Selvaraghavan: மம்மூட்டியைப் பார்த்து பிரமித்துப் போன செல்வராகவன்.. என்ன சொல்லி இருக்கார் பாருங்க!

தான் ஒரு மிகப்பெரிய மம்மூட்டி ரசிகர் என்று இயக்குநர் செல்வராகவன் கூறியுள்ளார்.

மம்முட்டி, செல்வராகவன், பிரமயுகம். (Image source: Instagram)

 நடிகர் மம்மூட்டியின் இன்ஸ்டாகிராம் பதிவில் இயக்குநர் செல்வராகவன் கமெண்ட் செய்தது வைரலாகி வருகிறது.

பிரம்மயுகம்

மம்மூட்டி நடித்து நேற்று திரையரங்கில் வெளியான திரைப்டம் "பிரம்மயுகம்". பூதக்காலம் படத்தை இயக்கிய ராஹுல் சதாசிவன் இந்தப் படத்தை இயக்குகிறார். அர்ஜூன் அசோகன், அமல்டா லிஸ், மற்றும் சித்தார்த் இப்படத்தில் நடித்துள்ளார்கள். கிர்ஸ்டோ ஸேவியர் இப்படத்திற்கு இசையமைத்துள்ளார். நைட் ஷிஃப்ட் ஸ்டுடியோஸ் மற்றும் ஒய் நாட் ஸ்டுடியோஸ் இந்தப் படத்தை இணைந்து தயாரித்துள்ளார். ஹாரர் படமாக உருவாகி இருக்கும் இப்படத்தை ரசிகர்கள் திறந்த மனதுடன் பார்க்க வேண்டும் என்று படத்தின் ட்ரெய்லர் வெளியீட்டு விழாவின்போது நடிகர் மம்மூட்டி தெரிவித்திருந்தார்.

பிரம்மயுகம் படத்திற்கு பாசிட்டிவான விமர்சனங்கள் கிடைத்துள்ளன.  மேலும் இப்படம் மலையாள சினிமாவில் ஒரு பெரிய மலை கல்லாக அமையும் என்று பலர் கூறிவருகிறார்கள். மம்மூட்டி நடித்து சமீபத்தில் வெளியான  ‘காதல் தி கோர்’ படமும் சிறப்பான வெற்றிபெற்ற நிலையில், தற்போது பிரம்மயுகம் படமும் பெரிய வெற்றி பெறும் என்று எதிர்பார்க்கப்படுகிறது. 

மேலும் மலையாள சினிமாவின் மிகப்பெரிய சூப்பர்ஸ்டாராக இருந்தும் எல்லாவிதமான கதாபாத்திரங்களையும் கதைகளையும் தேர்வு செய்து நடிக்கும் மம்மூட்டியை அனைவரும் பாராட்டி வருகிறார்கள். 

உங்களுடைய மிகப்பெரிய ஃபேன்

 

 

 

 

 

View this post on Instagram

 

 

 

 

 

 

 

 

 

 

 

A post shared by Mammootty (@mammootty)

தமிழில் தளபதி, கண்டுகொண்டேன் கண்டுகொண்டேன், ஆனந்தம், பேரன்பு உள்ளிட்டப் படங்களில் நடித்த மம்மூட்டிக்கு தமிழில் மிகப்பெரிய ரசிகர் கூட்டம் இருக்கிறது. தமிழ் திரைத்துறையைச் சேர்ந்த பலர் மம்மூடியின் ரசிகர்கள்தாம். அந்த வகையில் இயக்குநர் செல்வராகவன் மம்மூட்டியின் இன்ஸ்டாகிராம் பக்கத்தில் கமெண்ட் செய்துள்ளது சமூக வலைதளங்களில்  வைரலாகி வருகிறது. ” நான் உங்களுடைய மிகப்பெரிய ஃபேன் சார்” என்று செல்வராகவன் மம்மூட்டியின் இன்ஸ்டாகிராம் பதிவில் கமெண்ட் செய்துள்ளார்.

பிரம்மயுகம் போஸ்டரை மம்மூட்டி பகிர்ந்துள்ள நிலையில், வாவ் சார்..  பிரமிப்பாக உள்ளது” எனவும் கமெண்ட் செய்துள்ளார். இதனைப் பார்த்த ரசிகர்கள் அனைவரும் இவர்கள் இருவரும் விரைவில் ஒரு படத்தில் இணைய வேண்டும் என்றும் கமெண்ட் செய்து வருகிறார்கள்.

மம்மூட்டி நடித்து வரும் படங்கள்

பிரம்மயுகம் படத்தைத் தொடர்ந்து  மம்மூட்டி டர்போ படத்தில் நடித்து வருகிறார். சமீபத்தில் இதன் படத்தின் ஃபர்ஸ்ட் லுக் போஸ்டர் வெளியாகி ரசிகர்களைக் கவர்ந்துள்ளது. இந்தப் போஸ்டரில் மம்மூட்டி கருப்புச் சட்டையில் முற்றிலும் ரக்கடான ஒரு லுக்கில் காணப்படுகிறார். புலி முருகன் படத்தை இயக்கிய இயக்குநர் வைசாக் இந்தப் படத்தை இயக்குகிறார்.  மம்மூட்டியின் சொந்த தயாரிப்பு நிறுவனமான மம்மூட்டி ஃபிலிம் கம்பேனி இந்தப் படத்தை தயாரித்துள்ளது.