Bigg Boss Ultimate: கண்ணுல வெறி.. நீலாம்பரியாக மாறிய வனிதா! இனிதான் சம்பவம் ! பிக்பாஸ் அல்டிமேட் அப்டேட்!
BiggBossUltimate க்குள் செல்லும் நபரை விஜய் டிவி அறிவித்து வருகிறது. அதன்படி இன்று 3வது நபராக வனிதா உள்ளே செல்லவுள்ளார்.
பிக்பாஸ் தமிழ் 5 நிகழ்ச்சி கடந்த வாரம் முடிவடைந்த நிலையில், பிக்பாஸ் தயாரிப்பாளர்கள் புது முயற்சியாக பிக்பாஸுக்கென்று பிரத்யேக OTT தளத்தை தொடங்கி உள்ளனர். 13 போட்டியாளர்களுடன் 42 நாட்களுக்கு தொகுத்து வழங்கும் வகையில், இந்த நிகழ்ச்சியை மறுவடிவமைக்கும் பணியில் நிகழ்ச்சி ஏற்பாட்டாளர்கள் ஈடுபட்டுள்ளதாகவும் தகவல்கள் தெரிவிக்கின்றன.
இந்த புதிய நிகழ்ச்சியில் பிக்பாஸில் டைட்டில் வெற்றியாளர்களைத் தவிர அனைத்து பிக்பாஸ் சீசன் போட்டியாளர்களும் பங்கேற்பார்கள் என்றும் கூறப்பட்டுள்ளது. இந்தநிலையில், டிஸ்னி பிளஸ் ஹாட்ஸ்டார் ஓடிடி தளம் போன்று பிக்பாஸுக்கென்று பிரத்யேக ஓடிடி தளம் வெளியிடப்பட்டது. பிக் பாஸ் அல்டிமேட் 24-7 பிக் பாஸ் தமிழ் OTT என்னும் பெயரில் இதற்கான லோகோவை சிவகார்த்திகேயன் இறுதிபோட்டியன்று வெளியிட்டார்.
#BBUltimate-ல் ஜுலி !! #YaaruAnthaHousemate pic.twitter.com/eLuXKUYeN2
— Disney+ Hotstar Tamil (@disneyplusHSTam) January 25, 2022
டிஸ்னி+ ஹாட்ஸ்டார் தனது முதல் OTT பிரத்தியேகமான பிக் பாஸ் தமிழ் சீசனை ஜனவரி 30 முதல் 24x7 ஸ்ட்ரீமிங் செய்கிறது. 2022 ஆம் ஆண்டு முதல், மிகப்பெரிய OTT அறிமுகத்துடன்,கமல்ஹாசன் BiggBossUltimate-ஐயும் தொகுத்து வழங்கவுள்ளார், இதை ரசிகர்கள் மேடையில் பிரத்யேகமாக பார்க்கலாம் என்றும் தெரிவிக்கப்பட்டுள்ளது.
இந்நிலையில் BiggBossUltimate க்குள் செல்லும் நபரை விஜய் டிவி அறிவித்து வருகிறது. அதன்படி இன்று 3வது நபராக வனிதா உள்ளே செல்லவுள்ளார். இது தொடர்பான டீசரையும் வெளியிட்டுள்ளது. அதில் நீலம்பாரியாக வனிதா, தான் வெளியேறிய காட்சியை பார்த்துக்கொண்டிருக்கிறார். பிக்பாஸ்க்குள் வரச் சொல்லுமாறு ஆடியோ கேட்கவே, மூக்குத்தி அணிந்துகொண்டு திரும்ப வந்துட்டேனு சொல்லு.. இனிதான் சம்பவம் எனக் கூறிக்கொண்டே நடையைக் கட்டுகிறார். ஏற்கெனவே சினேகன், ஜூலி ஆகியோர் பெயர் அறிவிக்கப்பட்டுள்ள நிலையில் தற்போது வனிதாவும் உள்ளே செல்லவுள்ளார்.
#BBUltimate-ல் வனிதா !! #YaaruAnthaHousemate pic.twitter.com/7yMd90d6tu
— Disney+ Hotstar Tamil (@disneyplusHSTam) January 26, 2022
அடுத்தடுத்து யார்..யாரெல்லாம் வருவார்கள் என்ற எதிர்பார்ப்பில் ரசிகர்கள் இருக்கின்றனர்.
இந்த நிகழ்ச்சியில் 24 மணிநேரமும் இனி பிக்பாஸ் வீட்டிற்குள் நடப்பதை கண்டுகளிக்கலாம் என்பதால் ரசிகர்கள் பலரும் உற்சாகம் அடைந்துள்ளனர். மேலும் இனி வரும் நாட்களில் அடுத்த போட்டியாளர்கள் யார் யார் என்பது தொடர்பான அதிகாரப்பூர்வ அறிவிப்பு வெளியாகும் என்ற நம்பிக்கையுடன் ரசிகர்கள் காத்திருக்கின்றனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
