Bigg Boss 7 Tamil: பிக்பாஸ் வீட்டில் இருந்து வெளியேறிய சரவண விக்ரம் வாங்கிய மொத்த சம்பளம் இவ்வளவா!

Bigg boss 7 tamil : பிக் பாஸ் சீசன் 7 நிகழ்ச்சியிலிருந்து இந்த வாரம் வெளியேற்றப்பட்ட 'பாண்டியன் ஸ்டோர்ஸ்' புகழ் சரவண விக்ரம் ஒரு நாள் சம்பளம் குறித்த விவரம் வெளியாகி உள்ளது.

சரவண விக்ரம்

சின்னத்திரையில் ஒளிபரப்பாகும் ரியாலிட்டி ஷோக்களில் மிகவும் பிரபலமான நிகழ்ச்சி பிக்பாஸ் நிகழ்ச்சி. கடந்த ஆறு சீசன்களாக வெற்றிகரமாக ஒளிபரப்பான இந்த நிகழ்ச்சியின் ஏழாவது சீசன் தற்போது ஒளிபரப்பாகி வருகிறது. இறுதிக்கட்டத்தை நெருங்கி வரும் இந்த நிகழ்ச்சின் 84ஆவது நாளுக்கான இன்றைய எபிசோட் ஒளிபரப்பாக உள்ளது. 

 

 

'பாண்டியன் ஸ்டோர்ஸ்' கண்ணன் :

இந்த பிக்பாஸ் நிகழ்ச்சியின் ஒரு போட்டியாளராக என்ட்ரி கொடுத்து இருந்தார் மிகவும் பிரபலமான தொடரான 'பாண்டியன் ஸ்டோர்ஸ்' தொடரில் கடைக்குட்டி தம்பியாக கண்ணன் என்ற கேரக்டரில் நடித்திருந்த சரவண விக்ரம். நடிப்பின் மீது மிகுந்த ஆர்வம் கொண்டு இருந்ததால் முன்னணி நடிகர்களின் வசனங்களை ரீ-கிரியேட் செய்து வெளியிட்டு வந்தார். அது மக்கள் மத்தியில் நல்ல வரவேற்பைப் பெற்றது. அதன் மூலம் தான் சரவண விக்ரமுக்கு 'பாண்டியன் ஸ்டோர்ஸ்' சீரியலில் நடிக்க வாய்ப்பு கிடைத்தது. 

பிக்பாஸ் வீட்டில் சரவண விக்ரம் பெரிய அளவுக்கு அவரை வெளிப்படுத்தவில்லை என்பது தான் அவர் மீது முன் வைக்கப்படும் விமர்சனம். ஒரு வாரம் கேப்டனாக இருந்த போது அவரின் நிர்வாகம் சரியில்லை என பல குற்றச்சாட்டுகள் எழுந்தன. படிப்படியாக விக்ரமுக்கு மக்கள் கொடுத்து வந்த ஆதரவும் குறைய துவங்கியது. 

இந்த வார எவிக்ஷன் :

கடந்த வாரம் மிட் வீக் எவிக்ஷனில் அனன்யா ராவ் வெளியேற வார இறுதியில் கூல் சுரேஷ் வெளியேறினார். தற்போது பிக்பாஸ் வீட்டில் 11 போட்டியாளர்கள் இருக்கும் நிலையில் இந்த வார எவிக்ஷனில் சரவணா விக்ரம் வெளியேற்றப்பட்டுள்ளார். 

 

ஒரு நாள் சம்பளம் :

இந்நிலையில் பிக் பாஸ்வீட்டில் 80 நாட்களும் மேலாக சரவண விக்ரம் தாக்குபிடித்துள்ளார். பிக்பாஸ் வீட்டுக்குள் இருக்கும் ஒவ்வொரு போட்டியாளரும் அவர்கள் எத்தனை நாட்கள் வீட்டுக்குள் இருக்கிறார்களோ அதற்கு ஏற்றார் போல் சம்பளம் வழங்கப்படும். அந்த வகையில் சரவண விக்ரமுக்கு ஒரு நாள் சம்பளமாக 18 ஆயிரம் வழங்கப்பட்டுள்ளது எனக் கூறப்படுகிறது. அந்த வகையில் அவர் இருந்த 80 நாட்களுக்கு கணக்கு பார்க்கும் போது 14 லட்சத்துக்கும் மேல் சம்பாதித்துள்ளார் எனத் தகவல்கள் தெரிவிக்கின்றன.  

தற்போது விசித்திரா, மாயா, பூர்ணிமா, ரவீனா, மணி, நிக்சன், அர்ச்சனா, தினேஷ், விஜய் வர்மா,  விஷ்ணு உள்ளிட்ட போட்டியாளர்கள் வீட்டுக்குள் இருக்கிறார்கள். இறுதிப் போட்டிக்கு ஐந்து போட்டியாளர்கள் மட்டுமே செல்வார்கள் என்பதால் போட்டி கடுமையாக இருக்கும் என்றும் ஒவ்வொரு வாரமும் இரண்டு எவிக்ஷன் இருக்கும் என எதிர்பார்க்கப்படுகிறது. 

இறுதிப் போட்டிக்கு யாரெல்லாம் தகுதி பெறுவார்கள், அதில் யார் டைட்டில் வின்னராக வெற்றி பெறுவார்கள் என்ற எதிர்பார்ப்பு ரசிகர்கள் மத்தியில் எழுந்துள்ளது.