Esther Anil: ‛சுயம்புலிங்கம் மகளா இது...’ குட்டிப் பொண்ணு இப்போ என்னமா வளர்ந்து நிற்குது!
Esther Anil: கதாநாயகியாக வலம் வரத்தயாராகிக் கொண்டிருக்கும் எஸ்தர் அனில், அதற்கான ஆயத்த பணிகளில் தீவிரமாக இருக்கிறாராம்.
ஆண்டு தோறும் தீபாவளி, பொங்கல் வருவதைப் போல், ஆகஸ்ட் மாதம் பிறந்துவிட்டால், சுயம்புலிங்கம் தியானத்திற்கு போன தினத்தையும், வீடு திரும்பிய தினத்தையும் நினைவூட்டும் மீம்ஸ்கள் ஆண்டு தோறும் வந்து கொண்டே இருக்கிறது. அந்த அளவிற்கு, பாபநாசம் திரைப்படம், மக்களோடு மக்களாக கலந்து விட்டது. அதில் நடித்த கமலஹாசன் கூட, சுயம்புலிங்கமாகத்தான் அறியப்படுகிறார்.
View this post on Instagram
மலையாளத்தில் வெளியான த்ரிஷ்யம் தான், பிந்நாளில் பாபநாசமாக ரீமேக் செய்யப்பட்டது. மலையாளத்தில் எப்படி மெகா ஹிட் ஆனதோ, அதே போலவே தமிழ் உள்ளிட்ட பிற மொழிகளிலும் மெகா ஹிட் ஆனது த்ரிஷ்யம். அதன் த்ரிஷ்யம் இரண்டாம் பாகம் முடிந்து, மூன்றாம் பாகமும் தொடங்க உள்ளதாக தகவல் வந்து கொண்டிருக்கிறது.
ஆனால், தமிழில் இன்னும் பாபநாசம் இரண்டாம் பாகம் எடுக்க முடியாத நிலை உள்ளது. அதற்கு காரணம், முதல் பாகத்தில் கமலுக்கு ஜோடியாக நடித்த கவுதமி, மீண்டும் அவருடன் சேர்ந்து நடிப்பாரா என்கிற கேள்விக்குறி உள்ளது. இதனால், பாபநாசம் இரண்டாம் பாகத்திற்கு வாய்ப்பில்லை என்கின்றனர்.
View this post on Instagram
த்ரிஷ்யம் தமிழில் ரீமேக் ஆக போது, அதில் ஹீரோ , ஹீரோயின் என பலரும் மாற்றப்பட்டனர். மாறாத இருவர், ஒன்று இயக்குனர் ஜித்து ஜோசப் மற்றொருன்று கமலின் இளைய மகளாக வரும் எஸ்தர் அனில். மலையாளத்திலும் அவரே நடித்திருந்தார். இன்னும் பிற மொழிகளிலும் அவர் நடித்துள்ளார் .
என்ன தான் கதை மூத்த மகளை சுற்றி வந்தாலும், கதையின் திருப்பங்கள் இளைய மகளை வைத்தே வரும். அந்த வகையில், எஸ்தர் அனிலின் நடிப்பு பெரிதும் பேசப்பட்டது. அதனால், ஜித்து ஜோசப், அவரை கட்டாயம் வேண்டும் என படத்தில் இணைத்தார். த்ரிஷ்யம் இரண்டாம் பாகத்திலும் எஸ்தர் அனிலின் நடிப்பு பேசப்பட்டது.
View this post on Instagram
இப்படி அனைவராலும் கொண்டாடப்பட்ட குழந்தை எஸ்தர் அனில், இப்போது வேற லெவலில் வளர்ந்து நிற்கிறார். கவர்ச்சிகரமான ஸ்டில்ஸ் எடுத்து, அவற்றை பகிர்ந்து வருகிறார். அவரது போட்டோக்களை பார்த்து, கேரள ரசிகர்கள், ‛ஜார்ஜ் குட்டி மகளா இது...’ என்றும், தமிழ் ரசிகர்கள், ‛சுயலிங்கத்தின் மகளா இது...’ என்றும் ஆச்சரியம் தெரிவித்து வருகின்றனர்.
கதாநாயகியாக வலம் வரத்தயாராகிக் கொண்டிருக்கும் எஸ்தர் அனில், அதற்கான ஆயத்த பணிகளில் தீவிரமாக இருக்கிறாராம்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
