Jana Nayagan: ‘ஜன நாயகன்’ படம் செல்போனில் இருந்தா உடனே டெலிட் பண்ணிடுங்க - கண்டுபிடிச்சுட்டு வர்றாங்க
Jana Nayagan Leaked Online: ஜனநாயகன் படத்தை செல்போனில் வைத்திருப்பவர்கள், பார்ப்பவர்கள் மீது கிரிமினல் நடவடிக்கை எடுக்கப்படும் - கேவிஎன் புரடக்சன்ஸ்
ஜனநாயகன் படத்தை பதிவிறக்கம் செய்பவர்கள் மற்றும் பகிர்வோர் மீது கிரிமினல் நடவடிக்கை எடுக்கப்படும் என்று கேவிஎன் புரடக்சன்ஸ் எச்சரிக்கை விடுத்துள்ளது.
இதுதொடர்பாக படத்தயாரிப்பு நிறுவனம் வெளியிட்டுள்ள அறிக்கையில் கூறியிருப்பதாவது:
நாங்கள், கே.வி.என் புரொடக்ஷன்ஸ் எல்.எல்.பி, "ஜனநாயகன்" திரைப்படத்தின் தயாரிப்பாளர்களும் பிரத்தியேக பதிப்புரிமை உரிமையாளர்களும் ஆவோம். மேற்கூறிய திரைப்படத்தின் சில காட்சிகள் மற்றும் துணுக்குகள், சில சமயங்களில் திரைப்படத்தின் பெரும்பகுதியும் அடையாளம் தெரியாத நபர்களால் சட்டவிரோதமாக அணுகப்பட்டு, நகலெடுக்கப்பட்டு, பரப்பப்பட்டு, டிஜிட்டல் திருட்டு என்ற கடுமையான அச்சுறுத்தலை ஏற்படுத்தியுள்ளது என்பது எங்கள் கவனத்திற்கு வந்துள்ளது. அவ்வாறு கசிந்த வீடியோக்களை வாட்ஸ்அப், டெலிகிராம், இன்ஸ்டாகிராம், ஃபேஸ்புக், எக்ஸ், யூடியூப், இணையதளங்கள், டோரண்ட்கள் அல்லது வேறு எந்த ஊடகம் வழியாகவும் பதிவிறக்கம் செய்வது, பார்ப்பது, சேமிப்பது, அனுப்புவது, பகிர்வது, பதிவேற்றுவது அல்லது பரப்புவது ஒரு குற்றச் செயல் மற்றும் பதிப்புரிமைச் சட்டங்களின் மீறல் ஆகும் என்பதை இதன்மூலம் நாங்கள் அறிவிக்கிறோம்.
#JanaNayagan pic.twitter.com/wNLRSsmaHq
— KVN Productions (@KvnProductions) April 10, 2026
ஒவ்வொரு டிஜிட்டல் செயலும் தடமறியக்கூடியது, மேலும் இதில் சம்பந்தப்பட்ட நபர்களுக்கு எதிராக தடயவியல் விசாரணைகள் மற்றும் புகார்கள் உட்பட தேவையான விசாரணைகளை நாங்கள் ஏற்கனவே தொடங்கியுள்ளோம், மேலும் இந்த பரவல் சங்கிலியில் உள்ள மற்ற அனைவரையும் தீவிரமாக அடையாளம் கண்டு வருகிறோம். விதிவிலக்கின்றி ஒவ்வொரு குற்றவாளி மீதும் கடுமையான உரிமையியல் மற்றும் குற்றவியல் நடவடிக்கைகள் மேற்கொள்ளப்படும். அவ்வாறு கசிந்த வீடியோக்களை பரப்ப எந்த வகையிலும் ஈடுபட வேண்டாம் என்று பொதுமக்களுக்கு இதன்மூலம் கடுமையாக அறிவுறுத்தப்படுகிறது. இதில் சம்பந்தப்பட்டதாகக் கண்டறியப்படும் எந்தவொரு நபரும், அதன் விளைவுகளுக்குத் தங்கள் சொந்தப் பொறுப்பில் உடனடி சட்ட நடவடிக்கையை எதிர்கொள்வார்கள். இதுபோன்ற வீடியோ வந்தால், அதைத் திறக்கவோ, சேமிக்கவோ, பகிரவோ வேண்டாம். உடனடியாக அதை நீக்கிவிடவும். இவ்வாறு தெரிவிக்கப்பட்டுள்ளது.
தலைப்பு செய்திகள்
ட்ரெண்டிங் செய்திகள்
