நடிகை கல்யாணி பிரியதர்ஷன் வீட்டுல டும் டும் டும்.... இணையத்தில் வைரலாகும் புகைப்படம்

சென்ற ஆண்டு மலையாளத்தில் ரிலீசான ஹிட் படங்களான ஹ்ரிதயம், ப்ரோ டேடி, தல்லுமாலா ஆகிய வெற்றிப் படங்களில் நடித்து கல்யாணி பெரிதும் கவனமீர்த்தார்.

கல்யாணி பிரியதர்ஷன்

மலையாளம், தமிழ், தெலுங்கு சினிமாக்களில் பிரபல நடிகையாக வலம் வருபவர் கல்யாணி பிரியதர்ஷன்.

மலையாள சினிமாவின் முக்கிய இயக்குநர்களில் ஒருவரான பிரியதர்ஷன் மற்றும் மலையாள சினிமாவின் பிரபல நடிகையும், கமல்ஹாசனின் விக்ரம் உள்ளிட்ட தமிழ் படங்களில் நடித்துள்ளவருமான லிசி ஆகியோரது மகள் நடிகை கல்யாணி பிரியதர்ஷன்.

2017ஆம் ஆண்டு ஹலோ எனும் தெலுங்கு படத்தில் அறிமுகமான கல்யாணி, தமிழில் சிவகார்த்திகேயனுடன் ஹீரோ படத்தில் அறிமுகமானார்.

தொடர்ந்து மலையாளம், தமிழ் சினிமாக்களில் நடித்த அவரை சிம்புவின் மாநாடு படம் பல ரசிகர்களிடையே கொண்டு சேர்த்தது. மேலும் சென்ற ஆண்டு மலையாளத்தில் ரிலீசான ஹிட் படங்களான ஹ்ரிதயம், ப்ரோ டேடி, தல்லுமாலா ஆகிய வெற்றிப் படங்களில் நடித்து கல்யாணி பெரிதும் கவனமீர்த்தார். 

பி ஏ ஆர்க்கிடெக்சர் படித்து முடித்த பின்னர் முதலில் சினிமா துறையில் ப்ரொடக்‌ஷன் டிசைனராகவே கால் பதித்தார். இந்தியில் க்ரிஷ் 3, தமிழில் இருமுகன் ஆகிய படங்களில் பணிபுரிந்த இவர் நடிப்பின் மீது இருந்த ஆர்வம் காரணமாக தனக்கு வந்த முதல் தெலுங்கு பட வாய்ப்புக்கு பச்சை கொடி காண்பித்து அறிமுகமானார்.

இவர்  தன் வீட்டில் நிகழ்ந்த திருமண புகைப்படம் ஒன்றை கல்யாணி பகிர்ந்து சமூக வலைதளங்களில் லைக்ஸ் அள்ளி வருகிறார்.

கல்யாணி பிரியதர்ஷனின் சகோதரரும், லிசி - பிரியதர்ஷனின் மகனுமான சித்தார்த்துக்கும் அமெரிக்காவைச் சேர்ந்த மெர்லின் என்பவருக்கும் நேற்று சென்னையில் திருமணம் நடந்து முடிந்தது. இந்தப் புகைப்டத்தை கல்யாணி பகிர்ந்துள்ளார்.

 

Last evening we celebrated my brother’s marriage in the most special and intimate ceremony at home with just family. Im so excited to have Melanie be the sister I’ve always wanted ♥️. Hope we all have your blessings 🙏🏻 pic.twitter.com/6fhIDYFqJ1

— Kalyani Priyadarshan (@kalyanipriyan) February 4, 2023

இந்நிலையில் கல்யாணியின் சகோதரருக்கு சமூக வலைதளங்களில் பலரும் வாழ்த்து கூறி வருகின்றனர். கல்யாணி தற்போது தமிழில் எந்தப் படத்திலும் ஒப்பந்தமாகாத நிலையில், மலையாளத்தில் மைக்கில் ஃபாத்திமா என்ற படத்தில் நடித்து வருகிறார்.