![ABP Premium](https://cdn.abplive.com/imagebank/Premium-ad-Icon.png)
Brahmastra in OTT : ஓடிடியில் வெளியாக தயாரான பிரம்மாஸ்திரா... தேதியை அறிவித்த படக்குழு
பாக்ஸ் ஆபிஸில் வெற்றி பெற்ற "பிரம்மாஸ்திரா" திரைப்படம் அக்டோபர் 23ம் தேதி முதல் டிஸ்னி பிளஸ் ஹாட்ஸ்டாரில் வெளியாகவுள்ளது.
![Brahmastra in OTT : ஓடிடியில் வெளியாக தயாரான பிரம்மாஸ்திரா... தேதியை அறிவித்த படக்குழு Brahmastra is ready to be released in OTT from October 23 in Disney Plus Hotstar Brahmastra in OTT : ஓடிடியில் வெளியாக தயாரான பிரம்மாஸ்திரா... தேதியை அறிவித்த படக்குழு](https://feeds.abplive.com/onecms/images/uploaded-images/2022/10/20/86623ab2c1954e784f5c69b3cd3bc98a1666274152628224_original.jpg?impolicy=abp_cdn&imwidth=1200&height=675)
மிகுந்த எதிர்பார்ப்புக்கு மத்தியில் வெளியான "பிரம்மாஸ்திரா" திரைப்படம் ஓடிடி தளத்தில் வெளியாக தயாராகிவிட்டது. இது குறித்த அதிகாரபூர்வமான தகவலை தற்போது வெளியிட்டுள்ளனர் படக்குழுவினர்.
எதிர்பார்ப்புக்கு மத்தியில் வெளியான படம் :
அயன் முகர்ஜி இயக்கத்தில் பெரும் எதிர்பார்ப்புக்கு மத்தியில் செப்டம்பர் 9ம் தேதி திரையரங்குகளில் வெளியான "பிரம்மாஸ்திரா" திரைப்படம் ரசிகர்கள் மத்தியில் கலவையான விமர்சனங்களை பெற்றது. அமிதாப் பச்சன், ரன்பீர் கபூர், ஆலியா பட், நாகார்ஜுனா, மௌனி ராய், சிறப்பு தோற்றத்தில் ஷாருக்கான் உள்ளிட்ட பலரும் “பிரம்மாஸ்திரா” திரைப்படத்தில் நடித்திருந்தனர்.
பாக்ஸ் ஆபிஸில் வெற்றி பெற்ற முதல் ஹிந்தி படம் :
ஏற்கனவே பாலிவுட் படங்கள் புறக்கணிப்பு கலாச்சாரம் ஒருபுறம் இருக்க, மறுபுறம் பெரிய ஹீரோக்களின் படங்களும் தோல்வி என பாலிவுட் திரையுலகையே அதிர்ச்சியில் உறைய வைத்துள்ளது. அந்த சமயத்தில் அதிகமான பொருட்செலவில் எடுக்கப்பட்ட படம் "பிரம்மாஸ்திரா" என்பதால் இதன் மீது மிகுந்த எதிர்பார்ப்பு இருந்தது. பான் இந்திய திரைப்படமாக உலக அளவில் வெளியான இப்படம் 430 கோடிக்கும் மேல் வசூலித்துள்ளது. இந்த ஆண்டு வெளியான பாலிவூட் திரைப்படங்களில் அதிக அளவில் வசூலை ஈட்டியதில் முதல் இடத்தில் உள்ளது "பிரம்மாஸ்திரா" திரைப்படம் என்பது குறிப்பிடத்தக்கது.
Top Indian worldwide grossers of 2022: #KGF2, #RRR, and #PS1 grab the Top 3 spots; #Brahmastra only Bollywood movie in Top 5 https://t.co/snnevztQVM
— BollyHungama (@Bollyhungama) October 20, 2022
ஓடிடியில் வெளியாக தயார் :
பாக்ஸ் ஆபிஸில் வெற்றி பெற்ற "பிரம்மாஸ்திரா" திரைப்படம் தற்போது ஓடிடி தளத்தில் வெளியாக தயாராகிவிட்டது. இது குறித்த தகவலை தற்போது பிரம்மாஸ்திரா படக்குழுவினர் வெளியிட்டுள்ளனர். அக்டோபர் 23ம் தேதி முதல் டிஸ்னி பிளஸ் ஹாட்ஸ்டாரில் வெளியாகவுள்ளது "பிரம்மாஸ்திரா" திரைப்படம் என்ற அறிவிப்பு வெளியாகியுள்ளது.
#RanbirKapoor's #Brahmastra to premiere on OTT on Oct 23: Reportshttps://t.co/YOWS6RYGNd
— India Today Showbiz (@Showbiz_IT) October 18, 2022
பிரம்மாஸ்திரா 2 :
அதிரடி அட்வென்சர் திரைப்படமான பிரம்மாஸ்திரா படத்தின் ஹீரோ ரன்பீர் கபூரை சுற்றி நகர்கிறது. படத்தின் ஹீரோயின் ஆலியா பாட் தனது கணவர் ரன்பீர் கபூருடன் இணைந்து நடித்துள்ள முதல் திரைப்படம் இதுவாகவும். இப்படத்தின் வெற்றியை தொடர்ந்து பிரம்மாஸ்திரா 2 : தேவ் படம் குறித்த தகவல் வெளியாகியுள்ளது. இப்படத்தில் ரன்வீர் சிங்க் நடிக்கவுள்ளார் எனும் தகவல் வெளியாகியுள்ளது. ஆனால் இது குறித்த அதிகாரப்பூர்வமான தகவல் வெளியாகவில்லை.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)