Beast Trailer: நம்ம ஆட்டம் இனி வேற மாதிரி.. பீஸ்ட் ட்ரெய்லர் தேதி அறிவிப்பு! ரசிகர்கள் உற்சாகம்..
பீஸ்ட் படத்தின் ட்ரெய்லர் தேதியை வெளியிட்டுள்ளது படக்குழு
தமிழ் திரையுலகின் முன்னணி நடிகர் விஜய். மாஸ்டர் படத்தின் வெற்றிக்கு பிறகு நடிகர் விஜய், இயக்குனர் நெல்சன் இயக்கத்தில் பீஸ்ட் (Beast) படத்தில் நடித்துள்ளார். பீஸ்ட் படம் வரும் ஏப்ரல் மாதம் 13-ம் தேதி வெளியாக உள்ளது. திரையரங்குகளில் காண ரசிகர்கள் காத்திருக்கின்றனர்.
படத்தின் ப்ரொமோஷன் வேலைகளில் ஒரு பகுதியாக, முதல் பாடல் கடந்த மாதம் 14-ம் தேதி காதலர் தினத்தை முன்னிட்டு வெளியிடப்பட்டது. சிவகார்த்திகேயன் பாடல் வரிகள் எழுதி அனிருத் இசையமைத்துள்ள அரபிக்குத்து பாடல் பல மில்லியன் பார்வையாளர்களை கடந்து ஹிட் அடித்து இருக்கிறது. இந்நிலையில், படத்தின் புதிய போஸ்டர் வெளியாகி பட்டையைக் கிளப்பியது. இந்நிலையில் படத்தில் ரிலீஸ் தேதி தொடர்பான அப்டேட்டை வெளியிட்டுள்ளது தயாரிப்பு நிறுவனம். அதன்படி ஏப்ரல் 2ம் தேதி மாலை 6மணிக்கு பீஸ்ட் படத்தின் ட்ரெய்லர் வெளியாகும் என தெரிவிக்கப்பட்டுள்ளது. நம்ம ஆட்டம் இனி வேற மாதிரி என்ற தலைப்புடன் இந்த அப்டேட்டை வெளியிட்டுள்ளது.
The much-awaited #BeastTrailer is releasing on April 2nd @ 6 PM
— Sun Pictures (@sunpictures) March 30, 2022
Namma aattam inimey vera maari irukum 🔥@actorvijay @Nelsondilpkumar @anirudhofficial @hegdepooja @selvaraghavan @manojdft @Nirmalcuts @anbariv #BeastTrailerOnApril2 #BeastModeON #Beast pic.twitter.com/EtpNDVKv4L
பீஸ்ட் படம் நேற்று சென்சார் ஆகியிருக்கிறது. U/A சான்று பெற்றிருக்கிறது. சென்சார் வேலை முடிந்துவிட்டதால் தயாரிப்பு தரப்பு ஏப்ரல் 13 தான் ரிலீஸ் தேதி என்பதை அதிகாரப்பூர்வமாக அறிவித்திருக்கிறது.
கடைசியாக விஜய் நடித்து ஏப்ரல் மாதத்தில் வெளியான படம் 'தெறி'. அது பெரிய வெற்றியை பெற்றிருந்தது. விஜய்யின் கரியரில் ஆல்டைம் ப்ளாக்பஸ்டரான 'கில்லி' யும் ஏப்ரல் மாதமே வெளியாகியிருந்தது. 'கில்லி' 'தெறி' ஆகியவற்றை போன்று 'பீஸ்ட்' டும் பெரிய ஹிட் அடிக்கும் என்பதே விஜய் ரசிகர்களின் நம்பிக்கையாக இருக்கிறது.
View this post on Instagram
தலைப்பு செய்திகள்
ட்ரெண்டிங் செய்திகள்
