Samantha: வயசாகிடுச்சு.. இனிமே க்ளாமர் காலம் இல்ல.. மீண்டும் சமந்தாவை சீண்டும் தயாரிப்பாளர்

நடிகை சமந்தாவை பற்றி மீண்டும் ஒரு முறை சர்ச்சை ஏற்படுத்தும் விதமாக பேசியுள்ளார் தயாரிப்பாளர் சிட்டி பாபு.

சமந்தா

சில நாட்களுக்கு முன்பு நடிகர் சமந்தாவிற்கு தயாரிப்பாளர் சிட்டிபாபுவிற்கும் இடையில் மோதல் ஏற்பட்டது. அதனைத் தொடர்ந்து தற்போது மீண்டும் சமந்தா குறித்து சர்ச்சைக்குரிய கருத்துத் தெரிவித்துள்ளார் சிட்டிபாபு. இதனால் சமந்தா ரசிகர்கள் மிகவும் கோபமடைந்துள்ளனர்.

சில நாட்களுக்கு முன் தயாரிப்பாளர் சிட்டிபாபு சமந்தாவைப் பற்றி பேசிய கருத்து மிகவும் சர்ச்சைக்கு உள்ளானது. சாகுந்தலம் படத்தில் நடிப்பதற்கு தகுதியான நபர் சமந்த இல்லை. அவருக்கு வயதாகிவிட்டது என சிட்டி பாபு கருத்து தெரிவித்தார். மேலும் தனது படங்களின் விளம்பரத்திற்காக சமந்தா மிக கீழ்த்தரமான யுக்திகளை கையாள்வார் எனவும், தனது விவாகரத்திற்கு பின் அவர் நடித்த ஊ சொல்றியா மாமா பாடல் வேறு வழியில்லாமல் அவர் தன் பிழைப்பிற்காக செய்ததாகவும் பேசினார்.

சமந்தா தனது சோகக்கதைகளை சொல்லி அனுதாபம் எதிர்பார்ப்பவர் என்றும் சிட்டி பாபு தெரிவித்தார். சிட்டி பாபுவின் இந்த கருத்தால் சமந்தாவின் ரசிகர்கள் மிகவும் கோபத்தில் இணையத்தில் அவரை கடுமையாக தாக்கத் தொடங்கினர்.

சமந்தாவின் அதிரடி பதிலடி

அப்படியான சமயத்தில் சமந்தா தந்து இன்ஸ்டா பக்கத்தில் ஸ்க்ரீன்ஷாட் ஒன்றை பதிவேற்றினார். அதில் அவர் ”காதுகளில் முடி வளர்வதற்கு என்ன காரணம்” என கூகுளில் தேடியிருந்ததையும் அதற்கான பதிலாக ” அதிகளவிலான டெஸ்டாஸ்டெரோன் இருந்தால், காதுகளில் முடி வளருவதற்கான முக்கிய காரணம்“ எனும் ஸ்க்ரீன்ஷாட்டை பதிவேற்றிருந்தார் சமந்தா. இதனைக் கண்ட அவரது ரசிகர்கள் உடனே அது சிட்டிபாபுவைதான் குறிக்கிறது என புரிந்துகொண்டனர். சமந்தாவின் இந்த பதில் இணையதளத்தில் மிகவும் வைரலானது. அவரது ரசிகர்களால் மிகவும் ரசிக்கப்பட்டது. ஆணாதிக்க சிந்தனையை சமந்தா அடித்து புரட்டி எடுக்கிறார் என ரசிக்கப்பட்டது.

மீண்டும் சிட்டிபாபுவின் கருத்து

தற்போது சிட்டி பாபு சமந்தாவின் பதிவிற்கு பதிலளித்துள்ளார். ”சமந்தா எனது காதுகளில் முடி இருப்பதை கவனித்திருக்கிறார். எனது உடலில் மற்ற இடங்களிலும் கூட முடி இருக்கத்தான் செய்கிறது. சமந்தா ஒன்றும் 18-20 வயது பெண் இல்லை. அவருக்கு வயதாகிவிட்டது. இதற்கு மேல் அவர் ஸ்டார் ஹீரோயினாக நடிக்க முயற்சி செய்வதை கைவிட்டு துணை நடிகையாக நடிக்க முயற்சி செய்யலாம். சிட்டி பாபுவின் இந்த கருத்து மிகவும் சர்ச்சையை ஏற்படுத்தியுள்ளது. இதற்கு சமந்தாவின் பதில் என்னவாக இருக்கும்” என ஆவலாக ரசிகர்களால் எதிர்பார்க்கப்படுகிறது.

நடிகை சமந்தா தற்போது சிடேடல் என்கிற ஹாலிவுட் வெப் சீரிஸின் இந்திய பிரதியில் நடித்து வருகிறார். விஜய் தேவர்கொண்டாவுடன் அவர் இணைந்து நடித்துள்ள குஷி திரைப்படம் ரிலீஸுக்கு தயாராக உள்ளது. நேற்று சமந்தா தனது 36-வது பிறந்தநாளை மிக உற்சாகமாக கொண்டாடினார்,