bhagyalakshmi :கோபியை கழுத்தைப் பிடித்து வெளியே தள்ளிய ராதிகா...! நிம்மதி மூச்சுவிடும் ரசிகர்கள்..!

கோபி துரோகம் செய்ததை அறிந்து மனம் உடைந்த ராதிகா கோபியை கழுத்தைப் பிடித்து வீட்டை விட்டு வெளியே தள்ளியதை கண்டு ரசிகர்கள் நிம்மதி அடைந்தனர்.

கோபி - ராதிகா

விஜய் தொலைக்காட்சியில் ஒளிபரப்பாகும் தொடர்களில் அதிக ரசிகர்களை கொண்ட தொடராக பாக்கியலட்சுமி உள்ளது. எப்போது கோபி சிக்குவார் என்று எதிர்பார்த்த ரசிகர்களுக்கு கடந்த சில எபிசோட்டுகள் வயிற்றை பாலாக்கும் எபிசோட்களாகவே உள்ளது. முதல் நாள் குடிபோதையில் பல உண்மைகளை உளறியுள்ளார்.

மறுநாள் வீட்டிற்கு சென்ற கோபி மயூவிடம் பேச முற்பட, அப்போது குறுக்கே வந்த ராதிகாவை மயூவை அடித்து வீட்டிற்கு உள்ளே அனுப்புகிறார். உங்களுக்கு என்ன வேலை இங்க? என்று கோபமாக கேட்கிறார். ஏன் எப்படி இல்லாம் பேசுற? என்று கோபி மிகவும் ஷாக்குடன் கேட்கிறார். மேலும், எதுக்கு இப்படி நடந்துக்குற? பார்ட்டியில் கொஞ்சம் அதிகமாக குடிச்சுட்டேன். நான் ஏதாவது உளறி இருந்தா மன்னிச்சுடு..!னு சொல்கிறார்.

ஆனால், மிகவும் கோபத்துடன் ராதிகா எவ்ளோ பெரிய உண்மையை என்னிடம் மறைத்துவிட்டீர்கள். டீச்சர் என்ன அவங்க கூட பொறந்தவங்களா பாக்குறாங்க.. அவங்க குடும்பத்துல இருக்குறவங்களும் என்னை அவங்க குடும்பத்துல ஒருத்தவங்களா பாக்குறாங்க.. அப்படி இருக்கும்போது என்னையே அவங்களுக்கு துரோகம் பண்ண வச்சுட்டீங்களே.. வெளிய போங்க..! என ஆவேசமாக ராதிகா பேசுகிறார்.  கோபி பேச மற்பட உங்களுக்கும் எனக்கும் இனி எந்த சம்பந்தமும் இல்லை என்று ராதிகா கூறியதுடன் கோபியை கழுத்தைப் பிடித்து வெளியே தள்ளுகிறார். இந்த காட்சியை பார்த்து ரசிகர்கள் அனைவரும் மிகுந்த ஆனந்தம் அடைந்தனர்.

பின்னர், ராதிகா வீட்டிற்கு சென்ற பாக்யாவிடம் மயூ ராதிகா அடித்த விவகாரத்தை கூறினாள். இதனால், ராதிகாவிடம் நீங்க ஏன் மயூவை அடிச்சீங்க. உங்களிடம் இதை எதிர்பார்க்கவில்லை என்கிறார். அப்போது உங்களுக்கும், நீங்க கல்யாணம் பண்ணிக்க போறவங்களுக்கும் ஏதும் பிரச்சினையா? என்று கேட்கிறார்.

அதற்கு விரக்தியுடன் பதில் சொல்லும் ராதிகா, அவருறம் என்னை ஏமாத்திட்டாரு. என்கிட்ட நிறைய பொய் சொல்லிட்டாரு. அவர் குடும்பத்தை பற்றி அவர் சொன்ன எல்லா விஷயமும் பொய்தான் என கண்கலங்குகிறார். இன்றைய எபிசோட் இத்துடன் நிறைவடைந்தது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண