அப்பா என தெரிந்ததும் பாரதியை ஆசையோடு சாப்பாடு ஊட்டச்சொல்லி மகிழும் லட்சுமி.. வைரலாகும் ப்ரோமோ வீடியோ!

பாரதி கண்ணம்மா சீரியலில், லட்சுமிக்கு ஆசையாய் சாப்பாடு ஊட்டும் பாரதி, தன் மகளாக ஏற்றுக்கொள்வாரா? என்பதை பொருத்திருந்து தான் பார்க்க வேண்டும்.

பாரதி கண்ணம்மா புதிய ப்ரோமோ!

 டாக்டர் பாரதி தான் தன்னுடைய அப்பா எனத்தெரிந்ததும், அவரைப் பார்ப்பதற்கு மருத்துவமனைக்கு வரும் லட்சுமி, ஆசையாய் சாப்பாடு ஊட்டுங்களேன் என்று கூறும் ப்ரோமோ வீடியோ இணையத்தில் வைரலாகி வருகிறது.

விஜய் தொலைக்காட்சியின் ஒளிப்பரப்பாகும் ஒவ்வொரு சீரியல்களுக்கும் தனி ரசிகர்கள் பட்டாளமே உள்ளது. டிஆர்பி ரேட்டிங் ஏற்ற வேண்டும் என்பதற்காக அதிரடியானக் கதைக்களத்துடன் சீரியல்கள் சமீபத்தில் ஒளிப்பரப்பாகி வருகிறது. குறிப்பாக தற்போது ரசிகர்களை சீரியல்கள் பார்க்க வைப்பதோடு, பல்வேறு கருத்துக்களையும் வெளியிடவும் வைப்பது தான் பாரதி கண்ணம்மா சீரியல். சராசரி குடும்பத்தில் பிறந்த பெண், பெரிய குடும்பத்தில் அதுவும் டாக்டரை திருமணம் செய்துக்கொள்வதால் மாமியார் வெறுப்பதாகக் கதைக்களம் நகரும். அதிலும் கருப்பான பெண் கண்ணம்மா என்பதால் அவரை மாமியார் ஏற்றுக்கொள்ளவில்லை. ஆனால்  நாளடைவில் , அவளின் நல்ல மனதைப்பார்த்து மாமியார் சௌந்தர்யாவும் மனம் மாறுகிறார். ஆனால் கதையின் டிவிட்ஸாக கண்ணம்மாவின் வயிற்றில் வளரும் குழந்தைக்குத் தான் காரணம் இல்லை என பாரதி மறுக்கவே கதைக்களம் விறுவிறுப்பாக நகர்ந்தது.

• 

இந்நிலையில் தான், கடந்த  மாதம் லட்சுமியின் அப்பா யார் என கண்ணம்மா கூறுவது போல ப்ரோமோ வெளியானது. இதனையடுத்து ரசிகர்கள்,  கண்ணம்மா சீரியலுக்கு என்ட் கார்டு போட போகுதுன்னு நினைத்தார்கள். ஆனால் அப்படி எதுவும் இல்லாமல் ரசிகர்களை ஏமாற்றியதோடு மட்டுமில்லாமல் லட்சுமியிடம் உனது அம்மா, அப்பா எல்லோரும் கண்ணம்மா தான் என கூறிவிடுகிறார். இதன் பின்னர் லட்சுமி தன்னுடைய அப்பா என யார் எனத் தெரிந்துக்கொள்வதில் ஆர்வம் காட்டினார். இதற்கான தனக்கு கிடைத்த ஆதாரத்தோடு, கண்ணம்மா என்ன சொன்னாலும், அப்பாவைத்தேடி அலைகிறார்.

தன்னிடம் இருந்த முகவரி டாக்டர் பாரதி வீடாக உள்ளதே என்ற சந்தேகத்துடன் உள்ளே செல்லும் லட்சுமி அங்கே, பாரதி அங்கிள் தான் தன்னுடைய அப்பா என்பதைத் தெரிந்துக்கொண்டார். 8 ஆண்டுகளாக தன்னுடைய அப்பா யார்? எனத் தெரியாமல் இருந்த லட்சுமி, தற்போது தெரிந்துக்கொண்ட நிலையில் அப்பா டாக்டர் பாரதியைத் தேடி, லட்சுமி மருத்துவமனைக்கு செல்வதுப்போன்று இந்த வார ப்ரோமோ  வீடியோ வெளியாகியுள்ளது.

இந்த ப்ரோமோ வீடியோவில், “ மருத்துவமனைக்கு வரும் லட்சுமியைப்பார்த்து, ஏன் ஸ்கூல்க்கு போகல எனக்கேட்கிறார்., அதற்கு லட்சுமி எனக்கு உங்க கூடவே இருக்கனும் னு தோணுது என்று தெரிவித்த நிலையில், அவரது அறைக்கு  அழைத்து செல்கிறார். அப்போது லட்சுமி பாரதியை கண் சிமிட்டாமல் பார்க்கவே ஏன் இப்படி பார்க்கிறாய் என பாரதி கேட்கிறார். சும்மா என தெரிவிக்கும் லட்சுமி, எனக்கு நீங்க சாப்பாடு  ஊட்டி விட மாட்டீங்களா? எனக் கேட்க, அதுக்கு என்ன என பாரதி சாப்பாடு ஊட்டிவிடுவதைப்போல் ப்ரோமோ முடிவடைகிறது.

 

இதனைப்பார்த்த ரசிர்கள் அப்பாடா, சீரியலுக்கு என்டுகார்டு போட்டாப்போறாங்க. என சந்தோஷத்தில் உள்ளனர். மேலும் “இந்த பொண்ணு எங்கயாவது சுத்திக்கிட்டே தான் இருக்கும் போல.... "கண்ணம்மாவேக்கே டப் குடுக்கும்"... கண்ணம்மா - travel bag லட்சுமி - school bag என்றும்  பாரதி முகத்துக்காக இந்த நாடகம் எவ்ளோ வருசம் வேன்னாலும் ஓடும் எனவும் இந்த நாடகம் முடியுறதுக்குள்ள நாம சொர்க்கத்தில் தான் இருப்போம்“ என்பது போன்ற பல்வேறு கமெண்ட்களை ரசிகர்கள் சோசியல் மீடியாவில் பகிர்ந்து வருவது குறிப்பிடத்தக்கது.