Dhanush: இளையராஜாவாக நடிக்கும் தனுஷ்... நாளை வெளியாகிறது முக்கிய அப்டேட்!

தனுஷின் அடுத்தப் படத்தின் அப்டேட் நாளை மார்ச் 20 ஆம் தேதி வெளியாக இருக்கிறது

தனுஷ், இளையராஜா. (Image source: Twitter)

இளையராஜாவின் சுயசரிதை படத்தில் தனுஷ் நடிக்க இருக்கும் நிலையில், அப்படத்திற்கான அப்டேட் நாளை வெளியாக இருக்கிறது.

தனுஷ் 

ராயன் படத்தை இயக்கி முடித்துள்ள தனுஷ் தற்போது குபேரா படத்தில் நடித்து வருகிறார். சேகர் கம்முலா இயக்கும் இப்படத்தில் ராஷ்மிகா , நாகர்ஜுனா ஆகியோர் நடித்து வருகிறார்கள். இப்படியான நிலையில் தனது அடுத்தப் படத்தின் அப்டேட் கொடுத்துள்ளார் நடிகர் தனுஷ்.

இளையராஜாவாக தனுஷ்

இசையமைப்பாளர் இளையராஜாவின் வாழ்க்கை படமாக உருவாக இருப்பதாக கடந்த ஆண்டு தகவல் வெளியானது . இந்தப் படத்தில் தனுஷ் இளையராஜாவாக நடிக்க வாய்ப்புள்ளதாக கூறப்பட்டது. கேப்டன் மில்லர் படத்தை இயக்கிய அருண் மாதேஸ்வரன் இந்தப் படத்தை இயக்க இருப்பதாக சமூக வலைதளங்களில் தகவல் வெளியானது. இந்நிலையில் தற்போது இப்படம் குறித்த அப்டேட் நாளை வெளியாகும் என தனுஷ் தனது எக்ஸ் தளத்தில் தகவல் வெளியிட்டுள்ளார். உலகநாயகன்  கமல்ஹாசன் இந்த தகவலை வெளியிடுவார் என்று எதிர்பார்க்கப்படுகிறது. இதனால் ரசிகர்கள்  மகிழ்ச்சியடைந்துள்ளார்கள்.

An epic journey begins pic.twitter.com/A7bQAO1Vy7

— Dhanush (@dhanushkraja) March 19, 2024

துள்ளுவதோ படத்தின் மூலம் அறிமுகமான தனுஷ் இந்திய சினிமாவில் தனித்துவமான ஒரு நடிகராக கருதப்படுகிறார். தனது நடிப்பிற்காக தமிழ் , இந்தி , ஹாலிவுட் என பிரம்மாண்டமான திரைத்துறைகளில் பாராட்டப் பட்டிருக்கிறார். நடிகர், தயாரிப்பாளர், பாடலாசிரியர், பாடகர், இயக்குநர் என பன்முகத்தன்மையை வெளிப்படுத்தி இருக்கும் தனுஷ் தற்போது இளையராஜாவைப் பற்றிய படத்தில் இளையராஜாவாக நடிப்பது பெரும் எதிர்பார்ப்பை உருவாக்கியுள்ளது. வேறு ஒரு நடிகர் என்றால் இந்த கேரக்டரை இவரால் செய்ய முடியுமா என்கிற சந்தேகங்கள் சமூக வலைதளத்தில் பரவியிருக்கும். ஆனால் தனுஷ் இந்த படத்தில் இளையராஜாவை புதிய பரிமாணத்தில் நடித்துக்  காட்டுவார் என்கிற நம்பிக்கை அனைவருக்கும் இருக்கிறது.

ராயன்

தனுஷ் இயக்கத்தில் உருவாகியிருக்கும் ராயன் படத்தில் எஸ்.ஜே சூர்யா, செல்வராகவன் , பிரகாஷ் ராஜ் , வரலட்சுமி, அபர்னா பாலமுரளி, துஷாரா விஜயன் , உள்ளிட்டவர்கள் நடித்துள்ளார்கள். ஏ ஆர் ரஹ்மான் இப்படத்திற்கு இசையமைத்துள்ளார்.