Thumkeshwari : ரசிகர்களை ஆட்டம் போட வைக்கும் “தும்கேஸ்வரி” பாடல்..அப்படி என்ன ஸ்பெஷல்?

ஜியோ ஸ்டூடியோஸ் தயாரிப்பில் பிரபல பாலிவுட் நடிகர் வருண் தவான், கீர்த்தி சனோன் ஆகியோர் உருவாகியுள்ள படம் “பெடியா”. 

தும்கேஸ்வரி பாடல் படப்பிடிப்பு

நடிகர் வருண் தவான் நடித்துள்ள பெடியா படத்தில் இருந்து முதல் பாடல் வெளியாகி ரசிகர்களிடையே பெரும் வரவேற்பை பெற்றுள்ளது. 

ஜியோ ஸ்டூடியோஸ் தயாரிப்பில் பிரபல பாலிவுட் நடிகர் வருண் தவான், கீர்த்தி சனோன் ஆகியோர் உருவாகியுள்ள படம் “பெடியா”.  அமர் கௌஷிக் இயக்கியுள்ள இப்படத்தின் ட்ரெய்லர் சமீபத்தில் வெளியாகி பெரும் வரவேற்பை பெற்றது. இந்தி, தமிழ், தெலுங்கு ஆகிய மொழிகளில் வெளியாகும் பெடியா படம் ஓநாய் மனிதர்களை பற்றிய கதையாகும். அருணாச்சலப் பிரதேசத்தில் உள்ள அடர்ந்து காடுளில் படமாக்கப்பட்டுள்ள இப்படம் ரசிகர்களின் எதிர்பார்ப்பிற்குரிய படமாக அமைந்துள்ளது. 

இந்த படத்தின் கிராஃபிக்ஸ் பணிகளை டாப் கன் மேவ்ரிக், மோர்ட்டல் காம்பாட், காட்சிலா வெசஸ் காங் ஆகிய படங்களுக்கு பணியாற்றிய எம்பிசி நிறுவனம் மேற்கொண்டுள்ளது. இதனிடையே பெடியா படத்தின் முதல் பாடலான 'தும்கேஸ்வரி' தற்போது வெளியாகியுள்ளது.  கணேஷ் ஆச்சார்யா நடனம் அமைத்துள்ள இந்த பாடலில் வருண் தவான் - கீர்த்தி சனோன் கூட்டணி பட்டையை கிளப்பும் ஆட்டத்தை வெளிப்படுத்தியுள்ளனர். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Kriti (@kritisanon)

இந்த பாடலை பற்றி வருண் தவான் கூறுகையில், "இது போன்ற ஒரு உற்சாகமான பாடலுக்கு நடனமாடியதில் மகிழ்ச்சியாக உள்ளது என்றும், நடனமாடுவதற்காகவே உருவாக்கப்பட்ட பாடல் இது என்றும் தெரிவித்துள்ளார். மேலும் பாடலின் இசையும் அதன் வரிகளும் ரசிகர்களை கண்டிப்பாக கவரும் எனவும் அவர் நம்பிக்கை தெரிவித்துள்ளார்

அதேசமயம் இந்த பாடலுக்கு சிறப்பு சேர்க்கும் விதமாக ஷ்ரத்தா கபூரும் நடனமாடியுள்ளார். இயக்குநர் அமர் கௌஷிக்கின் முந்தைய படமான 'ஸ்திரீ' யில் ஷ்ரத்தா கபூர் நடித்துள்ளார் என்பதால் இவர் இப்பாடலில் மட்டும் தோன்றுகிறாரா அல்லது படத்திலும் வருகிறாரா என்று பொறுத்திருந்து தான் பார்க்க வேண்டும். 

பாடல் குறித்து கீர்த்தி சனோன் கூறுகையில், "தும்கேஸ்வரி” பாடலில் நான் மிகவும் உற்சாகமாகவும் சந்தோஷமாகவும் நடித்துள்ளேன். பல வருடங்களுக்கு பிறகு வருணுடன் இப்படத்தில் நடித்துள்ளதில் மகிழ்ச்சியாக உள்ளது. இது மிகவும் பிரமாண்டமான முறையில் உருவாகியுள்ள படம். இந்த அனுபவம் எப்போதும் என் நினைவில் இருக்கும் என தெரிவித்துள்ளார். 

சச்சின்-ஜிகார் இசையமைத்துள்ள இந்த பாடலுக்கு அமிதாப் பட்டாச்சார்யா வரிகள் எழுதியுள்ளார்.   இப்பாடலை கார்த்திக் மற்றும் அனுஷா மணி பாடியுள்ளனர். 'தும்கேஸ்வரி' பாடலை கேட்ட பிறகு பெடியா படத்தில் இடம் பெற்றுள்ள மற்ற பாடல்களையும் கேட்பதற்கான ஆர்வம் ரசிகர்களிடம் அதிகமாகியுள்ளது.   'பெடியா' நவம்பர் 25 அன்று தமிழ், ஹிந்தி மற்றும் தெலுங்கு ஆகிய மொழிகளில் பான்-இந்தியா படமாக வெளியாகவுள்ளது.