Baakiyalakshmi Serial : ராதிகாவுடன் சிக்கிய கோபி... மயங்கி விழுந்த பாக்யா... இன்றைய எபிசோடில் நடக்கப்போவது என்ன?
வெளியே வரும் ராதிகா மருத்துவமனை நிர்வாகத்திடம் கோபியின் வீட்டு நம்பரை கொடுத்து தகவல் சொல்லுமாறு தெரிவித்து விட்டு வீட்டுக்கு புறப்படுகிறார்.
பாக்கியலட்சுமி சீரியலில் கோபிக்கும் இன்னொரு பெண்ணுக்கும் இடையே அவரது மனைவி பாக்யாவுக்கு தெரிய வந்துள்ள நிலையில் நடந்த சம்பவங்கள் பார்வையாளர்களின் எதிர்பார்ப்பை அதிகரித்துள்ளது.
விஜய் டிவி சீரியலில் ஒளிபரப்பாகும் சீரியல்களில் பாக்கியலட்சுமி சீரியல் ரசிகர்களின் ஆல்டைம் பேவரைட்டாக உள்ளது. இந்த சீரியலின் ஹீரோ கோபி குடும்பத்திற்காக மனைவி பாக்யாவை பிடிக்காமல் அவரோடு சகித்து கொண்டு வாழ்த்து வருகிறார். அந்த சமயத்தில் தன்னை சந்திக்கும் முன்னாள் காதலி ராதிகா மீது அவருக்கு மீண்டும் காதல் துளிர்கிறது. இதற்காக கோபி செய்யும் ஒவ்வொரு தகிடு தத்தங்கள் என்னென்ன என்பதான திரைக்கதை சுவாரஸ்யமாக சென்ற நிலையில் கடந்த சில எபிசோட்கள் அடுத்தடுத்து எதிர்பாராத திருப்பங்களை ஏற்படுத்தியது.
இந்த சீரியலில் கோபியாக நடிகர் சதீஷ்குமார், பாக்யலட்சுமியாக நடிகை சுசித்ரா ஷெட்டி, ராதிகாவாக நடிகை ரேஷ்மா ஆகியோர் நடிக்கின்றனர். பாக்யா தான் தன் மனைவி என போதையில் கோபி ராதிகாவிடம் உளறியது, கோபியின் மீதான சந்தேகத்தால் அவரது போனை பாக்யா சோதனை செய்தது. ராதிகா - கோபி இடையேயான சண்டை, நடுவில் ராதிகாவின் முதல் கணவன் ராஜேஷின் எண்ட்ரி, கோபி வீட்டில் உண்மை தெரிந்தது, அவர் விபத்தில் சிக்கியது என இந்த சீரியல் விறுவிறுப்புக்கு பஞ்சமில்லாமல் நகர்கிறது. இனி இன்றைய எபிசோடில் என்ன நடக்கிறது என பார்க்கலாம்.
ஏற்கனவே மருத்துவமனையில் கோபியின் மனைவி என கூறி ஒருவர் வந்திருப்பதாக பாக்யாவிடம் நர்ஸ் தெரிவிக்க, அதிர்ச்சியடைந்து யார் அது என பார்க்க அவர் முயற்சிக்கிறார். ஏற்கனவே கோபி அனுமதிக்கப்பட்ட அறைக்குள் ராதிகா இருப்பது தெரியாமல் பாக்யா நுழைய முயல, அங்கு கோபி பெண் ஒருவரின் கையைப் பிடித்துக் கொண்டு நீயும் மயூவும் என்னை விட்டு மும்பை போய்ட்டா என்னால உயிரோட இருக்க முடியாது என தெரிவிக்கிறார்.
ஏற்கனவே கோபி மீது பாக்யாவுக்கு சந்தேகம் வந்த நிலையில் நேரடியாக இதைப் பார்த்து அவர் அதிர்ச்சியில் மயக்கமடைகிறார். அவரை அருகிலிருப்பவர்கள் மயக்கம் தெளிய வைத்து என்னவென்று விசாரிக்கின்றனர். வெளியே வரும் ராதிகா மருத்துவமனை நிர்வாகத்திடம் கோபியின் வீட்டு நம்பரை கொடுத்து தகவல் சொல்லுமாறு தெரிவித்து விட்டு வீட்டுக்கு புறப்படுகிறார். அப்போது அங்கு வரும் நர்ஸ் கோபியின் மனைவி இங்கு யார் என கேட்க சொல்லுங்க என ராதிகா பதிலளிக்கிறார். சத்தம் வந்த திசையைக் கேட்டு யாரென்று பார்க்கும் பாக்யாவுக்கு அதிர்ச்சி மேல் அதிர்ச்சி... கோபிக்கும் ராதிகாவுக்குமா தொடர்பு உள்ளது என அவர் திகைத்து நிற்க இன்றைய எபிசோட் நிறைவடைகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
