Bigg Boss 5 | பிக்பாஸ் சீசன் 5ல் சுனிதா, பிரியங்கா இருக்காங்களா? ஆர்ப்பரிக்கும் ரசிகர்கள்

பிக்பாஸ் சீசன் 5 நிகழ்ச்சியில் சுனிதா, பிரியங்கா என சேனலின் பிரபலங்களும் பங்கேற்க இருப்பதாகத் தகவல் வெளியாகியுள்ளது.

சுனிதா

பிக்பாஸ் சீசன் 5 நிகழ்ச்சியில் சுனிதா, பிரியங்கா என சேனலின் பிரபலங்களும் பங்கேற்க இருப்பதாகத் தகவல் வெளியாகியுள்ளது.

விஜய் டிவியில் கமல்ஹாசன் தொகுத்து வழங்கும் பிக்பாஸ் சீசன் 5 களைகட்டத் தொடங்கியுள்ளது. இதில் விஜய் டிவி புகழ் சுனிதா இடம்பெறுவதாக நெட்டிசன்கள் கூறுகின்றனர்.

சுனிதா, அசாம் பெண். விஜய் டிவியில் ஒளிபரப்பான ஜோடி நம்பர் 1 நான்காவது சீசன் மூலமாகத்தான் அவர் சின்னத்திரையில் அறிமுகமானார். அந்த சீசனில் இவர் கான் என்பவருடன் கூட ஜோடி போட்டு மேடையில் மிளிர்ந்தார். இந்த ஜோடி டாப் 4 வரை முன்னேறியது. அதற்குப் பிறகு ஜோடி நம்பர் 1 சீசன் 7ல் சின்னத்திரை நடிகர் யோகேஷ் உடன் கலந்து கொண்டார். அந்த சீசனில் சுனிதா - யோகேஷ் ஜோடி 2-வது பரிசையும் பெற்றிருந்தது. சுனிதா நல்ல டான்ஸர். கூடவே அவர் பேசும் தமிழ் ரசிகர்களைக் கவர்ந்தது. விஜய் டிவியின் புகழின் உச்சிக்குச் சென்ற சுனிதா குக் வித் கோமாளி நிகழ்ச்சியில் கலந்துகொண்டார். குக் வித் கோமாளி நிகழ்ச்சியில் அவர் அடித்தக் கும்மாளம் அவருடைய நகைச்சுவை உணர்வையும் வெளிப்படுத்தியது. இந்நிலையில் அவர் பிக்பாஸ் நிகழ்ச்சியில் பங்கேற்கலாம் என்று கூறப்படுவதால் ரசிகர்கள் குஷியாகி உள்ளனர். சுனிதாவால் பிக்பாஸ் அரங்கம் களைகட்டும் என அவர் நம்புகின்றனர்.

சுனிதா வரவையே சூப்பர் என்று கொண்டாடும் ரசிகர்கள் கூடவே சூப்பர் சிங்கர் புகழ் பிரியங்கா வந்தால் சூப்பர் டூப்பர் என்று கொண்டாடுவார்கள் தானே. ஆமாம் பிக்பாஸ் 5 நிகழ்ச்சியில் பிரியங்காவும் கலந்து கொள்ளவிருப்பதாக தகவல்கள் வெளியாகியுள்ளன. சூப்பர் சிங்கர் நிகழ்ச்சியில் மாகப ஆனந்துடன் பயணிக்கும் பிரியங்கா தனது டைமிங், ரைமிங் காமெடியால் செட்டை களகளப்பாக வைத்திருப்பார். கன்டஸ்டன்ட் முதல் ஜட்ஜஸ் வரை யார் கேலி செய்தாலும் சமாளித்து சிரிப்பை மட்டுமே தாங்கி நிற்பார். பிரியங்கா பாடி ஷேமிங்கை தாமாகவே முன்வந்து ஏற்றுக் கொள்கிறாரே என்ற விமர்சனங்கள் எல்லாம் இருந்தாலும் கூட ஸ்கீர்ன் பிரசன்ஸை உறுதி செய்யும் பெஸ்ட் ஆஃப் பெஸ்ட் ஆன்கர் என்ற பெருமையை அவர் பெற்றிருக்கிறார். 

பிக்பாஸ் நிகழ்ச்சி குழு தரப்பிலிருந்து இன்னும் சுனிதா, பிரியங்கா பங்கேற்பதை அதிகாரப்பூர்வமாக அறிவிக்காவிட்டாலும் கூட வாத்தியாரே பிக்பாஸ் சீசன் 5ல் சுனிதா, பிரியங்கா இருக்காங்களா என்று மீம்ஸ் போட்டு கொண்டாடும் மனநிலைக்கு வந்துவிட்டனர்.