Chiranjeevi: என்னங்க பெரிய ரஃபேல்.. ரோலக்ஸ் தெரியுமா? சிரஞ்சீவி கட்டியிருக்கும் வாட்ச்சின் மதிப்பு இவ்வளவா!

தமிழில் சில படங்கள் மட்டும் நடித்திருந்தாலும் சிரஞ்சீவிக்கென ரசிகர் பட்டாளம் தமிழ்நாட்டில் இன்றளவும் உள்ளது. 

சிரஞ்சீவி

தெலுங்கு திரையுலகின் வசூல் சக்கரவர்த்தியாக துள்ளலான நடிப்பாலும், அசத்தலான நடந்தாலும், மிரள வைக்கும் ஆக்ஷன் காட்சிகளாலும் மிகப்பெரிய ரசிகர் பட்டாளத்தை தன் பின்னால் வைத்துள்ளவர் சூப்பர் ஸ்டார் சிரஞ்சீவி. இவர் குறித்த செய்திகள் என்றாலே தெலுங்கு திரையுலகம் பரபரப்பாகி விடும். தமிழில் சில படங்கள் மட்டும் நடித்திருந்தாலும் சிரஞ்சீவிக்கென ரசிகர் பட்டாளம் தமிழ்நாட்டில் இன்றளவும் உள்ளது. 

சமீபத்தில் இவர் குறித்து வைரலாகி வரும் செய்தி அனைவரையும் திக்குமுக்காடச் செய்துள்ளது. அதாவது கடந்த சில தினங்களுக்கு முன்னர் வட இந்தியாவில் பிரபலமாகவும் தென்னிந்தியாவில் ஓரு சில இடங்களிலும் கொண்டாடப்பட்ட ரக்‌ஷா பந்தன் தினத்தன்று மெகா ஸ்டார் சிரஞ்சீவிக்கு பலர் ராக்கி கயிறு கட்டினர். இது குறித்த புகைப்படங்கள் இணையத்தில் வைரலானது. இந்த புகைப்படத்தை மைய்யப்படுத்திய செய்திதான் அனைவரையும் திக்குமுக்காடச் செய்துள்ளது. 

அதாவது அந்த புகைப்படத்தில் நடிகர் சிரஞ்சீவி கையில் கட்டியுள்ள கடிகாரத்தின் விலை குறித்த உரையாடல்கள் தான் அது. அதாவது அந்த புகைப்படத்தில் தெரியும் கை கடிகாரத்தினை பார்க்கும்போது அது ரோலக்ஸ் வாட்ச் என்றும் அது இன்றைய இந்திய மதிப்பில் கிட்டத்தட்ட 2 கோடி ரூபாய் விலை எனவும் அவரது ரசிகர்கள் கூறி சமூக வலைதளத்தினை நிரப்பி வருகின்றனர். அதாவது இந்த வாட்ச்சின் விலை 1.94 கோடி ரூபாய் ஆகும். 

அரசியல் பிரவேசம் :

2007ம் ஆண்டு வெளியான "சங்கர் தாதா ஜிந்தாபாத்" திரைப்படத்திற்கு பிறகு முழுமையாக அரசியலில் குதித்த சிரஞ்சீவி சினிமாவில் இருந்து விலகினார். தற்போது மீண்டும் நடிப்பில் ரீ என்ட்ரி கொடுத்துள்ளார். சமீபத்தில் அவர் நடிப்பில் போலா ஷங்கர் படம் வெளியாகியிருந்தது. மகன் ராம் சரண் நடிக்கும் "புரூஸ் லீ" படத்தில் கேமியோ கதாபாத்திரத்தில் நடிக்க உள்ளார். மீண்டும் அவர் நடிப்பில் ரீ என்ட்ரி கொடுத்துள்ளதால் அவரின் ரசிகர்கள் பேரானந்தத்தில் உள்ளனர். 

மலையாள லூசிஃபர் ரீமேக்

மலையாள சூப்பர் ஸ்டார் மோகன்லால் நடிப்பில் பிரபல நடிகர் பிரித்விராஜ் இயக்கத்தில் கடந்த 2019ஆம் ஆண்டு வெளியான படம் லூசிஃபர். மோகன்லால் தவிர்த்து டோவினோ தாமஸ், மஞ்சு வாரியர், விவெக் ஓபராய் என பெரும் நடிகர் பட்டாளமே நடித்திருந்த இப்படம் பொலிடிக்கல் த்ரில்லர் பாணி படமாகும்.

மலையாளத்தில் வெளியாகி பெரும் வெற்றி பெற்ற இப்படம் தெலுங்கில் நடிகர் சிரஞ்சீவி நடிப்பில் பிரபல இயக்குநர் மோகன் ராஜா இயக்கத்தில் படமாக்கப்பட்டு வந்தது.

காட்ஃபாதர் ஃபர்ஸ்ட் லுக்

நயன்தாரா இப்படத்தில் கதாநாயகியாக நடித்துள்ள நிலையில், திருமணத்துக்குப் பிறகு அவரது நடிப்பில் உருவாகியுள்ள முக்கியமான படமாக காட்ஃபாதர் இருக்கும் என கூறப்படுகிறது. தமன் இசையமைத்துள்ள இப்படத்தை ஆர்.பி. சௌத்ரி, சூப்பர் குட் பிலிம்ஸ் நிறுவனத்துடன் இணைந்து தயாரித்துள்ளார்.