அச்சன்.. நீங்க இதையெல்லாம் செஞ்சா எங்களுக்கு சந்தோஷம்.. நயன் அப்பாவுக்கு விக்னேஷின் Wishes
நடிகை நயன்தாரா அப்பாவிற்கு பிறந்தநாள் வாழ்த்துகள் சொல்லிய விக்னேஷ் சிவன்...
தமிழ் சினிமாவில் பல அழகான காதல் திரைப்படங்களை வழங்கி அனைவரும் மனங்களையும் கவர்ந்தவர், இயக்குனர் விக்னேஷ் சிவன். நயன்தாரா நடித்து வெளியான நானும் ரெளவுடிதான் படம் பெரிய ஹிட்.
தமிழ் சினிமாவில், தனித்துவமிக்க நடிப்பால், தனக்கென தனி ரசிகர் பட்டாளத்தை கொண்டிருக்கிறார், நடிகை நயன்தாரா. இருவரும் நட்சத்திர ஜோடியாக அறியப்படுபவர்கள். இவர்களின் திருமணத்தை ரசிகர்கள் எதிர்பார்த்து காத்திருக்கிறார்கள்.
நயன்தாரா, விக்னேஷ் சிவன் இருவரும் பொது வெளியில் தங்கள் காதலை மிகவும் அழகாக வெளிப்படுத்தும் விதம் அனைவரையும் ஈர்த்தது. விக்னேஷ் சிவன், நயன்தாரா மீதுள்ள தன் காதலை சமூக வலைதளங்களில் வார்த்தைகளாக வடிப்பதை வழக்கமாக கொண்டிருக்கிறார்.
View this post on Instagram
இந்நிலையில் நயன்தாராவின் அப்பாவின் பிறந்தநாளையொட்டி விக்னேஷ் வாழ்த்து தெரிவித்துள்ளார். இது குறித்து இன்ஸ்டாகிராம் பதிவில், பிறந்தநாள் வாழ்த்துக்கள் அச்சன். நீங்கள் மகிழ்ச்சியாக இருப்பதை கண்டு எங்கள் வாழ்க்கை அழகாகிறது. நீங்கள் சிரிப்பது, நீங்கள் சாப்பிடுவது, நீங்கள் எங்களைப் பார்ப்பது- இவற்றை காண்பதிலேயே எங்கள் வாழ்க்கை அழகாகிறது. நீங்கள் எங்கள் வாழ்வில் இருப்பதனால் எங்கள் வாழ்வு அழகாகிறது. நீங்கள் ஏன்றென்றும், எங்களுடன் இருக்கும் வலிமையை கடவுள் உங்களுக்கு வழங்கட்டும். ழவ் யூ அச்ச்ச்சு… எங்களின் ஆசிர்வாதமே நீங்கள்தான்.,,”என்று குறிப்பிட்டுள்ளார்.
நயன்தாரா, அவரது அம்மா, அப்பா உடன் விக்னேஷ் சிவன் இருக்கும் குழுப் புகைப்படத்தைப் பகிர்ந்து பிறந்தநாள் வாழ்த்துகளைத் தெரிவித்துள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
