Thiruchitrambalam: ஒன்றரை ஆண்டுக்குப் பின் தியேட்டர்.. திறந்தது தனுஷின் திருச்சிற்றம்பலம் டிக்கெட் புக்கிங்!

திருச்சிற்றம்பலம் படத்தின் டிக்கெட் புக்கிங் ஓபன் செய்யப்பட்டுள்ளது. 

திருச்சிற்றம்பலம்

நடிகர் தனுஷ் நடித்து, சன் பிக்சர்ஸ் தயாரித்துள்ள திருச்சிற்றம்பலம் படத்தின் டிக்கெட் புக்கிங் ஓபன் செய்யப்பட்டுள்ளது. ஒன்றரை வருடத்திற்குப் பின் தனுஷ் திரைப்படம் தியேட்டரில் ரிலீஸ் ஆவதால், அவரது ரசிகர்கள் குஷியில் உள்ளனர். 

 

 

#Thiruchitrambalam Bookings open now 🔥
Grab your tickets and get ready for 18th Aug 💥@dhanushkraja @anirudhofficial #Bharathiraja @prakashraaj @MithranRJawahar @MenenNithya @RaashiiKhanna_ @priya_Bshankar @omdop @editor_prasanna pic.twitter.com/t5wuiFPbNR

— Sun Pictures (@sunpictures) August 15, 2022

தனுஷ் நடிப்பில் வெளியான "யாரடி நீ மோகினி", "உத்தம புத்திரன்", "குட்டி" உள்ளிட்ட படங்களை இயக்கிய மித்ரன் ஆர்.ஜவஹர்  4வது முறையாக அவருடன் இணைந்துள்ள படம் “திருச்சிற்றம்பலம்”. இந்த படத்தை தனுஷின் படிக்காதவன், மாப்பிள்ளை படங்களை தொடர்ந்து 3வது முறையாக சன்பிக்சர்ஸ் நிறுவனம் தயாரிக்கிறது. இப்படத்தில் நடிகைகள் நித்யாமேனன், பிரியா பவானி ஷங்கர், ராஷி கண்ணா, நடிகர்கள் பிரகாஷ்ராஜ், இயக்குனர் பாரதிராஜா ஆகியோர் முக்கிய கதாபாத்திரத்தில் நடிக்க அனிருத் இப்படத்திற்கு இசையமைத்துள்ளார்.

இப்படத்தின் ட்ரைலர் அண்மையில் வெளியாகி ரசிகர்களிடம் நல்ல வரவேற்பை பெற்றது. பாரதிராஜா தாத்தாவாகவும்,பிரகாஷ்ராஜ் அப்பாவாகவும் நடித்துள்ளனர். நித்யாமேனன் தோழியாக நடித்துள்ளார்.  திருச்சிற்றம்பலம் படம் ஆகஸ்ட் 18ம் தேதி வெளியாகவுள்ளது.

பாடல்கள் சூப்பர் ஹிட் :

கிட்டதட்ட 7 ஆண்டுகளுக்குப் பிறகு தனுஷ் - அனிருத் கூட்டணி இணைந்துள்ளதால் திருச்சிற்றம்பலம் படத்திற்கு பெரும் எதிர்பார்ப்பு நிலவுகிறது. இப்படத்தின் படப்பிடிப்பு முழுமையாக முடிவடைந்த நிலையில், நேற்று படம் வெளியீட்டு தயாராக விட்டது என்று போட்டோவுடன் அப்டேட் வெளியாகியது. இந்த படத்தில் தனுஷ் தாய் கிழவி,மேகம் கருக்காதா பெண்ணே, தேன்மொழி ஆகிய 3 பாடல்களை எழுதியுள்ளார். கடந்த சில நாட்களுக்கு முன் தான் திருச்சிற்றம்பலம் படத்தின் ஆடியோ வெளியிட்டு விழா நடைபெற்றது. இந்த விழாவில் படக்குழுவினரோடு இயக்குநர்கள் வெற்றிமாறன், செல்வராகவன் உள்ளிட்ட பலரும் கலந்து கொண்டனர்