Dec 12 Ott Release : டிசம்பர் 12 ஆம் தேதி ஓடிடியில் வெளியாகும் படங்கள் மற்றும் தொடர்கள்..அனைத்து மொழிகளிலும்

Dec 12 Ott Release : டிசம்பர் 12 ஆம் தேதி வெவ்வேறு மொழிகளில் ஓடிடியில் வெளியாக இருக்கும் திரைப்படங்கள் , வெப் சீரிஸ் மற்றும் ஆவணப்படங்களின் லிஸ்ட் இதோ

Written By : ராகேஷ் தாரா | Updated at : 11 Dec 2025 04:44 PM (IST)

December 12 ott release movies web series and documentaries in all language Dec 12 Ott Release : டிசம்பர் 12 ஆம் தேதி ஓடிடியில் வெளியாகும் படங்கள் மற்றும் தொடர்கள்..அனைத்து மொழிகளிலும்

டிசம்பர் 12 ஓடிடியில் வெளியாகும் படங்கள்

Source : x

நாளை டிசம்பர் 12 ஆம் தேதி ஓடிடியில் 30 க்கும் மேற்பட்ட திரைப்படங்கள் மற்றும் வெப் சீரீஸ் மற்றும் ஆவணப்படங்கள் ஓடிடி தளங்களில் வெளியாக இருக்கின்றன. தமிழ் , இந்தி , மலையாளம் , தெலுங்கு , ஆங்கிலம் மற்றும் பிற மொழிகளில் வெளியாக இருக்கும் படங்களைப் பற்றிய முழு லிஸ்ட் இதோ

காந்தா (தமிழ்) - நெட்ஃப்ளிக்ஸ்

துல்கர் சல்மான் , சமுத்திரகனி , ரானா டகுபதி ஆகியோர் நடித்து கடந்த மாதம் வெளியான திரைப்படம் காந்தா. செல்வமணி செல்வராஜ் இப்படத்தை இயக்கியுள்ளார். திரையரங்கில் கலவையான விமர்சனங்களைப் பெற்றாலும் விமர்சகர்களிடையே பாராட்டுக்களை பெற்றது காந்தா திரைப்படம். டிசம்பர் 12 ஆம் தேதி நெட்ஃப்ளிக்ஸ் தளத்தில் வெளியாக இருக்கிறது.

ஆரோமலே (தமிழ்) - ஹாட்ஸ்டார்

சாரங் தியாகு இயக்கத்தில் கிஷன் தாஸ் , ஷிவாத்மிகா , ஹர்ஷத் கான் ஆகியோர் நடித்துள்ள ரொமாண்டிக் காமெடி திரைப்படம் ஆரோமலே. கடந்த நவம்பர் 7 ஆம் தேதி திரையரங்கில் வெளியாகி ரசிகர்களிடையே நல்ல வரவேற்பைப் பெற்றது. தற்போது டிசம்பர் 12 ஆம் தேதி ஹாட்ஸ்டாரில் வெளியாகிறது.