குட்டி அட்லீயைத் தொடர்ந்து குட்டி பிரியா..பெண் குழந்தையை வரவேற்ற அட்லீ பிரியா தம்பதியினர்

Atlee Baby Girl : இயக்குநர் அட்லீ பிரியா தம்பதியினருக்கு ஏற்கனவே முன்னதாக ஆண் குழந்தை இருந்த நிலையில் தற்போது பெண் குழந்தை பிறந்துள்ளது

அட்லீ

Source : X

இந்திய சினிமாவின் முன்னணி இயக்குநராக வலம் வருபவர் இயக்குநர் அட்லீ. அட்லீ பிரியா மோகன் தம்பதிக்கு கடந்த 2023 ஆம் ஆண்டு முதல் ஆண் குழந்தை பிறந்தது. இதனைத் தொடர்ந்து தற்போது இந்த தம்பதியினருக்கு இரண்டாவதாக பெண் குழந்தை பிறந்துள்ளது. இந்த தகவலை அட்லீ தனது சமூக வலைதள பக்கத்தில் அதிகாரப்பூர்வமாக வெளியிட்டுள்ளார்

அட்லீ ப்ரியா தம்பதிக்கு பெண் குழந்தை

தனக்கு பெண் குழந்தை பிறந்துள்ள தகவலை அட்லீ தனது சமூக வலைதள பக்கத்தில் பகிர்ந்துள்ளார். தங்களது மூத்த மகனான மீர்  தனக்கு தங்கை பிறந்திருப்பதை நினைத்து மகிழ்ச்சிக் கொள்வதாக ஒரு அழகான போஸ்டர் ஒன்றை அட்லீ வெளியிட்டுள்ளார் . ஒருபக்கம் திரைத்துறையில் சர்வதேச  உச்சங்களை தொட்டு வரும் அட்லீக்கு தனிப்பட்ட வாழ்க்கையில் மகிழ்ச்சிகரமான தருணங்கள் நிகழ்ந்து வருகின்றன. சினிமா பிரபலங்கள் மற்றும் ரசிகர்கள் பலர் அட்லீ மற்றும் ப்ரியாவுக்கு தங்களது வாழ்த்துகளை பகிர்ந்துகொண்டு வருகிறார்கள் . 

Feeling blessed 💞💞💞💞💞@priyaatlee pic.twitter.com/tQgPKbQZbi

— atlee (@Atlee_dir) April 20, 2026

அட்லீ தற்போது சன் பிக்ச்சர்ஸ் தயாரிப்பில் அல்லு அர்ஜூன் நடிக்கும் ராக்கா படத்தை இயக்கி வருகிறார். தீபிகா படூகோன் படத்தில் நாயகியாக நடிக்கிறார்.  சுமார் ரூ600 கோடி பட்ஜெட்டில் உருவாகும்  இப்படத்தில்  சர்வதேச தொழில்நுட்ப நிறுவனங்கள் பணியாற்றுகின்றன. சாய் அப்யங்கர் படத்திற்கு இசையமைக்கிறார்.