Leo Watch Video: 'டெளவ் டொ டொ டெளவ்' லியோ பாடலுக்கு குத்தாட்டம் போட்ட கெளதம் மேனன்

லியோ திரைப்படத்தில் நான் ரெடி பாடலுக்கு இயக்குநர் கெளதம் மேனன் நடனமாடும் வீடியோ இணையதளத்தில் வைரலாகி வருகிறது

கவுதம் மேனன் (image source: twitter)

லியோ

லோகேஷ் கனகராஜ் இயக்கத்தில் உருவாகி இருக்கும் லியோ திரைப்படம் நாளை அக்டோபர் 19 ஆம் தேதி வெளியாக இருக்கிறது. விஜய், த்ரிஷா, மன்சூர் அலிகான், அர்ஜூன், சஞ்சய் தத், பிரியா ஆனந்த், உள்ளிட்டவர்கள்  நடித்து அனிருத் இந்த படத்திற்கு இசையமைத்துள்ளார். 

நான் ரெடி பாடல்

லியோ திரைப்படத்தில் இதுவரை மூன்று பாடல்கள் வெளியாகி உள்ளன. இதில் முதல் பாடலான நான் ரெடி பாடல் கடந்த ஜூன் மாதம் 22 ஆம் தேதி  நடிகர் விஜய் பிறந்தநாளன்று படத்தின் ஃபர்ஸ்ஸ்ட் லுக் போஸ்டருடன் வெளியிடப்பட்டது. இணையதளத்தில் இந்தப் பாடல் பல்வேறு சாதனைகளை செய்தது. அனிருத் இசையில் விஷ்னு எடவன் இந்தப் பாடலில் வரிகளை எழுதினார். நடிகர் விஜய் மற்றும் அசல் கோலார் இந்தப் பாடலை பாடியுள்ளார்கள். தினேஷ் மாஸ்டர் இந்தப் பாடலுக்கு நடனம் கோரியோகிராப் செய்துள்ளார். 

சர்ச்சையை கிளப்பிய பாடல் வரிகள்

 நான் ரெடிதான் பாடல் வெளியாகிய சமயம் முதல் பலவிதமான சர்ச்சைகளில் சிக்க வருகிறது. இந்தப் பாடலில் நடிகர் விஜய் புகைப்பிடிக்கும் காட்சிகள் இடம்பெற்றிருந்ததால் இந்த காட்சிகள் தொடர்பாக சமூக வலைதளத்தில் விமர்சனங்கள் எழுந்தன. மேலும் பாடலில் உள்ள வரிகள் சிலவற்றையும் சென்சார் வாரியம் நீக்கக் கோரியது. 

ஆனால் மறுபக்கம் இந்த பாடல் ரசிகர்கள் கொண்டாடும்   பாடலாக மாறியுள்ளது. மொத்தம் 2000 நடனக் கலைஞர்கள் பங்கேற்று மொத்தம் 7 நாட்கள் இந்த ஒரு பாடலுக்கான படபிடிப்பு நடைபெற்றதாக படத்தின் தயாரிப்பாளர் லலித் குமார் தெரிவித்திருந்தார்.  இணையதளத்தில் இந்தப் பாடலை வைத்து ரீல்ஸ் வைரலாகி வருகின்றன. ஆப்பிரிக்கா வரை பல்வேறு நாடுகளை சேர்ந்த மக்கள் இந்தப் பாடலுக்கு நடனமாடி வீடியோக்களை இணையதளத்தில் பதிவிட்டு வருகிறார்கள்.

பிரபலங்கள் நடனம்

சமீபத்தில்  தான்சானிய உடன்பிறப்புகளான கிளி பால் மற்றும் நீமா பால் இருவரும் விஜயின் 'நான் ரெடி' பாடலுக்கு ஆச்சு அசலாக நடனமாடிய வீடியோ சோசியல் மீடியாவில் வைரலாக பகிரப்பட்டது. இதனைத் தொடர்ந்து இந்திய அணி கிரிக்கெட் வீரர் ஷிகர் தவான் நான் ரெடி பாடலுக்கு நடன்மாடி வீடியோ பதிவிட்டிருந்தார். இதுவரை யூடியூபில் மட்டுமே இந்தப் பாடல் 154 மில்லியன் பார்வையாளர்களை கடந்துள்ளது. சமீபத்தில் நான் ரெடி பாடலை தெலுங்கு, மலையாளம், கன்னடம், இந்தி ஆகிய மொழிகளில் வெளியிட்டது படக்குழு. இதனால் பிற மாநிலங்களில் இருக்கும் விஜய் ரசிகர்களும் இந்த பாடலுக்கு வைப் செய்யத் தொடங்கியுள்ளார்கள்.

Your favourite #NaaReady OUT NOW in your favourite language! 💯🔥❤️‍🔥

🔗 https://t.co/g7k5FqCwvj#Thalapathy @actorvijay sir @Dir_Lokesh @trishtrashers @anirudhofficial @duttsanjay @akarjunofficial @7screenstudio @Jagadishbliss @GTelefilms @SitharaEnts @SwagathOffl @GokulamMovies… pic.twitter.com/B8SvLxF2Ey

— Sony Music South (@SonyMusicSouth) October 13, 2023

குத்தாட்டம் போட்ட கெளதம் மேனன்

You should see this sir @menongautham ☺️❤️🔥.#Leo https://t.co/7h87jxGi3V

— Rathna kumar (@MrRathna) October 17, 2023

தற்போது இந்த வரிசையில் இணைந்துள்ளார் இயக்குநர் கெளதம் மேனன். லியோ படத்தில் முக்கிய கதாபாத்திரத்தில் நடித்திருக்கும் கெளதம் மேனன் நான் ரெடி பாடலுக்கு குத்தாட்டம் போடும் வீடியோ ஒன்று இணையதளத்தில் தற்போது வைரலாகி வருகிறது. இந்த வீடியோவை மேயாத மான் படத்தை இயக்கிய இயக்குநர் ரத்னகுமார் தனது ட்விட்டர் பக்கத்தில் பகிர்ந்துள்ளார்.