Baakiyalakshmi Serial: இது உலக மகா நடிப்பு.. வீடியோ காலில் வந்த ராதிகா.. டரியல் ஆன கோபி.. பாக்கியலஷ்மியில் ட்விஸ்ட்..

பாக்கிய லட்சுமி சீரியலின் புதிய ப்ரோமோ வெளியாகியிருக்கிறது.

பாக்கியலட்சுமி சீரியல்

 

முன்னாள் காதலியுடன் காதல்

விஜய் டிவியில் ஒளிப்பரப்பாகி வரும் முன்னணி சீரியல்களில் ஒன்று பாக்கியலட்சுமி. இல்லத்தரசி ஒருவர் தன் வாழ்கையில் சந்திக்கும், பிரச்னைகளை மையமாக கொண்டு இந்தத்தொடர்  நகர்கிறது. கதையின் மைய கதாபாத்திரமான பாக்கியலட்சுமி கேரக்டரில் சுசித்ராவும், அவரது கணவர் கோபிநாத் கேரக்டரில் ராஜூவும் நடித்து வருகின்றனர். முன்னாள் காதலி ராதிகாவுடன் சுற்றும் கோபிநாத், அவளை திருமணம் செய்ய நினைக்கிறார். இதனால் தனது மனைவியான பாக்யாவை விவாகரத்து செய்ய முயல்கிறார். இதை அறியாத வெகுளி பாக்யா விவாகரத்து பத்திரத்தில் கையெழுத்து போட்டு குடும்ப நல நீதிமன்றம் வரை சென்றுவிடுகிறார். 

பக்கவாதத்தில் படுத்த தாத்தா 

சூழ்நிலை இப்படி இருக்க, பகலில் ராதிகா வீட்டில் இருந்த கோபிநாத், இரவில் தன் வீட்டிற்கு வருவதை வழக்கமாக வைத்திருந்த நிலையில் இப்போதெல்லாம் ராதிகா வீட்டிலேயே இருந்து விடுகிறார். இதை பாக்யா கேள்வி கேட்க,கோபி அதை தனது அதட்டலால் அடக்கி விடுகிறார். கோபியை கேள்வி கேட்டு வந்த தாத்தாவும் தற்போது பக்கவாதத்தில் படுத்துவிட்டார். பாட்டிக்கு கோபி மீது கோபம் கொப்பளித்தாலும், தாத்தாவை கவனிப்பதிலேயே காலம்  நகர்ந்து கொண்டிருக்கிறது. செழியன் சுயநலவாதி என்பது அப்பட்டமாக தெரிந்தாயிற்று. சூழ்நிலை இப்படி நகர்ந்து கொண்டிருக்க, நடுவில் பாக்யா, எழில், ஜெனி குடும்பத்தை நடத்த கஷ்டப்பட்டுக்கொண்டிருக்கிறார்கள். 

 

இந்தப் ப்ரோமோவில் என்ன ஸ்பெஷல் 

விறுவிறுப்பாக சென்று கொண்டிருக்கும் இந்த சீரியலின் புதிய ப்ரோமோ வெளியாகியிருக்கிறது. இந்த ப்ரோமோவில், “ திடிரென்று கோபிக்கு ராதிகா வீடியோ கால் செய்ய, பெட்டில் படுத்திருந்த கோபி பதறியடித்து உட்காருகிறார். தொடர்ந்து நான் வீடியோ காலில் வருகிறேன் என்று போனை கட் செய்த ராதிகா வீடியோ கால் செய்கிறார்.

அப்போது அவரிடம் உடம்பு சரியில்லாதது போன்று நடிக்கும் கோபி, தன்னைப்பார்த்துக்கொள்ள வீட்டில் யாரும் இல்லை என்று நடிக்கிறார். அதைப்பார்த்து பரிதாபப்பட்ட ராதிகா நீங்கள் இங்கே வந்து விடுங்கள் நான் உங்களை பார்த்துக்கொள்கிறேன் என்று கூறுவதோடு, நான் வேண்டுமென்றால் அங்கு வந்து உங்களை அழைத்து வரட்டுமா என்று கேட்கிறார். அதைக்கேட்ட கோபி, அய்யயோ நானே எப்படியாவது கஷ்டப்பட்டு வந்து விடுகிறேன் என்று சொல்லி குஷியாகிறார். இந்த ப்ரோமோ வீடியோ தற்போது சமூக வலைதளங்களில் வைரலாகி வருகிறது. 

 

 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண