விஜய் சேதுபதி - வடிவேலு கூட்டணி கிட்டத்தட்ட உறுதி... யார் இயக்குனர் தெரியுமா?

நீண்ட இடைவெளிக்கு ரீ என்ட்ரி கொடுத்துள்ள வைகை புயல் வடிவேலு அடுத்ததாக "ஒரு நல்ல நாள் பார்த்து சொல்றேன்" படத்தை இயக்கிய ஆறுமுக குமார் இயக்கத்தில் நடிகர் விஜய்சேதுபதியுடன் இணைந்து நடிக்க உள்ளார்.

ஆறுமுக குமார் இயக்கத்தில் விஜய் சேதுபதி - வடிவேலு

 

தமிழ் சினிமாவில் பல நகைச்சுவை நடிகர்கள் இருந்தாலும் தனக்கென ஒரு தனி பாணி, ஸ்டைல், உடல் அசைவுகள் என ஒட்டுமொத்த  ரசிகர்களையும் தன்னுடைய காமெடி வலையில் சிக்க வைத்தவர் நடிகர் வடிவேலு. சில காரணங்களால் நீண்ட நாட்களாக சினிமா பக்கம் வராமல் ஒதுங்கி இருந்த நடிகர் வடிவேலு சமீபகாலமாக சில படங்களில் நடிக்க சம்மதம் தெரிவித்து ரீ என்ட்ரி கொடுத்துள்ளார். இது நம் தமிழ் சினிமா ரசிகர்களுக்கு மிகுந்த சந்தோஷத்தை கொடுத்துள்ளது. 

 

 

மீம்ஸ்களின் ராஜா :

நகைச்சுவை நடிகர் வடிவேலுவின் கதாபாத்திரங்களின் பெயர்கள், காமெடிகள், வசனங்கள், முக பாவனை என அனைத்தும் இன்றும் மீம்ஸ் செய்யப்பட்டு வருகிறது. சில காலங்கள் சினிமாவை விட்டு விலகி இருந்தாலும் இன்றும் மீம்ஸ்களின் ராஜா வடிவேலு தான்.  லைக்கா புரொடக்ஷன்ஸ் நிறுவனத்தின் தயாரிப்பில் இயக்குனர் சுராஜ் இயக்கிய 'நாய் சேகர் ரிட்டர்ன்ஸ்' திரைப்படத்தில் முன்னணி கதாபாத்திரத்தில் நடித்ததன் மூலம் மீண்டும் தமிழ் சினிமாவில் ரீ என்ட்ரி கொடுத்துள்ள வடிவேலு அதனை தொடர்ந்து மாரி செல்வராஜ் இயக்கத்தில்  உதயநிதி ஸ்டாலின், கீர்த்தி சுரேஷ், பஹத் பாசில் நடிக்கும் "மாமன்னன்" திரைப்படத்தில் ஒரு முக்கிய கதாபாத்திரத்தில் நடிக்கிறார். மேலும் சூப்பர் ஹிட் திரைப்படமான சூப்பர் ஸ்டார் ரஜினிகாந்த் நடித்த "சந்திரமுகி" படத்தின் இரண்டாம் பாகம் "சந்திரமுகி 2" படத்தில் நடிகர் ராகவா லாரன்ஸ் உடன் இனைந்து நடிகர் வடிவேலு முக்கிய கதாபாத்திரத்தில் நடித்து வருகிறார்.  

 

#VijaySethupathi & #Vadivelu to team up for new film.

Expected to be Directed by #ArumugaKumar (Oru Nalla Naal Paathu Solren) pic.twitter.com/NJnk2NkEpX

— M.L.Prabhakaran. (@muniPrabhakaran) October 13, 2022

 

விஜய் சேதுபதி - வடிவேலு கூட்டணியின் இயக்குனர் யார் ?

அந்த வகையில் மக்கள் செல்வன் விஜய் சேதுபதியுடன் இணைந்து மற்றுமொரு படத்தில் நடிக்க உள்ளார் வடிவேலு என்ற தகவல் ஏற்கனவே வெளியானது. தற்போது படத்தின் இயக்குனர் குறித்த விவரம் வெளியாகியுள்ளது. 2018ம் ஆண்டு விஜய் சேதுபதி நடிப்பில் வெளியான "ஒரு நல்ல நாள் பார்த்து சொல்றேன்" படத்தை இயக்கியவர் ஆறுமுக குமார். அவரின் இயக்கத்தில் தான் அடுத்ததாக விஜய் சேதுபதியுடன் வைகை புயல் வடிவேலு நடிக்க உள்ளதாக தகவல் வெளியாகியுள்ளது. இது குறித்த அதிகாரபூர்வமான தகவல் விரைவில் வெளியாகும் என எதிர்பார்க்கப்படுகிறது. 

 

Vadivelu sir birthday celebrations🎉🎊🎁 done by #mamannan team
🤩❤ yesterday..

Thalaivii 🤩 @KeerthyOfficial 💙😘
Waiting to see you with #Vadivelu sir on big screen 💯👍🤩🙌
Increasing expectations.. 💯👍#KeerthySuresh
#Vadivelu | #HBDVadivelu | #Mamannan | #Meenajo pic.twitter.com/ia86UwLp48

— Meena Jo💙(Thanga Meenakshi) (@MeenaJo7) September 13, 2022