Dhanush | ‛ஆமாம் .. அந்த அதிர்ஷ்டசாலி நான்தான் ’ -புதுமுக இயக்குநருடனான கூட்டணியை உறுதி செய்த தனுஷ்!

சமீபத்தில் நேரடி தெலுங்கு படத்தில் நடிக்க இருப்பதாக ட்வீட் செய்திருந்தார். பை லிங்குவலாக உருவாகவுள்ள அந்த படத்திற்கு ‘வாத்தி’ என பெயர் வைக்கப்பட்டுள்ளது.

தனுஷ்

கோலிவுட் முதல் ஹாலிவுட் வரை பட்டையை கிளப்பி வருகிறார் நடிகர் தனுஷ். தென்னிந்திய சினிமாவில் மட்டுமல்லாமல் பாலிவுட் பக்கமும் தனுஷிற்கு ஏராளமான ரசிகர்கள் உள்ளனர். சமீபத்தில் இந்தியாவின் புகழ்பெற்ற நிகழ்ச்சியான காஃபி வித் கரண் நிகழ்ச்சில் தனுஷின் நேர்காணல் வைரலானது. அம்பிகாபதி திரைப்படம் மூலம் பாலிவுட்டில் முத்திரை பதித்த தனுஷ் , தற்போது  அட்ரங்கி ரே என்னும் திரைப்படத்தில்  அக்‌ஷய் குமாருடன் நடித்துள்ளார். அந்த படத்தில் ஏ.ஆர்.ரஹ்மான் இசையில் இந்தி , தமிழ் என இரு மொழிகளிலும் தனுஷ் பாடியுள்ளார் என்பது குறிப்பிடத்தக்கது. சமீபத்தில் நேரடி தெலுங்கு படத்தில் நடிக்க இருப்பதாக ட்வீட் செய்திருந்தார். பை லிங்குவலாக உருவாகவுள்ள அந்த படத்திற்கு ‘வாத்தி’ என பெயர் வைக்கப்பட்டுள்ளது. படத்தில் தனுஷ் கல்லூரி பேராசிரியராக நடிக்கவுள்ளார் என்பதும் குறிப்பிடத்தக்கது.

My next Tamil film and my first direct telugu film .. title announcement tom 🙏🙏 Om Namashivaaya pic.twitter.com/cnaeMXO2h0

— Dhanush (@dhanushkraja) December 22, 2021

My next .. a Tamil , telugu bilingual #Vaathi #sir pic.twitter.com/QAnfs9P9yC

— Dhanush (@dhanushkraja) December 23, 2021

இதனை தொடர்ந்து அடுத்து தமிழ் படம் ஒன்றில் கமிட்டாகியிருப்பதாகவும், அதனை ராக்கி திரைப்படத்தின் இயக்குநர் அருண் மாதேஷ்வரனுடன் கூட்டணி அமைக்க இருப்பதாக செய்திகள் வெளியானது. இதனை உறுதிப்படுத்திய தனுஷ் தனது ட்விட்டர் பக்கத்தில் “ ஆமாம்..உங்கள் யூகங்கள் சரிதான்.அருண் மாதேஷ்வரன் இயக்கத்தில் நடிக்க இருக்கும் அதிர்ஷசாலி நடிகர் நான்தான்..விரைவில் அடுத்தடுத்த அறிவிப்புகள் வரும்..ஓம் நம சிவாய” என  பதிவிட்டுள்ளார். இந்த படம் ஒரு வரலாற்று பிண்ணனியில் உருவாகும் கதை என கூறப்படுகிறது.

Yes. The speculations are true. I am that fortunate actor who bagged @ArunMatheswaran ‘s next directorial. More details soon. Om Namashivaaya

— Dhanush (@dhanushkraja) December 24, 2021

அருண் மாதேஷ்வரன் இயக்கத்தில் வெளியான ராக்கி திரைப்படத்திற்கு அமோக வரவேற்பு கிடைத்து வருகிறது. இந்த படத்தை விக்னேஷ் சிவன் மற்றும் நயன்தாராவிற்கு சொந்தமான ரௌடி பிக்சர்ஸ் நிறுவனம் தயாரித்திந்தது குறிப்பிடத்தக்கது.இதனை தொடர்ந்து தனுஷின் அண்ணன் செல்வராகவன் மற்றும் கீர்த்தி சுரேஷ் நடிப்பில் சாணி காயிதம் என்னும் படத்தை இயக்கி வருகிறார் அருண் மாதேஷ். தனுஷ் முன்னதாக திருச்சிற்றம்பலம் மற்றும் மாறன் உள்ளிட்ட தமிழ் படங்களில் நடித்துள்ளார். இந்த படங்களில் படப்பிடிப்புகள் கிட்டத்தட்ட முடிவடைந்த நிலையில் விரைவில் அருண் மாதேஷ்வரன் இயக்கத்தில் உருவாகும் புதிய படத்தில் நடிப்பார் என எதிர்பார்க்கப்படுகிறது.