Dhanush Aishwaryaa Separation | ஐஷ்வர்யா சந்திப்பை தவிர்க்க ரஜினி பிறந்தநாளை புறக்கணித்தாரா தனுஷ்? கேள்வி எழுப்பும் இரு பதிவுகள்!
Dhanush Aishwaryaa Separation : ஐஷ்வர்யாவை பார்ப்பதை தவிர்க்க, தனுஷ் அந்த விழாவில் பங்கேற்கவில்லை என்பதை புரிந்து கொள்ள முடிகிறது.
தனுஷ்-ஐஸ்வர்யா பிரிவு... இன்று நேற்று முடிவு செய்து இன்று வெளியிட்ட அறிவிப்பு இல்லை. நீண்ட நாட்களாகவே இந்த பிரச்சை இருந்துள்ள வந்துள்ளதாக கூறப்படுகிறது. திரைமறை காயமாக இருந்த பிரச்சனை, டிசம்பரில் வெடித்திருக்கிறது. இதற்கு நிறைய உதாரணங்கள் உண்டு. அதை ஆதாரமாகவும் எடுத்துக் கொள்ளலாம்.
ரஜினிகாந்திற்கு தாதாசாகேப் பால்கே விருதும், தனுஷிற்கு தேசிய விருதும் அறிவிக்கப்பட்டு டெல்லியில் அதற்கான விழா நடைபெற்றது. அக்டோபர் 25 ம் தேதி இந்த விருது வழங்கும் விழா நடைபெற்றது. அப்போது தன் மனைவி லதா, மருமகன் தனுஷ், மகள் ஐஸ்வர்யா உள்ளிட்டோருடன் சென்று மகிழ்வுடன் அந்த விழாவில் பங்கேற்ற ரஜினி, அவரும் விருது பெற்று, மருமகன் தனுஷூம் விருது பெற்றார். அன்று வரை அவர்களுக்குள் பிரச்சனை இல்லை. அதுவரை ஐஸ்வர்யாவும் மகிழ்வுடன்தான் இருந்தார், கணவரை புகழ்ந்து அவர் மகிழ்ந்து போட்ட இன்ஸ்டாகிராம் பதிவும் அதை உறுதி செய்கிறது.
View this post on Instagram
ஆனால், நவம்பரின் இறுதியில் பிரச்சனை கிளம்பியிருக்கிறது. அதன் காரணமாக தான் டிசம்பரில் நடந்த ரஜினிகாந்தின் பிறந்தநாள் விழாவை தனுஷ் புறக்கணித்திருக்கிறார். கிட்டத்தட்ட மோதலின் உச்சத்தில் இருந்த நேரமாக அது தெரிகிறது. டிசம்பர் 12 ம் தேதி நடந்த ரஜினி பிறந்தநாள் விழாவில், மகள்கள் ஐஸ்வர்யா மற்றும் சவுந்தர்யா இருவரும் பங்கேற்றனர். தவிர, சவுந்தர்யாவின் கணவரும் மகனும் பங்கேற்றார்.
இவர்கள் தவிர, லதாவின் சகோதரரும், அனிருத்தின் பெற்றோருமான ரவிச்சந்திரன் மற்றும் அவரது மனைவியும் வருகை தந்திருந்தனர். இவர்கள் தவிர ரஜினியின் மூத்த மகளான ஐஸ்வர்யா, தனது இரு மகன்களுடன் பங்கேற்றார். ஆனால், அவரது கணவர் தனுஷ் மட்டும் அதில் மிஸ்ஸிங்.
Happpy birthday my life 💜💜💜#superstar #Thalaivar #MyFather https://t.co/3fJgj83aCv
— soundarya rajnikanth (@soundaryaarajni) December 13, 2021
உண்மையில் அப்போது அது பெரிதாக தெரியவில்லை. காரணம், தனுஷ் ஒரு நடிகர் என்பதால், அவர் ஏதாவது சூட்டிங் சென்றிருக்கலாம் என்றே அப்போது புரிந்துகொள்ளப்பட்டது. ஆனால், இப்போது தான் புரிகிறது, அந்த பிரச்சனையின் வீரியம் இருந்திருக்கிறது. ஐஸ்வர்யாவை பார்ப்பதை தவிர்க்க, தனுஷ் அந்த விழாவில் பங்கேற்கவில்லை என்பதை புரிந்து கொள்ள முடிகிறது. அதன் பின் விரிசல் பெரிதாகி, ஜனவரி 17 ம் தேதி பிரியும் முடிவை தனுஷ் மற்றும் ஐஸ்வர்யா இருவரும் சோ்ந்து எடுத்து அறிவித்துள்ளனர். அந்த வகையில், இந்த விவகாரத்தில் ரஜினி குடும்பத்தின் மீதும் தனுஷிற்கு வருத்தம் இருப்பதாக கூறப்படுகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
