Indian 2 An Intro: கலாய்க்கப்பட்ட கொரோனா நிகழ்வுகள்.. ஊழல் வில்லன்களை சுளுக்கு.. இந்தியன் 2 இன்ட்ரோ வீடியோ எப்படி?

ஷங்கர் இயக்கத்தில் கமல்ஹாசன் நடித்திருக்கும் இந்தியன் 2 படத்தின் அறிமுக வீடியோ வெளியாகி ரசிகர்களிடம் வரவேற்பைப் பெற்றிருக்கிறது.

இந்தியன் 2

இந்தியன் 2

ரகுல் ப்ரீத் சிங், காஜல் அகர்வால், சித்தார்த், பிரியா பவானி சங்கர், காளிதாஸ் ஜெயராம், பாபி சிம்ஹா, மறைந்த நடிகர்கள் விவேக், மாரிமுத்து, மனோபாலா, எஸ் ஜே சூர்யா என பெரும் நட்சத்திரப் பட்டாளமே இப்படத்தில் நடித்துள்ளது. அனிருத் இந்தப் படத்திற்கு இசையமைத்துள்ளார். லைகா ப்ரோடக்‌ஷன்ஸ் இந்தப் படத்தை தயாரித்துள்ளது.

ரவிவர்மன் இந்தப் படத்துக்கு ஒளிப்பதிவு செய்துள்ள நிலையில் ஸ்ரீகர் பிரசாத் படத்தொகுப்பை கையாண்டுள்ளார்.  இந்தியன் 2 படத்தில் உலகநாயகன் கமல்ஹாசன் மொத்தம் 7 வில்லன்களை எதிர்கொள்ள இருக்கிறார். மேலும்  இந்தப் படத்தில் நடிகர் கமலை இளைஞனாக காட்ட டீ-ஏஜிங் தொழில் நுட்பம் பயன்படுத்தப்பட்டுள்ளது. இந்நிலையில் இந்தியன் 2 படத்தின் இன்ட்ரோ வீடியோவை படக்குழு வெளியிட இருப்பதாக நேற்று அறிவித்திருந்தது.

இண்ட்ரோ வீடியோவை வெளியிட்ட பிரபலங்கள்

தமிழ், தெலுங்கு, மலையாளம் , கன்னடம் , இந்தி என பான் இந்திய பட்மாக வெளியாகும் இந்தப் படத்தின் அறிமுக வீடியோவை அந்தந்த மொழிகளில் உள்ள பிரபல நடிகர்கள் வெளியிட இருக்கிறார்கள். அதன்படி தற்போது தமிழில் சூப்பர் ஸ்டார் ரஜினிகாந்த், இந்தியில் அமீர் கான், தெலுங்குவில் இயக்குநர் ராஜமெளலி, கன்னடத்தில் நடிகர் கிச்சா சுதீப் மலையாளத்தில்  நடிகர் மோகன்லால் உள்ளிட்டவர்கள் இந்தப்  வீடியோவை வெளியிட்டுள்ளார்கள்.

Vanakkam India 🙏🏻 INDIAN IS BACK 🫡

Presenting INDIAN-2 AN INTRO 🤞🏻 https://t.co/GmyX0mfMd8#Indian2 🇮🇳 Ulaganayagan @ikamalhaasan @shankarshanmugh @anirudhofficial @dop_ravivarman @sreekar_prasad @muthurajthangvl @jeyamohanwriter @KabilanVai @Lakshmi10246013 @LycaProductions…

— Rajinikanth (@rajinikanth) November 3, 2023

வீடியோ எப்படி

ரொம்ப நேரம் காத்திருக்க வைக்காமல் எடுத்த எடுப்பிலேயே கமல்ஹாசனின் வசனத்தில் இருந்து தொடங்குகிறது இந்த வீடியோ. “ எங்க தப்பு நடந்தாலும் கண்டிப்பா நான் வருவேன். இந்தியனுக்கு சாவே கிடையாது” என்று கமல் சொல்லி முடிக்க, 1996 இல் இருந்து 2023 இற்கு தாவுகிறது நாட்காட்டி.

அடுத்து அனிருத் தன் குரலில் இந்த வீடியோ மொத்தத்தையும் தாங்கிச் செல்கிறார். கல்லூரி, அரசு அலுவகங்கள் என திரும்பும் எல்லாப் பக்கமும் ஊழல் தலைவிரித்து ஆட, நாட்டு மக்கள் அனைவரும் இதற்கெல்லாம் தீர்வாக ஒரே முழக்கத்தை வைக்கிறார்கள்.

அதுதான் கம்பேக் இந்தியன். எஸ்.ஜே சூர்யா, பிரம்மானந்தா ஆகிய எல்லாரும் பணத்தாசைப் பிடித்த வில்லன்களாக நடித்திருக்க, உடம்பெல்லாம் பணக் கட்டுகளை கட்டிக் கொண்டு நிற்கிறார் சித்தார்த்.

 

இந்தியாவில் தொடங்கி சைனா வரை காட்சிகள் ஒரு பக்கம் விரிந்து செல்ல, மறுப்பக்கம் வாசலில் விளகேற்றுவது முதல், தட்டைத் தட்டி சத்தமெழுப்பும் காட்சிகள் எல்லாம் நமக்கு எதார்த்தத்தில் பல அரசியல்  தலைவர்களை நினைவுபடுத்துகின்றன. கதாநாயகிகளாக நடித்திருக்கும் பிரியா பவானி ஷங்கர் மற்றும் ரகுல் ப்ரீத் சிங்கின் கதாபாத்திரங்கள் பற்றிய தகவல்கள் இந்த வீடியோவில் வெளியிடப்படவில்லை. 

மறந்த நடிகர்கள் மனோபாலா மற்றும் விவேக் ஆகிய இருவரையும் இந்த வீடியோவில் பார்க்கும்போது ஏனோ ஒரு விதமான மகிழ்ச்சியும் நமக்கு ஏற்படுகிறது. என்ன சமூகக் கருத்து பேசினாலும் ஷங்கரின் பிரம்மாண்டத்தில் ஒரு குதூகலமான பாடலும் படத்தில் இடம்பிடித்திருக்கிறது என்பது கூடுதல் தகவல்.

சமகாலத்தில் இந்தியாவின் அரசியல் நிலவரங்களின் மேலான விமர்சனங்கள், அப்புறம் டிசைன் டிசைனாக ஊழல் செய்யும் வில்லன்களை கமல் தன் சிக்னேச்சர் விரல்களால் சுளுக்கெடுக்கும் மாஸான காட்சிகளால் இந்தப் படம் நிறைந்திருக்கும் என்பது உறுதி!