Jailer Success Meet: 'ரத்தமாரே' பாட்டு ரஜினி சார் கூட கெடச்சது என் பாக்கியம்... ஜெயிலர் சக்சஸ் மீட் விழாவில் வசந்த் ரவி நெகிழ்ச்சி!

“நான் உங்களை மிஸ் செய்வேன் என ரஜினி சாரிடம் சொன்னபோது அவரும் அதையே சொன்னார்” என வசந்த் ரவி நெகிழ்ச்சியுடன் பேசியுள்ளார்.

ரஜினிகாந்த், வசந்த் ரவி

ஜெயிலர் படத்தின் சக்ஸஸ் மீட் இன்று சென்னையில் நடைபெற்று வருகிறது. ஜெயிலர் படத்தில் ரஜினிகாந்தின் மகனாக நடித்த நடிகர் வசந்த் ரவி இந்த விழாவில்  பேசியதாவது:

"முதலில் சன் பிச்சர்ஸ் கலாநிதி மாறன் சாருக்கு நன்றி. நெல்சன் சாருக்கு நன்றி. நெல்சன் சார் என்னை இந்தப் படத்துக்காக கூப்பிட்டபோது என்னிடம் முதலில் சொன்னது, இந்தக் கதாபாத்திரம் படத்தில் ரொம்ப முக்கியமான மையமான கதாபாத்திரம்.

அதத் தாண்டி பர்ஃபாமன்ஸ்கான ஸ்கோப் இருக்கு, இது உங்களுக்கு நிறைய பேர் கொடுக்கும், அடுத்த படிக்கு கொண்டு போகும்னு நெல்சன் சொன்னார். அது இப்போ நிறைவேறி இருக்கு.

அனி ப்ரதருக்கு நன்றி. அவர் பாட்டுல இருக்கணும்னு ஒரு ஒரு நடிகரும் ஆசைப்படுவோம், அப்படிதான் எனக்கும் ரத்தமாரே பாடல். ரஜினிகாந்த் சாரோட அந்த மாதிரி ஒரு பாட்டு கெடச்சது என் பாக்கியம்.

அதத் தாண்டி சினிமாட்டோகிராஃபர் விஜய். அவரது வேலைக்கு நான் பெரிய ஃபேன். நான் எப்படி இருக்கணும்னு ஆசைப்பட்டேனோனு அப்படியே என்ன ஒரு ஒரு ஃப்ரேமும் காமிச்சிருக்கார். இந்தப் படத்துல நடிச்ச எல்லா நடிகருக்கும் நன்றி.. மறக்க முடியாத தருணங்கள். என் முந்தைய படங்கள தாண்டி ஜெயிலர் ஒரு மைல் ஸ்டோன்.

அவரோட ஒரு ஃப்ரேம்ல நடிக்கணும்ங்கறது என் கனவு. என் கரியரின் தொடக்கத்துல இருந்து என் படங்கள பார்த்து பாராட்டி இருக்காரு. ரஜினி சாரோட பழகின ஒரு ஒரு நாளையும் மறக்க முடியாது. படம் முடியற தருணத்துல கடைசி நாள் எனக்கு ரொம்ப உணர்வுப்பூர்வமா இருந்துச்சு.

நான் உங்களை மிஸ் செய்வேன் என ரஜினி சாரிடம் சொன்னபோது அவரும் அதையே சொன்னார். நான் இன்னொரு படம் உங்களுடன் வேலை பார்க்க வேண்டும் என்று சொன்னபோது அவரும் அதை சொன்னார். நான் சார் என்று சொன்னாலும் நான் அவரை ஒரு அப்பா போல் தான் பார்க்கிறேன். 

அர்ஜூன் முத்துவேல் பாண்டியனும், ஜெயிலர் படமும் என் வாழ்க்கைல, என் கரியர்ல என் இதயத்துல இந்தப் படம் எப்பவுமே இருக்கும்” எனத் தெரிவித்துள்ளார்.

நடிகர் ரஜினிகாந்தின் 169-வது படமாக உருவாகியுள்ள “ஜெயிலர்” திரைப்படம் வெளியாகி நேற்றுடன் (ஆகஸ்ட் 16) ஒரு வாரம் நிறைவடைந்தது.

இந்நிலையில், இந்த  ஒரு வாரத்தில் இப்படம் ரூ.375.40 அதிகமான கோடிகளை வசூலை ஈட்டியுள்ளதாக சன் பிக்சர்ஸ் நிறுவனம் அதிகாரப்பூர்வமாக அறிவித்துள்ளது.  தமிழ் சினிமா வரலாற்றில் அதிகம்  வசூலித்த படமாக ஜெயிலர் இதன் மூலம் உருவெடுத்துள்ளது.  இது மிகப்பெரிய சாதனை எனவும்  சன் பிச்சர்ஸ் தெரிவித்துள்ளது.

தமன்னா, ரம்யா கிருஷ்ணன், மிர்னா, ரித்விக், மோகன்லால், சிவராஜ் குமார், சுனில் வர்மா, ஜாக்கி ஷெராஃப் ,யோகிபாபு, விநாயகம், வசந்த் ரவி, யோகிபாபு, சுனில் என பல முன்னணி நட்சத்திரங்கள் இப்படத்தில் நடித்துள்ள நிலையில், இப்படத்தின் வசூல் மேலும் எகிறும் என எதிர்பார்க்கப்படுகிறது.