Parking Trailer: பார்க்கிங்தான் பிரச்சனையே! எதிர்பார்ப்பை எகிற வைக்கும் ஹரிஷ் கல்யாணின் பார்க்கிங் ட்ரெய்லர்!

ஹரிஷ் கல்யாண் நடித்திருக்கும் பார்க்கிங் படத்தின் ட்ரெய்லர் வெளியானது

ஹரிஷ் கல்யாண், இந்துஜா, பார்க்கிங் படம். (Image source: Twitter)

ஹரிஷ் கல்யான்

தமிழ் சினிமாவில் வளர்ந்து வரும் நடிகர்களில் ஒருவர் ஹரிஷ் கல்யான். பியார் பிரேமா காதல் ,  இஸ்பேட் ராஜாவும் இதய ராணியும் , தாராள பிரபு, உள்ளிட்ட படங்கள் அவருக்கென ஒரு தனி இமேஜை உருவாக்கி இருக்கிறது. சமீபத்தில் தோனி என்டர்டெயின்மெண்ட் தயாரிப்பில் வெலியான எல்.ஜி.எம் படம் எதிர்பார்த்த அளவு வெற்றிபெறவில்லை. இதனைத் தொடர்ந்து தற்போது ஹரிஷ் கல்யான் நடித்திருக்கும் அடுத்தப் படம் பார்க்கிங்.

பார்க்கிங்

ராம்குமார் பாலகிருஷ்ணன் இயக்கியிருக்கும் பார்க்கிங்க் திரைப்படத்தில் ஹரிஷ் கல்யான், இந்துஜா, எம்.எஸ் பாஸ்கர் உள்ளிட்டவர்கள் முக்கிய கதாபாத்திரத்தில் நடித்துள்ளார்கள். சாம் சி எஸ் இந்தப் படத்திற்கு இசையமைத்துள்ளார். ஜிஜு சன்னி ஒளிப்பதிவு செய்து ஃபிலோமின் ராஜ் படத்தொகுப்பை கையாண்டுள்ளார். பேஷன் ஸ்டுடியோஸ் இந்தப் படத்தை தயாரித்துள்ளாது. சில மாதங்களுக்கு முன்பாக பார்க்கிங் படத்தின் ஃபர்ஸ்ட் லுக் வெளியானதைத் தொடர்ந்து தற்போது படத்தின் ட்ரெய்லர் வெளியாகி வரவேற்பைப் பெற்றுள்ளது.

ட்ரெய்லர் எப்படி

படத்தின் டைட்டிலைப் போல் ஒரு கார் பார்க்கிங் செய்வதலால் ஏற்படும் பிரச்சனையே படத்தின் மையக்கதை. ஐ டியில் வேலை பார்த்து சொந்தமாக வீடு வாங்கி தனது மனைவியுடன் சந்தோஷமாக இருக்கும் ஹரிஷ் கல்யான் சொந்தமாக கார் ஒன்றை வாங்குகிறார். இவருக்கும் கீழ் வீட்டில் இருக்கும் எம் எஸ் பாஸ்கருக்கும் இடையில் இருக்கும் ஒரு இடத்தில் யார் தன்னுடைய காரை நிறுத்துவது என்கிற போட்டி வருகிறது. ஒருவரை ஒருவர் வெறுப்பேற்றும் வகையில் பல வேலைகளை இருவரும் செய்கிறார்கள். ஜாலியான கலாட்டாவாக் போய்க் கொண்டிருக்கும் ட்ரெய்லர் ஒரு இடத்தில் சீரியஸாக மாறுகிறது. ஹரிஷ் கல்யாணின் காரின் கண்ணாடியை எம் எஸ் பாஸ்கர் உடைக்க அவரை அறைந்துவிடுகிறார் ஹரிஷ் கல்யாண். வயசான ஒருவரை அடித்துவிட்டாரே என்று பாவப்படுவதற்குள் எம் எஸ் பாஸ்கர் தன்னுடைய வில்லன் ரூபத்தைக் காட்டுகிறார். சாதாரன ஆளாக இருந்த எம் எஸ் பாஸ்கர் மிகப்பெரிய கேங்க்ஸ்டர் லெவலுக்கு இந்தப் படத்தில் நடித்திருக்கிறார். இந்த பிரச்சனைகளில் இருந்து ஹரிஷ் கல்யான் எப்படி வெளியே வருகிறார் என்பதே பார்க்கிங் படத்தின் கதையாக இருக்கிறது. வரும் டிசம்பர் 1 ஆம் தேதி திரையரங்கத்தில் வெளியாக இருக்கிறது பார்க்கிங் திரைப்படம்

Need all your love & support. ❤️🙏#ParkingTrailer 🔗👉 https://t.co/G1tKoGGcZi#ParkingfromDec1 #Parking🚗 pic.twitter.com/LR7IIWpjtZ

— Harish Kalyan (@iamharishkalyan) November 17, 2023

இந்தப் படத்தின் ட்ரெய்லரை தன்னுடைய ட்விட்டர் பக்கத்தில் பகிர்ந்த நடிகர் ஹரிஷ் கல்யான் உங்கள் அனைவரின் ஆதரவு இதில் தேவை என்று பதிவிட்டுள்ளார். தொடர்ச்சியாக வழக்கத்திற்கு மாறுபட்ட கதாபாத்திரங்களில் நடித்து வரும் ஹரிஷ் கல்யானின் பார்க்கிங் படத்தின் ட்ரெய்லர் ரசிகர்களிடம் ஆர்வத்தை ஏற்படுத்தி இருக்கிறது .