M.S.DHONI| ”வாட் அ மேன்” - தோனியை புகழ்ந்து தள்ளும் பாலிவுட் பிரபலங்கள் - தீயாய் பரவும் புகைப்படங்கள் !

"சம்பளம் குறைவுதான் ஆனாலும் விளம்பர படங்களில் நடிக்க வரும் தோனியை பார்க்கவே அந்த வேலையை செய்தேன்” என்றார் ரன்வீர் சிங்

தோனி

பாலிவுட் நடிகர் ரன்வீர் சிங்குடன் , கிரிக்கெட் வீரர் எம்.எஸ்.தோனி கால்பந்து விளையாடிய காட்சிகள் இணையத்தை கலக்கி வருகின்றன. விரைவில் நடைபெற உள்ள ஆல் ஸ்டார் கால்பந்து விளையாட்டிற்கான பயிற்சியில் பாலிவுட் நடிகர்கள் மற்றும் ஷ்ரேயாஸ் ஐயர் உள்ளிட்ட  கிரிக்கெட் வீரர்கள் சிலர்  ஈடுபட்டு வருகின்றனர். இதில் கலந்துகொண்ட தோனி மகிழ்ச்சியில் ரன்வீர் சிங்கை கட்டியணைத்துக்கொண்ட காட்சிகளின் புகைப்படங்கள் இணையத்தில் தீயாய் பரவி வருகிறது.

Dhoni & Ranveer bromance during a football game in mumbai 😇❤️#MSDhoni #Dhoni pic.twitter.com/Dce2HbNHRP

— MS Dhoni Fans Official (@msdfansofficial) July 25, 2021

ரன்வீர் சிங் மட்டுமல்லாது பாலிவுட் நடிகர்கள் பலரும் இந்த பயிற்சியின் போது தோனியுடன் எடுத்துக்கொண்ட புகைப்படங்கள் இணையத்தில்  வைரலாகி வருகின்றன. பலரும் “அண்ணன்”, “டார்லிங்”, ஹீரோ , தல தரிசனம் என புகைப்படங்களுக்கு கேப்ஷன் கொடுத்து பகிர்ந்து வருகின்றனர். இந்த புகைப்படங்களில் தோனி கூடுதல் ஸ்டைலுடன் காணப்படுகிறார். இந்நிலையில் நேற்று பாலிவுட் நடிகையும் இயக்குநருமான ஃபராகான் , தோனியுடன் எடுத்துக்கொண்ட புகைப்படத்தை பகிர்ந்திருந்தார். அதில் “ மகியுடன் இன்றைய நாள், என்ன ஒரு அற்புதமான மனிதர்.  நேரம் தவறாமை, எல்லோரிடமும் (விளையாட்டு வீரர்கள், கிளைண்ட்ஸ்) எளிமையாக பழகும் விதம் , அவர் சிரித்துக்கொண்டே எல்லோருடனும் புகைப்படம் எடுத்துக்கொண்ட தருணம் இதெல்லாம் கண்டு நான் அவருக்கு ரசிகையாகிவிட்டேன் “ என குறிப்பிட்டுள்ளார். ஃபரா கானுடன் இருக்கும் புகைப்படத்தில் கூல் தோனி  '7 ' என்ற அவருக்கான கிரிக்கெட் எண்ணுடன் கூடிய டி-சர்ட் - ஐ அணிந்துள்ளார். அவர் ஹேர் ஸ்டைலில் கியூட்டால  ஒரு டெய்லும்  இணைந்துள்ளது.

 

 

 

 

 

View this post on Instagram

 

 

 

 

 

 

 

 

 

 

 

A post shared by Farah Khan Kunder (@farahkhankunder)

இந்த புகைப்படத்திற்கு கீழே கமெண்ட் செய்த நடிகர் ரன்வீர் சிங்  “அவர் மிகச்சிறந்தவர் “ என பதிவிட்டார். ரன்வீர் சிங் இளம் வயது முதலே தீவிரமான தோனி ரசிகர்.  தோனி கடந்த ஆண்டு கிரிக்கெட்டில் இருந்து ஓய்வு பெறுவதாக அறிவித்து ரசிகர்களுக்கு அதிர்ச்சியை ஏற்படுத்தினார்.  அப்போது நடிகர் ரன்வீர் சிங் போட்ட பதிவு மிகவும் உருக்கமாக இருந்தது. அதில் “ எனக்கு 20 வயது இருக்கும் பொழுது நான் விளம்பர படங்களில் உதவி இயக்குநராக பணிபுரிந்தேன் . எனக்கு வேலைப்பளு அதிகமாக இருந்தது , ஆனால் சம்பளம் குறைவுதான் ஆனாலும் விளம்பர படங்களில் நடிக்க வரும் தோனியை பார்க்கவே அந்த வேலையை செய்தேன்” என குறிப்பிட்டிருந்ததும் நினைவு கூறத்தக்கது.

கிரிக்கெட் விளையாடுவதற்கு முன்னதாகவே தோனிக்கு கால்பந்து விளையாட்டில் ஆர்வம் அதிகம். இது அவரது ரசிகர்களுக்கு நன்றாகவே தெரியும். சிறு வயதில் கால்பந்து விளையாட்டில் அசத்துவாராம் . கிரிக்கெட் விளையாடும் பொழுதும் கூட ஓய்வு நாட்களில் அவர் கால் பந்து விளையாடும் புகைப்படங்கள் மற்றும் வீடியோக்கள் இணையத்தில் கசிந்து அவரது ரசிகர்களுக்கு ட்ரீட்டாக அமையும். இந்நிலையில் மும்பையில் நடைபெற உள்ள ஆல் ஸ்டார்ஸ் கால்பந்து போட்டியில் தோனி கலந்துகொள்வார் என எதிர்பார்க்கப்படுகிறது. தோனி கால்பந்தாட்டத்தில் மிகச்சிறந்த கோல் கீப்பர் என்பது குறிப்பிடத்தக்கது.