Bigg Boss: அதுக்குள்ளயா..! முதல் நாளே பிக்பாஸ் வீட்டில் இருந்து விரட்டப்பட்ட பிரசாந்த்? நடந்தது என்ன?

Bigg Boss 10: பிக்பாஸ் 10 சீசன் தொடங்கப்பட்ட முதல் நாளே போட்டியாளராக பங்கேற்ற பிரசாந்த் வெளியேற்றப்பட்டுள்ளார்.

பிரசாந்த்

Source : twitter

தமிழில் ஒளிபரப்பாகும் பிரபலமான தொலைக்காட்சியான விஜய் தொலைக்காட்சி. இந்த தொலைக்காட்சியில் ஒளிபரப்பாகும் பிக்பாஸ் ரியாலிட்டி ஷோ-விற்கு என்று தனி ரசிகர்கள் பட்டாளம் உள்ளனர். 

பிக்பாஸ் 10வது சீசன்:

பிக்பாஸ் நிகழ்ச்சியின் 10வது சீசன் நாளை தொடங்குகிறது. பொதுவாக் பிக்பாஸ் நிகழ்ச்சி தொலைக்காட்சியில் ஒளிபரப்பாவதற்கு முதல் நாளே தொடங்கிவிடும். அதன்படி, இன்று பிக்பாஸ் தொடங்கியது. இதில் போட்டியாளராக பிரபல திரைப்பட விமர்சகரும், நடிகருமான பிரசாந்தும் களமிறங்கினார்.

முதல் நாளே வெளியேறினாரா பிரசாந்த்?

இன்று 3 போட்டியாளர்களில் 2 போட்டியாளர்கள் மட்டுமே உள்ளே செல்ல முடியும் என்ற நிலையில், ப்ரித்விநாத், ஜாவித் மற்றும் பிரசாந்த் இடையே இணையதளம் மூலமாக ரசிகர்கள் வாக்கெடுப்பு நடந்தது. இதில் திரைப்பட விமர்சகர் பிரசாந்தைக் காட்டிலும் ப்ரித்விநாத், ஜாவித் ஆகியோர் அதிக வாக்குகள் பெற்றதால் அவர்கள் போட்டியாளராக பிக்பாஸ் வீட்டிற்குள் நுழைந்தனர். இதனால், முதல் நாளே பிக்பாஸ் நிகழ்ச்சியில் இருந்து பிரசாந்த் வெளியேறியதாக தகவல்கள் வெளியாகியுள்ளது. 

3 Contestants were given 2 Mins to talk about a Topic. Then Audience there will vote and pick 1 among then.🫢

Models Prithvinath and Javith enters.

ItIs Prashanth loses the 3-way stage battle and is evicted.🤦‍♂️#BBTamil10 pic.twitter.com/5RIzvhGZTS

— Christopher Kanagaraj (@Chrissuccess) September 5, 2026

ஏற்கனவே ஒரு முறை பிக்பாஸின் கடந்த கால சீசனில் முதல் நாளே போட்டியில் இருந்து வெளியேற்றப்பட்ட நடிகை சச்சனா ஒரு வார காலத்திற்கு பிறகு மீண்டும் போட்டியாளராக உள்ளே சென்றார். ஒருவேளை, பிரசாந்தும் அதேபோல ஒரு வார காலத்திற்கு பிறகோ அல்லது ஓரிரு நாட்களிலே மீண்டும் போட்டியாளராக செல்வதற்கும் வாய்ப்புகள் இருப்பதாக கூறப்படுகிறது. 

இந்த சீசன் எடுபடுமா?

பிக்பாஸ் சீசனை தொடக்க காலத்தில் கமல்ஹாசன் தொகுத்து வழங்கிய நிலையில், கடந்த 2 சீசன்களாக விஜய் சேதுபதி தொகுத்து வழங்கி வருகிறார். பிக்பாஸ் நிகழ்ச்சிக்கு முன்பு இருந்தது போல ரசிகர்கள் பட்டாளம் தற்போது இல்லை என்பதால் வித்தியாசமான பாேட்டிகள், யுக்திகள் மூலமாக இந்த நிகழ்ச்சியை ரசிகர்கள் மத்தியில் கொண்டு செல்ல பிக்பாஸ் வியூகம் வகுத்து வருகிறது. இந்த சீசன் ரசிகர்கள் மத்தியில் எடுபடுமா? என்பதை பொறுத்திருந்து பார்க்க வேண்டும்.

மேலும், இந்த பிக்பாஸ் நிகழ்ச்சி ரசிகர்கள் மத்தியில் தேவையில்லாத வன்மம், கோபம், குரோதத்தை வளர்ப்பதாகவும், இதை தடை விதிக்க வேண்டும் என்றும் பலரும் வலியுறுத்தி வருகின்றனர் என்பதும் குறிப்பிடத்தக்கது.