VJ Archana | மீண்டு வந்தார் அர்ச்சனா?: இன்ஸ்டாவில் ஸ்டோரி வைத்து மகிழ்ச்சிப் பதிவு

சின்னத்திரை பிரபலமான நடிகை அர்ச்சனா மூளை அறுவை சிகிச்சைக்குப் பின்னர் குணமடைந்து மீண்டும் படப்பிடிப்புகளில் கலந்து கொள்ளத் தொடங்கியிருக்கிறார்.

அர்ச்சனா

சின்னத்திரை பிரபலமான நடிகை அர்ச்சனா மூளை அறுவை சிகிச்சைக்குப் பின்னர் குணமடைந்து மீண்டும் படப்பிடிப்புகளில் கலந்து கொள்ளத் தொடங்கியிருக்கிறார்.

நடிகை அர்ச்சனா விஜய் தொலைக்காட்சி, சன் தொலைக்காட்சி எனப் பல்வேறு தொலைக்காட்சிகளிலும் பல நிகழ்ச்சிகளைத் தொகுத்து வழங்கியிருக்கிறார். அந்த வகையில் அவர் அண்மையில் ஜி தொலைக்காட்சியில் நிகழ்ச்சி ஒன்றை தொகுத்து வழங்கினர். அப்போது அவருக்கு திடீரென்று உடல்நிலை பாதிப்பு ஏற்பட்டது. அதேபோல் பிக்பாஸ் நிகழ்ச்சியில் அவர் பங்கேற்றார். அரங்கில் அவர் வருகை களை கட்டியது. இதனால், அவர் இன்னும் அதிகமாக ஊடக வெளிச்சத்துக்கு வந்தார். ஆனால், எலிமினேஷனில் வெளியேற்றப்பட்ட அவர் வெளியில் வந்து பிக்பாஸ் பற்றி சரமாரிக் குற்றச்சாட்டுகளை முன்வைத்தார்.

இதற்கிடையில் அவர் தனது யூடியூப் பக்கத்தில் பல்வேறு வீடியோக்களையும் பதிவேற்றி வந்தார். அப்படி டாய்லெட் டூர் என்று அவர் வெளியிட்ட வ்லாக் பெரும் விமர்சனத்தைச் சந்தித்தது. இந்நிலையில் தான் அவருக்கு மூளையில் அறுவை சிகிச்சை செய்துகொள்ள வேண்டிய நிலை உருவானது. இதனால் அவர் அனைத்து நிகழ்ச்சிகளில் இருந்தும் சிறு ஓய்வு பெற்றார். தனியார் மருத்துவமனையில் அறுவை சிகிச்சை செய்து கொண்டு அவர் சிகிச்சையில் இருந்தார். தற்போது உடல் நிலை சீராகிவிட்டதால் மீண்டும் அவர் களத்தில் இறங்கியுள்ளார். இது குறித்து அவர் தனது இன்ஸ்டாகிராம் பக்கத்தில் வீடியோ ஒன்றைப் பதிவிட்டுள்ளார். அதில் ஐ ஆம் பேக் என்று தலைப்பு கொடுத்துள்ளார். விளம்பரப் படப்பிடிப்புத் தளத்தில் எடுத்துக்கொண்ட வீடியோ என்று அவர் விளக்கியுள்ளார். அர்ச்சனாவுக்கு ரசிகர்கள் பலரும் வாழ்த்து தெரிவித்து வருகின்றனர்.

பிக்பாஸ் நிகழ்ச்சிக்கு முன்னதாக அர்ச்சனா விஜய் டிவியில் நம்ம வீட்டுக் கல்யாணம் என்றொரு நிகழ்ச்சியையும் வழங்கிவந்தார். அது அவருக்கு மிகுந்த புகழைப் பெற்றுத் தந்தது. பிரபலங்களின் கல்யாண நிகழ்வைப் பற்றிய நிகழ்ச்சி அது. அதன் பின்னர் மகப ஆனந்துடன் இணைந்து மிஸ்டர் அண்ட் மிசஸ் சின்னத்திரை நிகழ்ச்சியையும் அவர் தொகுத்து வழங்கினார்.

அர்ச்சனாவின் முழுப்பெயர் அர்ச்சனா சண்டோக். இவர் சென்னையில் பிறந்து வளர்ந்தவர். எம்ஓபி வைஷ்ணவ் கல்லூரியில் பயின்றார். விமானப்படையில் உள்ள வினீத் என்பவரைத் திருமணம் செய்து கொண்டார். இந்தத் தம்பதிக்கு ஜாரா என்றொரு மகள் இருக்கிறார். புலிக்குப் பிறந்தது பூனையாகுமா என்பது போல் ஜாராவும் தாயைப் போலவே ரியாலிட்டி ஷோக்கள், விளம்பரப் படங்களில் ஒரு ரவுண்ட் வருகிறார். இவரும் அர்ச்சனாவும் இணைந்து செலிப்ரிட்டி தாய்மார்களும் அவர்களின் குழந்தைகளும் கலந்து கொள்ளும் சூப்பர் மாம் என்ற நிகழ்ச்சியைத் தொகுத்து வழங்கினர். அது மிகவும் பிரபலமாகி கவனம் ஈர்த்தது.