டான்ஸ் இல்லே.. ஃபைட் இல்லே.. விஜய் பாடிலேங்குவேஜ் இல்லே...! தளபதியை வம்புக்கு இழுத்தாரா தில் ராஜூ?

பலகம் படத்தின் ப்ரி ரிலீஸ் விழாவில் தில் ராஜூ தன் வாரிசு இசை வெளியீட்டு விழா பேச்சை ரீ க்ரியேட் செய்து பேசியுள்ளது இணையத்தில் மீண்டும் கவனமீர்த்து வைரலாகியுள்ளது.

தில் ராஜூ

தெலுங்கு பலகம் பட இசை வெளியீட்டு விழாவில் வாரிசு விஜய் குறித்து தயாரிப்பாளர் தில் ராஜூ பேசியது கவனமீர்த்து இணையத்தில் ட்ரெண்ட் ஆகியுள்ளது. இந்த ஆண்டு பொங்கல் ரீலீசாக வெளியான வாரிசு படம் 300 கோடி வசூலித்து வணிக ரீதியாகவும் வசூல்ரீதியாகவும் வெற்றி பெற்றது.ூ

வாரிசு தயாரிப்பாளர்:

இந்நிலயில் வாரிசு பட ப்ரோமோஷன்பணிகளின்போது படக்குழுவினரைத் தாண்டி தன் சர்ச்சைக் கருத்துகள் மற்றும் ஜாலியான பேச்சுகளால் கவனமீர்த்தவர் இப்படத்தின் தயாரிப்பாளர் தில் ராஜூ.

தெலுங்கு படத் தயாரிப்பாளரான தில் ராஜூ, விஜய் தான் நம்பர் 1 எனப் பேசியது தொடங்கி, வாரிசு பட இசை வெளியீட்டு விழாவில் ஃபைட் வேணுமா ஃபைட் இருக்கு, டான்ஸ் இருக்கு எனப் பேசியது வரை கவனமீர்த்து சோஷியல் மீடியா சென்சேஷனாக மாறினார்.

சர்ச்சை பேச்சு:

அஜித்தை விட தமிழ்நாட்டில் விஜய் தான் நம்பர் 1 ஸ்டார். ஆனால் வாரிசு படத்துக்கு போதிய தியேட்டர்கள் கிடைக்கவில்லை என வருந்திய தில் ராஜூவின் பேச்சு பெரும் எதிர்ப்புகளைப் பெற்றது. மேலும் ஹைதராபாத்தில் இருந்து கொண்டு இப்படியெல்லாம் தில் ராஜூ பேசுவது சரியல்ல என தமிழ்நாடு தியேட்டர்கள் உரிமையாளர் சங்கத் தலைவர் திருப்பூர் சுப்பிரமணியன் காட்டம் தெரிவித்திர்ந்தார்.

விஜய்யை வம்புக்கு இழுத்தாரா?

தொடர்ந்து வாரிசு இசை வெளியீட்டு விழாவில் விஜய் தான் நம்பர் 1 என மீண்டும் அழுத்தமாகக் கூறிய தில் ராஜூ, வாரிசு படத்தில் ட்ஃபைட் வேணுமா ஃபைட் இருக்கு, டான்ஸ் வேண்டுமா டான்ஸ் இருக்கு, விஜய் சார் பாடிலேங்குவேஜ் வேணுமா இருக்கு, எமோஷன் வேணுமா அதுவும் இருக்கு எனப் பேசியது மீம் கண்டெண்டாக மாறி கோலிவுட் ரசிகர்கள் மத்தியில் வைரலானது.

இந்நிலையில், வாரிசு படத்தை அடுத்து தில் ராஜூ தயாரித்துள்ள தெலுங்கு படமான பலகம் படத்தின் ப்ரி ரிலீஸ் விழாவில் தில் ராஜூ தன் வாரிசு இசை வெளியீட்டு விழா பேச்சை ரீ க்ரியேட் செய்து பேசியுள்ளது இணையத்தில் மீண்டும் கவனமீர்த்து வைரலாகியுள்ளது.

நடிகர் ப்ரியதர்ஷினி புள்ளிகொண்டா, காவ்யா கல்யாணராம் நடிப்பில் தெலுங்கில் இன்று பலகம் படம் வெளியானது. இந்நிலையில், முன்னதாக பலகம் பட ப்ரீ ரிலீஸ் விழாவில் பேசிய தில் ராஜூ, ”தமிழ்நாட்டில் என்னுடைய இந்தப் பேச்சு மிகவும் பிரபலம், இளைஞர்களுக்குத் தெரியும்.

இந்தப் படத்தில் ஃபைட் இல்ல, இந்தப் படத்துல டான்ஸ் இல்ல, இந்தப் படத்துல விஜய் சார் பாடி லேங்குவேஜ் இல்ல..ஆனா இந்தப் படத்துல சூப்பர் என்டர்டெய்ன்மெண்ட் இருக்கு, சூப்பர் எமோஷன் இருக்கு. சூப்பர் தெலங்கானா நேட்டிவிட்டி இருக்கு” எனப் பேசியுள்ளார்.

 

#DilRaju self troll and Varisu troll.. Enna manusanyaa.. 🙏🏼pic.twitter.com/erjzwjigyc

— Trollywood (@TrollywoodX) March 3, 2023

தன்னைத் தானே கேலி செய்வது போன்ற தில் ராஜூவின் இந்தப் பேச்சு தற்போது இணையத்தில் வைரலாகி வருகிறது. மற்றொருபுறம் தில் ராஜூவின் முழு பேச்சைக் கேட்காத சில மீம் பேஜ்களில் தில் ராஜூ விஜய்யை வம்பிழு