Jersey Trailer 2: ஆக்ரோஷ கிரிக்கெட்டர்..ரொமான்ஸில் பின்னும் காதலன்.. மிரட்டும் ஷாகித் கபூர்.. வெளியானது ஹிந்தி ரீமேக் ஜெர்ஸி ட்ரெய்லர்..!
ஹிந்தியில் ஷாகித் கபூர் நடிப்பில் உருவாகியுள்ள ஜெர்ஸி படத்தின் புதிய ட்ரெய்லர் வெளியாகியுள்ளது.
கிரிக்கெட்டின் மீது தீரா காதல் கொண்ட நானி, உடல்நல பிரச்னை ஒன்றால் கிரிக்கெட்டில் இருந்து விலகுகிறார். தொடர்ந்து அரசாங்க வேலையில் பணியை தொடரும் நானிக்கு அங்கும் பிரச்னை ஏற்பட்டு வேலை பறிபோக, மனைவியின் ஆதரவில் காலத்தை தள்ளிக்கொண்டிருக்கிறார்.
ஒரு கட்டத்தில் எல்லோரையும் மீறி பயிற்சியாளரின் உதவியோடு மீண்டும் கிரிக்கெட்டராக களத்தில் இறங்கும் நானிக்கு என்ன நேர்ந்தது என்பதுதான் ஜெர்ஸி படத்தின் கதை. ஆக்ரோஷ இளைஞனாக, மகனின் ஆசையை நிறைவேற்றத்துடிக்கும் அப்பாவாக, இயலாமையில் தடுமாறும் கணவனாக என நானி படத்தில் காண்பித்த பரிணாமங்கள் ரசிகர்கள் மட்டுமல்லாது பிரபலங்களின் மத்தியிலும் ஏகோபித்த பாராட்டை பெற்றுத்தந்தது.
‘விக்ரம் வேதா’ புகழ் ஷ்ரத்தா ஸ்ரீநாத், சத்யராஜ் உள்ளிட்ட பலர் நடிப்பில் தெலுங்கில் வெளியாகி மிகப் பெரிய வரவேற்பை பெற்ற இந்தப்படம் தற்போது ஹிந்தியில் ரீமேக் ஆகியிருக்கிறது. இதில் நானி கதாபாத்திரத்தில் ஷாகித் கபூர் நடித்திருக்கிறார்.
View this post on Instagram
இந்தப்படத்தின் ட்ரெய்லர் தற்போது வெளியாகி உள்ளது. இந்தப்படம் வருகிற ஏப்ரல் 14 ஆம் தேதி வெளியாக உள்ளது. முன்னதாக ஷாகித் கபூர் தெலுங்கில் விஜய் தேவரகொண்டா நடிப்பில் வெளியான அர்ஜூன் ரெட்டியின் ஹிந்தி ரீமேக்கான கபீர் சிங் படத்தில் நடித்தது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
