Watch Video | கண்ணீர் விட்ட ஜூலி.. அப்படி என்னப்பா சொன்னீங்க? வைரலாகும் அல்டிமேட் ப்ரோமா..

விஜய் டிவியில் சூப்பர் சிங்கர், கலக்கப்போவது யாரு, குக் வித் கோமாளி, ஸ்டார்ட் மியுசிக், பிக்பாஸ் போன்றவைகள் மக்களின் பிரபலமாகியதோடு பல்வேறு சீசன்களாக வந்து பார்வையாளர்களைக் கவர்ந்துவருகின்றனர்.

பிபி அல்டிமேட்டில் கண்ணீர்விடும் ஜூலி!

பிக்பாஸ் அல்டிமேட் நிகழ்ச்சியில் சக போட்டியாளர்களின் கேரக்டர் குறித்து பேசும் டாஸ்கின்போது, ஜூலி கண்ணீர் விட்டு அழும் வகையில் வெளியான ப்ரோமா இணையத்தில் வைரலாகிறது. அப்படி என்ன தான் சொல்லியிருப்பார்கள்? என தெரிந்துகொள்வதில் ரசிகர்கள் ஆர்வம் காட்டிவருகின்றனர்.

விஜய் டிவியில் ஒளிப்பரப்பாகும் ரியாலிட்டி ஷோக்களைப்பார்ப்பதற்கே ஒரு ரசிகர்கள் கூட்டம் உள்ளது. அதற்றே்றால் போல் தங்களது பார்வையாளர்களைத் தக்க வைத்துக்கொள்வதற்காக புது புது விதமான ரியாலிட்டி ஷோக்களை நடத்திவருகின்றனர். இதோடு மக்கள் மனதைக்கொள்ளையடிக்கும் பல ரியாலிட்டி ஷோக்களை சீசன்1, சீசன் 2 என வரிசையாக நடத்திவருகின்றனர். குறிப்பாக சூப்பர் சிங்கர், கலக்கப்போவது யாரு, குக் வித் கோமாளி, ஸ்டார்ட் மியுசிக், பிக்பாஸ் போன்றவைகள் மக்களின் பிரபலமாகியதோடு பல்வேறு சீசன்களாக வந்து பார்வையாளர்களைக் கவர்ந்துவருகின்றனர்.

இந்த வரிசையில் மக்களிடம் மிகவும் பிரபலமாக ஒரு ரியாலிட்டி ஷோதான் பிக்பாஸ். சமீபத்தில் சீசன் 5 முடிவடைந்த நிலையில், ரசிகர்களின் எதிர்ப்பார்ப்பை நிவர்த்தி செய்யும் விதமாக 24 மணி நேரமும் ஒளிப்பரப்பாகும் பிக்பாஸ் அல்டிமேட் நிகழ்ச்சி ஒளிப்பரப்பாகிவருகிறது. இதில் கடந்த 5 சீசன்களில் கலந்துகொண்ட போட்டியாளர்கள் கலந்துகொண்டுள்ளனர். குறிப்பாக சண்டை, சச்சரவுகளுக்கு பஞ்சமே இல்லாத பல போட்டியாளர்கள் களம் கண்டுள்ள நிலையில் அதற்கேற்றால் போல் தான் பிக்பாஸ் நிகழ்ச்சி நகர்ந்துகொண்டிருக்கிறது.

இதோடு கடந்த சீசன்களில் மக்களிடம் நன்மதிப்பைப்பெற்றவர்கள், இந்த சீசனில் இதனை தக்க வைத்துக்கொள்ள வேண்டும் என்பதற்காக கடுமையாக விளையாடிவருகின்றனர். மேலும் ஒவ்வொரு டாஸ்கிலும் போட்டி போட்டிக்கொண்டு விளையாடுவது ரசிகர்களை கவர்ந்துள்ளது. தற்போது பிக்பாஸ் அல்டிமேட் நிகழ்ச்சி முதல் வாரத்தைக் கடந்துள்ள நிலையில், புது விதமான டாஸ்க் ஒன்றை பிக்பாஸ் அறிமுகம் செய்துள்ளது.  அதன்படி, “உம் சொல்றியா அல்லது ஊகும் சொல்றியா“ என்ற டாஸ்கில் பிபி அல்டிமேட்டில் உள்ள போட்டியாளர்கள் ஒவ்வொருவரும் தங்களுக்கு பிடித்த சக போட்டியாளர்களின் பிடித்த மற்றம் பிடிக்காத கேரக்டர்கள் குறித்து கூறிவருகின்றனர். இதனால் பலர் வருத்தமடையும் நிகழ்வும் பிக்பாஸ் வீட்டிற்குள் ஏற்பட்டுவருகிறது.

குறிப்பாக இந்த சீசனில் முதல் வாரத்திலேயே வெளியேறினார் சுரேஷ் சக்ரவர்த்தி. அப்போது அனிதா சம்பத் நீதி வென்றது என்று கூறியது போட்டியாளர்களுக்குப் பிடிக்காமலும், இதற்கு பாலாஜி முருகதாஸ் இப்படி கூறுவது தவறு எனவும் சுட்டிக்காட்டினார். ஆனால் அனிதா, எப்போதும் கூறுவதுபோல எனக்கு மனதில் பட்டதை நான் கூறுகிறேன் என்று விடாப்பிடியாக பேச ஆரம்பித்தார். இந்த சூழலில்தான் தற்போது பிபி அல்டிமேட்டின் புதிய ப்ரோமோ வெளியாகி ரசிகர்களை என்ன ஆச்சு என கேள்விகளை கேட்கவைத்துள்ளது.

ஆம் இந்த ப்ரோமோவில், சக போட்டியாளர்களின் கேரக்டர் குறித்து பற்றி கூறும் டாஸ்கில், வனிதா அக்கா, ஜுலியைப் பற்றி பேசியுள்ளார். அதில் நீ நீயாக இருந்தால் மக்கள் உன்னைப் புரிந்துக்கொள்வார்கள் என்று கூறியுள்ளார். இது மட்டுமின்றி மற்ற போட்டியாளர்கள் ஜூலியின் கேரக்டர் குறித்து பேச, நான் என்ன செய்தேன்?என்னை மட்டும் அப்படி பேசுகிறார்கள் என ஜூலி கண்ணீர் விட்டு அழுகிறார்.அப்போது தாமரைச்செல்வி அழாதே என்று கூறுவதுபோல் கட்டியணைத்துக்கொள்கிறார். இந்த ப்ரோமோ வீடியோவைப் பார்த்த ரசிகர்கள் அப்படி என்னப்பா நடந்தது? என்ன சொன்னீங்க? என கேள்விகளோடு தெரிந்துக்கொள்வதில் ஆர்வம் காட்டிவருகின்றனர்.