Kara Trailer : தனுஷ் மமிதா பைஜூ நடித்துள்ள கர படத்தின் டிரெய்லர் வெளியானது

Kara Movie Trailer : விக்னேஷ் ராஜா இயக்கத்தில் தனுஷ் மமிதா பைஜூ நடித்துள்ள கர படத்தின் டிரெய்லர் இன்று வெளியாகியுள்ளது

கர பட டிரெய்லர் , தனுஷ்

Source : X

இயக்குநர் விக்னேஷ் ராஜா இயக்கத்தில் தனுஷின் 54 ஆவது படமாக உருவாகியுள்ளது கர. மமிதா பைஜூ , சூரஜ் வெஞ்சமூடு , ஜெயராம் , கருணாஸ் , கே.எஸ் ரவிகுமார் ஆகியோர் இப்படத்தில் நடித்துள்ளார்கள். ஜிவி பிரகாஷ் குமார் படத்திற்கு இசையமைத்துள்ளார். வேல்ஸ் ஃபிலிம்ஸ் இப்படத்தை தயாரித்துள்ளது. வரும் ஏப்ரல் 30 ஆம் தேதி இப்படம் திரையரங்குகளில் வெளியாக இருக்கும் நிலையில் கர படத்தின் டிரெய்லர் தற்போது வெளியாகியுள்ளது 

கர படத்தின் கதை

அசோக் செல்வன் நடித்த போர் தொழில் படத்தின் மூலம் இயக்குநராக அறிமுகமான விக்னேஷ் ராஜா தனது முதல் படத்திலேயே ரசிகர்களிடையே பரவலான கவனமீர்த்தார். தொடர்ந்து தற்போது அவரது இரண்டாவது படமாக தனுஷின் கர படத்தை இயக்கியுள்ளார்.  1991-ல், ஈராக்கிற்கும் அமெரிக்காவிற்கும் இடையே வளைகுடாப் போர் நடந்துகொண்டிருந்தபோது, தமிழ்நாட்டின் கடலோர நகரமான இராமநாதபுரத்தில் கடுமையான எரிபொருள் தட்டுப்பாடு ஏற்பட்டது. உலகம் முழுவதும் எண்ணெய் கிடங்குகள் எரிந்துகொண்டிருந்ததால், பெட்ரோலுக்கும் டீசலுக்கும் கடும் பற்றாக்குறை ஏற்பட்டது. தனது அபாயகரமான கடந்த காலத்திலிருந்து விலகிச் சென்ற கரசாமி, இனி ஒருபோதும் செய்யமாட்டேன் என்று சபதம் செய்த அதே காரியங்களை மீண்டும் செய்ய நிர்பந்திக்கப்படுகிறான். அடுத்த 16 நாட்களுக்கு, தன்னை நம்பிய மக்களை இந்த நெருக்கடியிலிருந்து பாதுகாத்து, பத்திரமாக வழிநடத்த அவன் எல்லாவற்றையும் பணயம் வைக்க வேண்டும். எரிபொருள் தட்டுப்பாடுள்ள ஒரு நகரத்தின் பின்னணியில், உயிர் பிழைத்தல், விசுவாசம் மற்றும் மீட்பு ஆகியவற்றைப் பற்றிய ஒரு பதட்டமான, உணர்ச்சிப்பூர்வமான கதையே கர திரைப்படத்தின் கதையேன படக்குழு சார்பாக தெரிவிக்கப்பட்டுள்ளது.