த மனவேதனைக்கு ஆளானது. அதன் காரணமாக ஒவ்வொரு முறை என்னை யாராவது கடந்து செல்லும் போதெல்லாம் என் மீதும் ஆசிட் வீசி விடக்கூடும் என்ற பயத்தால் நானும் சில சிகிச்சைகள் மேற்கொள்ள வேண்டி இருந்தது.
ஒரு பைக் அல்லது ஒரு கார் என்னை தாண்டி செல்லும் போது எனது முகத்தை நான் மூடி கொள்ளும் அளவிற்கு என் மனநிலை பாதிக்கப்பட்டு இருந்தது. இது போன்ற அட்டூழியங்கள், வன்முறைகள் நின்ற பாடாக இல்லை. இது போன்ற குற்றங்களுக்கு அரசாங்கம் மிகவும் கடுமையான நடவடிக்கையை மேற்கொள்ள வேண்டும்" என ஒரு குறிப்பை தனது சோசியல் மீடியா பக்கத்தில் பகிர்ந்துள்ளார் பாலிவுட் நடிகை கங்கனா ரனாவத்.
View this post on Instagram
இந்திரா காந்தியாக கங்கனா :
ரங்கோலி சாண்டலுக்கு தற்போது திருமணம் முடிந்து ஐந்து வயதில் ஒரு மகன் இருக்கிறான். மேலும் கங்கனா, தற்போது நடித்து வரும் எமர்ஜென்சி படத்தில் பிஸியாக இருக்கிறார். அதில் முன்னாள் பிரதமர் இந்திரா காந்தி கதாபாத்திரத்தில் நடித்து வருகிறார். மேலும் இப்படத்தில் அனுபம் கெர், ஷ்ரேயாஸ் தல்படே, மஹிமா சவுத்ரி, மிலிந்த் சோமன் மற்றும் சதீஷ் கௌஷிக் ஆகியோர் நடித்துள்ளனர்.
தலைப்பு செய்திகள்
ட்ரெண்டிங் செய்திகள்
